Jemis 1:5 - Manji Yiljep

⁵ Katɗang mee gwar nɗǝǝn wun ɗe baa wu kǝ ɗyeen kas, ɓe wu yit kǝ gwar mǝnǝ ɗang pǝ Naan, mbǝkǝ Naan shin ɗyeen ɗe nwur. Naan wur zum zam, wu naa nchin mbii ngurum mo jir, baa wur chakpwo mɓe shin mbii ngurum mo kas. Naan wu nshin ɗyeen mun jir ɗe mo ɗang pǝ wu.

Jemis 1:5 Iomraidhean Croise

Maak 16:14

Aɓwoon ɗese, ɓe Jesu jì kámshin njeplep ɗe kaapaat baamǝndong sǝ mo, ɓe moo tong a peese mbiise. Wur gwak mo mɓe ciin shinzeen fur, kǝ mbǝɗe pǝtuup fur mo a ɗeɓal, mbǝɗe baa mo shinzeen nen ɗe mo naa wur aɓwoon ɗewur kǝ yool a peemúut kas.

2 Koronti 2:16

A mǝ peekyes nǝ nɗesǝ, ɗu ɗevǝl nǝ a ɗu ɗe mǝ wam, mǝ muut ɗi nǝ dǝm a peeloom. Amma a mu ɗinshee nǝ nɗesǝ, nǝ a fwaap deshang mǝ seen ɗi nǝ dǝm a peeseen. A wii mmak mang toon mbii ɗesǝ mo yii?

Jemis 1:17

Mbii ɗeret mo, kǝ ɗe azeen mo jir, moo tong a pee Naan jì. Mbii ɗesǝ mo jir, a zuum ɗe moo pwat a pee Naan ɗe, ɗe wu lepuus, kǝ zar mo, kǝ tar nɗǝǝn ɗengnaan. Naan wu shikáa fǝr, baa wur cham sheeɗi kas, kǝ nǝ le kǝ mǝ ɗee ɗe nkòo kas.

Jemis 3:17

Ɗangɓe gwar ɗe wu kǝ seen ɗe nǝ tong a pee Naan sham ɗe, ɗenshee ni, ɓe gwar nǝ a ɗin ɗeret, kǝ nii jì kǝ tongryang, nii le kǝ gurum mo chìn mbii nɗǝǝn ɗyen ɗeret, baa nii le gurum mo ɗee a nyemciishik mo kas. Nii le gwar mǝnǝ ɗee a ngutap kǝ niyee mo, kǝ shidaar-shidaar ɓe wur naa nchìn ɗak ɗeret mo, niyee mo. Pǝtuup kǝ gwar mǝni, baa nǝn cham chiir kas, kǝzak, baa wur chìn ɗung ngurum mo kas.

Jemis 5:16

Mbǝmǝnǝ, nghan kǝn sat nwun nǝ, wu woo shikbish fuu mo nshak, kǝ wu cìn aduwa mɓe shak zak. Mbǝkǝ wu kat koom ɗǝ nɗǝǝn shwal fuu mo.