Jemis 1:24 - Manji Yiljep

²⁴ Ɗe aɓwoon ɗe wu kǝ ten naa shin nɗǝǝn mbii naayit ni, ɓe kaaɗi wu chiir kǝɓwoon mbii naayit ni, ɓe wu chiir muunshik nyit fǝr ɗe wu kǝ naa ni.

Jemis 1:24 Iomraidhean Croise

1 Tasoloni 1:5

Mbǝɗe baa gyet mu satpwoo ɗeret nǝ nwun a shi lepwoo fun ɓejee kas, amma a nɗǝǝn iiko mǝ Riin Ɗeɓang. Kǝ mun mu cinzeen nee, mbii ɗǝ mǝ sat nǝ azeen. Wu man tong fun, kaaɗe gyet mun ɗe ashak kǝ wun. Muu cìn mbii mo jir a mɓe fuu.

Jemis 1:23

Katɗang gurum kǝ kǝlǝng a pwoo nǝ ɓejee, ɗangɓe baa gwar nǝ chìn mbii ɗe pwoo nǝ sat kas, ɓe nǝ ɗee a kaa gwar ɗe wu naa shin fǝr nɗǝǝn mbii naayit sǝ.

Jemis 1:25

Ɗangɓe gwar ɗe wu tap bǝlǝp wàar kǝ Naan, ɗangɓe wu chìn mbii ɗe wàar nǝ mo sat, baa wu kǝkǝlǝng ɓejee kas, ɗe nǝn nle kǝ wu muunshik mbii nǝ mo kas, ɗang ɓe wu tap chìn mbii ɗe wàar nǝ sat, ɓe Naan wu nle ɗeret nkaa gwar mǝnǝ hakyeng. Mɓeɗi wàar kǝ Naan mo a ɗin ndǝre-ndǝre, mo ɓál mɓe chínpee mmun, mbǝkǝ mu ɗee ɗe a mukáa fun.

2 Pita 3:11

Kaaɗi wun kǝ man nǝnee, << mbii mo jir mon loom aasǝ, ɓe nǝ ret kǝ nwun ɗak tong fuu mo, kǝ nwun tap ɗi kǝ shiimwaan fuu mo. Nǝ ret kǝ seen fuu mo ɗee a ɗeɓang, kǝ nwun lesuk nɗǝǝn sar Naan kǝdǝng-ndǝng. Kǝ nwun kǝlǝng ɗoo wur nɗǝǝn mbii mo jir.