Jemis 1:22 - Manji Yiljep

²² Ɗangɓe nǝ a tǝng ƙǝn wu chìn mbii ɗe pwoo Naan nǝ sat nnǝ wu chìn ni, baa nǝ, wu kǝlǝng a shi kom ɓejee ɗak kas. Nen ɗe mo kǝlǝng pwoo Naan, ɗangɓe baa mo chìn mbii ɗe pwoo nǝ sat nnǝ mo chìn kas, ɓe nen mǝnǝ moo ngwom a sut fur ɓejee.

Jemis 1:22 Iomraidhean Croise

1 Koronti 15:33

Taji wu yit kǝ mee gurum ngwam wun kas. Katɗang gurum kǝ mwaan ashak kǝ nenɗebish mo, ɓe mǝse fin nǝn nɗee a ɗebish zak.

1 Koronti 3:18

Taji mee gurum numkáa fir kas, katɗang mee gurum ndǝǝn wun ɗi wu kǝ lekáa fir a kaa ngwar ɗi kǝ seen nyìcinsǝ, ɓe nǝ ret kǝ gwar mǝnǝ lekáa fir kaa mwen sǝ, mbǝkǝ wur kat seen ɗi.

1 Koronti 6:9

Baa wu man kas aa? Nǝ, baa nen ɗǝbish mon nɗel mmulki Daa Naan kas. Taji wu numkáa fuu kas. Baa nencìn mbii ɗebish mo, koo nenseyil nkùm mo, koo nencìn ngaa mo, koo mish ɗe moo teer kǝ shak, koo mat ɗi moo teer nshak, koo wat mo, koo nenrǝɓet mbii mo, koo nenshwaa mwos mo, koo nensatpwoo ɗebish nkaa gurum mo. Koo ɗang nenseen akǝ gurum mo.

Galati 6:3

Katɗang memee fuu lekáa wur a mee mbii, ɗangɓe nɗǝǝn zeen nǝ, ɓe baa wur a mee mbii kas, ɓe gwar mǝnǝ nǝk a kaa shin ɓejee ɗak.

Galati 6:7

Taji mee gurum gwamkáa shin kas, mbǝɗe baa mee ngwe cam zaal nNaan kas. Mbii ɗe gurum kop ɓe wur nɗyiip a nǝ.

Filipi 4:8

Ɗyemnaa mo, peekyes nǝ, ɓe jir mbii ɗe nǝ azeen, ɗe nǝ mak shin ɗeɗes, ɗe nǝ a ɗe ndǝre, ɗe nǝ a ɗeɓang, jir a ɗe nǝ a nwal, kǝ jir mbee ɗe nǝ rit naa, jir katɗang nii mee mbii ɗeret met jir ɗe, jir ɗe nǝ mee mbii ɗe nǝ ret plang ɗe, ɓe wu cìn pan nkaa mbii ɗesǝ mo jir.

Kolosi 3:17

nƊǝǝn mbii ɗe wuu cìn mo jir, koo ɗe a nɗǝǝn ɗak, ɓe wu cìn mo jir a nɗǝǝn sǝm kǝ Daa fun Jesu. Wu pǝlang Naan puun nɗǝǝn sǝm fin.

Titus 3:3

Gyet mun shikáa fun, ɓe mun a mwen mo, nenbaashik mo, nen cìn mbii ɗe nǝkan mo. Gyet mun a kǝrem mo, mbee shang mǝ nan ɗesǝ. Pan fun mo jir a ɗebish shidaar-shidaar, kǝ coor mbii gurum mo shi yit ɗebish. Gurum mo cii mun, ɓe mun zak, muu cii mo.

Jemis 1:26

Katɗang mee gurum leshin a kaa nguso ndang Naan sǝ, ɗangɓe baa gwar mǝnǝ tap kǝ liis fǝr kas, ɓe gwar mǝnǝ ngwom a káa fǝr ɓejee. Mwaan wur ɗe nǝ a mǝ nenɗǝm ndang Naan mo, nǝ ɗee a buu.

Jemis 4:11

Ɗyemnaa fen mo, taji wu leeshaap ɗebish duk shak kas, koo a weye ɗewur leeshaap ɗebish nkaa ɗyemnǝǝn fǝr, koo tokɗyeel nwur, ɓe gwar mǝnii katpwoo ɗebish a nkaa wàar nǝ. Kǝ wur ɗee a ngutokɗyeel nkaa nwàar nǝ zak. Ɗangɓe katɗang mee gurum tokɗyeel wàar ni, ɓe baa gwar mǝnǝ cìn mbii ɗe wàar nǝ sat kas, ɗang ɓe wu leshin a ngutokɗyeel mmǝnǝ.

Jemis 4:17

Koo a weye ɗe wu man mbii ɗǝ nǝ ret kǝ wu cìn, ɗang baa wur cìn kas, ɓe gwe mǝnǝ cìn a shikbish mmǝnǝ.

2 Pita 2:13

Naan wur kwat mo shi jeel, mbee jeel ɗe gyet mmo kǝ shin ngurum mo. Nen ɗesǝ nǝ mo rǝɓet a kǝlǝng shang mǝ seen ɗesǝ ɓejee, ɓe moo cìn pak mbii nǝ mo a nnaar puus. Shiimwaan mmo nǝ mo, mo a mbii yitlwaan pee wun ɗi. Moo tong ashak kǝ wun mbee se mbiise, ɗangɓe moo tap ciir mɓwoon fuu, kǝ mo cìn mbii ɗebish ɗe mo shang mmo ɗi.

3 Joon 1:11

Sharfen, taji a kam cin bii ɗǝ bish mo kas, Ɗangɓe a kam a ɗeret mo. Koo a weyii ɗe wur cìn mbii ɗeret, ɓǝ gwar mǝnǝ a mǝ Naan. Jir ngwe ɗe wur cìn mbii ɗebish, baa gwar mǝnǝ kǝ naa Naan kas koo lee.

Suun 12:9

Mo mang cut am ɗesǝ nǝ, mo vwet wur shin sham nɗǝǝn yil nǝ nwòo ɗegyet mǝnǝ mo pet wur a ngujwaan, ko shetan ɗǝ wur gwom gurum mo yil nǝ dǝm kǝnǝ a ar ɗe nkan mo mang wur vwet shi sham yil, kǝ jeplep wur mo.

Suun 22:7

<>