Filipi 4:8 - Manji Yiljep

⁸ Ɗyemnaa mo, peekyes nǝ, ɓe jir mbii ɗe nǝ azeen, ɗe nǝ mak shin ɗeɗes, ɗe nǝ a ɗe ndǝre, ɗe nǝ a ɗeɓang, jir a ɗe nǝ a nwal, kǝ jir mbee ɗe nǝ rit naa, jir katɗang nii mee mbii ɗeret met jir ɗe, jir ɗe nǝ mee mbii ɗe nǝ ret plang ɗe, ɓe wu cìn pan nkaa mbii ɗesǝ mo jir.

Filipi 4:8 Iomraidhean Croise

Maak 6:20

Herot wur kǝǝr Joon, mbǝɗe wur man nǝ, Joon wur a nguzeen, kǝ gwar ɗe ndere. Nǝ le kǝ nHerot tap kǝ Joon rǝret nɗǝǝn lushoot nǝ. Herot wur kǝlǝng pwoo ɗe Joon kǝ sat mo shi retnyit, amma pwoo nǝ moo daampee nwur zam.

Ɗak Jeplep Jesu Mo 10:22

Mo lap nǝnee, <>

Ɗak Jeplep Jesu Mo 22:12

<

Ɗak Jeplep Jesu Mo 6:3

Mbǝ mǝnǝ, ɗyemnaa mo, wu bǝlǝp mee gurum mo pwoovǝl nnaar fuu, ɗe mo kǝ mǝse ɗeret, kǝ ɗe mo gam kǝ Riin Ɗeɓang, kǝ ɗe mo manshii mǝ mbii zak. Mbǝkǝ mun le mo tap ɗi kǝ ɗak shwap mbiise nǝ.

1 Koronti 4:5

Mɓǝmǝnǝ ɓe, taji wu canɗyeel nkaa mee gurum kas, atǝng pee nǝ wul akuɗang. Wu gong waaji nDaa. Daa wur njì le mbii ɗe mo a sǝsok mo ɗee agaak, kǝ wur nwang pan ɗe mo ndǝǝn pǝtuup kǝ gurum mo ɗee agaak zak. A nchiit kǝ mǝnǝ ɓe koo a weyii, ɓe Naan wun nkwoop wur nchiit-nchiit kǝ kwoop ɗe nǝ ret kǝ wu kat.

2 Koronti 13:7

Muu ɗang pǝ Naan kǝ taji wu cìn mee mbii ɗebish kas. Muu ɗang pǝ Naan, baa a mbǝkǝ nǝ cám ɗi agaak nǝ, mun kǝ se koorong nkaa cam nǝ kas, amma see a mbǝkǝ wun wu cìn mbii ɗeret mo ɗi, koo dǝ wu naa kaa mun muu taa mu kǝkat sǝ.

2 Koronti 6:8

Gurum mo le mun a ɗeɗes, amma pak moo waa lejeel mmun zak. Pak gurum moo kwoop mun, ɗang pak moo waa ɓees mun zak. Moo le mun a kaa nenɗung mo sǝ, ɗang mun a nensat zeen mo.

2 Koronti 8:18

Muu lep wur dǝm pee wun ɗi ashak kǝ ɗyemnǝǝn fun ɗi gurum moo fes shin ɗeɗes nwur, mbǝ satpwoo kǝ Naan nɗǝǝn Ekǝlisya mo jir.

2 Koronti 8:21

Mbii ɗe muu reɓet nɗesǝ, kǝ wu cìn mbii mo ɗi ndǝre-ndǝre, baa a ntoom kǝ Daa ɓejee ɗak kas, har kǝ ntoom kǝ gurum mo jir zak.

Galati 5:22

Ɗang ɗak ɗe gurum moo cìn nɗǝǝn Riin Naan mo a, walnshak, kǝ retnyit, tongryang, gung mbii mo, naajeel nshak, cìn mbii ɗeret mo, shinzeen,

Afisus 4:25

Mbǝmǝnǝ, wu baa kǝ ɗung nɗǝǝn wun, kǝ koo a weyi ɓe wur sat azeen ngǝnǝǝn wur ɓejee ɗak. Mbǝɗe mun a ɗemǝndong kǝ shak nɗǝǝn Kristi.

Afisus 5:9

Ɗak nen ɗe mo nɗǝǝn peeɓang, nǝ a nɗǝǝn mbii ɗeret mo, kǝ ɗe ndǝre mo, kǝ zeen zak.

Afisus 6:14

Wu ɗar ɓalɓal shi ɗak suk, kǝ ɓwoot ɓwoon fuu mo shi zeen, kǝ cìn mbii ɗe ndǝre kaa kawung ɗe nǝ tap tuur ngurum sǝ.

Filipi 3:1

Ɗyemnaa mo, mpee kyes nǝ, ɓe wu cìn retnyit nɗǝǝn Daa. Baa nǝ daampee nwen mbǝ baa ran pwoo ɗe gyet wen kǝn ten ran mo nwun kas, ɗangɓe nǝ a mbǝkǝ nǝ ɓam wun ɗe, kǝ wun tong ɗe ryang.

Kolosi 4:5

Wu mwaan shi seen, pǝ nenyil ɗe baa mo a nendǝm ndang Naan mo kas. Wu cìn ɗak kǝ koo a pee ɗeɗangyi ɗe Naan shin wun!

1 Tasoloni 4:12

Katɗang wu cìn mbii ɗe mǝ sat nwun sǝ mo, ɓe nen ɗe baa mo shinzeen nDaa Jesu kas, mon nshin ɗeɗes nwun, kǝ baa wun ntaa wu kat mɓut mme mbii kas.

Titus 1:8

Ni ret kǝ wur ɗee a ngula gurum mo nɗǝǝn tulu wur. Nǝ a tǝng kǝ wur wal mbii ɗeret mo. Nǝ ret kǝ wur ɗee a ngwe ɗe mwaan wur nǝ a ndǝre-ndǝre, kǝ mǝse wur nǝ ɗee a ɗe nǝ shang nNaan zak. Nguyaashin.

Titus 2:14

Mbǝ mun ɓe wur shin seen wur mbǝkǝ, wur can mun ɗe nɗǝǝn mbii ɗebish mo jir, kǝ mbǝkǝ wur le mun ɗee ɗe a nen ɗe pǝtuup fun mo a ɗeɓang. Kǝ mun ɗee ɗe a nen wur mo, nen ɗe mo coor cìn mbii ɗeret mo jir.

Titus 2:2

A kám nen ɗekukun mo nǝnee, << nǝ ret kǝ mo ɗee a nen ɗe mo ya sut, kǝ mo le pǝtuup fur mo ɗar a pee mǝndong. Taji mo ɗee ntan kas, ɗangɓe mo ɗee a nen ɗe mo ɗar ɓalɓal nɗǝǝn shinzeen nǝ. Nen ɗe mo wal ngurum mo, kǝ nengung nɗǝǝn mbii mo zak.

Titus 2:7

nƊǝǝn mbii mo jir, ɓe nǝ ret kǝ mo ɗee a nen ɗe moo mǝse ɗeret mo. A kám ngurum mo. A kám ngurum mo mbii ɗe nǝ nɗǝǝn pǝtuup fwa ɗe nǝ azeen-nzeen, kǝ taji a ɗee ntan kas.

Titus 3:14

Nǝ ret kǝ nen fun sǝ mo shin sut mbee cìn ɗak ɗeret mbee ɓam nen ɗe mo nɗǝǝn jeel mo. Kaji mo tong buu shi sar ɗe nfii kas.

Jemis 1:27

Nyit kǝ Naan ɗe wu a puun fun jir, ɓe mwaan ɗe mǝnǝ a mǝ nen mwaan ndang Naan ɗe nǝ azeen-nzeen, ɓe a gwar ɗewur tap kǝ lukáa mo, kǝ matkaa mo, ɗe mo nkaa shwaajeel, kǝzak, gwar mǝnǝ tap kǝ káa fǝr, mbǝkǝ taji mbii ɗebish mǝ yil ɗesǝ mo ngwom wu, kǝ mo le kǝ wu cìn shikbish kas.

Jemis 3:17

Ɗangɓe gwar ɗe wu kǝ seen ɗe nǝ tong a pee Naan sham ɗe, ɗenshee ni, ɓe gwar nǝ a ɗin ɗeret, kǝ nii jì kǝ tongryang, nii le kǝ gurum mo chìn mbii nɗǝǝn ɗyen ɗeret, baa nii le gurum mo ɗee a nyemciishik mo kas. Nii le gwar mǝnǝ ɗee a ngutap kǝ niyee mo, kǝ shidaar-shidaar ɓe wur naa nchìn ɗak ɗeret mo, niyee mo. Pǝtuup kǝ gwar mǝni, baa nǝn cham chiir kas, kǝzak, baa wur chìn ɗung ngurum mo kas.

1 Pita 1:22

Wuu ten wu le pǝtuup fuu mo ɗee a ɗeɓang, mbǝɗe wuu cìn mbii ɗe azeen, ɗe pwoo Naan nǝ sat nǝnee wu cìn mo, azeen-nzeen, wuu wal nendǝm nɗang Kristi mo. Mpeemǝnǝ nghan nkaa sat nwun nǝnee, << wu walnshak shi pǝtuup fuu mo, kǝ ɓal fuu mo jir.

1 Pita 2:12

Wu sat a mwaan-mwaan ɗe nǝ ret nyit nnen ɗe baa mo a nen Naan mo kas, mbǝkǝ koo ɗe gurum moo satpwoo ɗebuu nkaa wun, ɓe mo naa mbii ɗeret ɗe wuu cìn mo, mbǝkǝ mo ciir, kǝ mo kwoop Naan ɗe parpuus ɗewur njì naa mun.

1 Pita 4:8

Mbii ɗe nǝ koop nǝ met jir nǝ a nǝnee, << wu sat a walnshak shi pǝtuup mǝndong shidaar-shidaar. Mbǝɗe katɗang wuu wal ngurum mo, ɓe baa wun nsat a pan shikbish ɗe mo cìn mo nkaa wun kas.

2 Pita 3:1

Wun ɗe wen wal nwun sǝ mo, ɗesǝ nǝ a wasika ɗevǝl, ɗe wen kǝn ran nwun. nƊǝǝn wasika ɗevǝl sǝ nǝ mo, ɓe wen kǝn lepan nwun nkaa mbii ɗesǝ mo, ɗe wuu ten wu man mo, mbǝkǝ nǝ mii wun ɗi, kǝ nwun dǝm ɗi ndang Naan shi pǝtuup ɗemǝndong.