Filipi 2:17 - Manji Yiljep

¹⁷ Koo ɗe mon nfet ghan, kǝ mo ɗoo toom fen kaa mbiizuum ɗe shang sǝ mbǝ shinzeen fuu nɗǝǝn Naan, ɓe nǝ ret nwen nyit, kǝ nǝ shang nwen ashak kǝ wun jir.

Filipi 2:17 Iomraidhean Croise

Ɗak Jeplep Jesu Mo 20:24

Baa wen lesen fen nǝ kǝ mee koop nǝ pǝ an ɗi kas, ɗang an kǝn reɓet kǝ nghan kyes a ɗak ɗe Daa Jesu kǝ shin nghan mbǝ cìn nǝ. Ɗak ɗewur shin nǝ nghan nɗesǝ, kǝ nghan leshap ɗeret ɗi ngurum mo nkaa zuum mǝ Naan.

Ɗak Jeplep Jesu Mo 21:13

Ɗangɓǝ Pool lap nǝnee, <>

2 Koronti 12:15

Nǝ nret nwen nyit zam, mbǝkǝ wen cin mbii ɗe wen kǝ nǝ jir, kǝ sen fen zak, mbǝ ɓam wun. Wen wal nwun ɗes, ɗangɓe wun wu wal nwen a lee ɗak aa?

2 Koronti 4:12

Ɗesǝ nǝ kám nǝ, muut nǝ nkaa cìn ɗak nɗǝǝn mun, amma seen nǝ nkaa cìn ɗak nɗǝǝn wun.

2 Koronti 6:10

Mu ɗee kaa mun aa pǝtuup ɗeewat sǝ, ɗangɓe mun a mɓut nretnyit shidaar-shidaar. Mu ɗee kaa nenjeel mo sǝ, ɗang jir kǝsǝ, bǝ mu le kǝ gurum mo ɗes mo kat long. Mu ɗee kaa baa mun kǝ mee mbii kas sǝ, ɗang jir kǝsǝ, bǝ koo mbii ɗeɗangyi bǝ nǝ a munu.

2 Koronti 7:4

Wen shinzeen nwun azeen-nzeen, kǝ wen kǝ cìn roop ɗes a shi wun zak. Har wu fes wu caa pǝtuup fen nǝ rǝret hakyeng. Jir kǝ jeel ɗe muu shwaa nǝ, bǝ wen nkaa cìn retnyit ɗes zam.

Filipi 1:20

A ɗyen fen kǝ canciin fen ɗesǝ nǝ, baa wen cìn mee mbii ɗe nǝ njì kǝ naashweep nkaa ghan kas. Ɗangɓe rǝɓet fen, kǝ nghan satpwoo ɗeret nǝ shiɓal baa shi kǝǝrmuut kas mbǝkǝ koo a ɗeɗangyi, kǝ koo a pǝrangyi, ɓe wen shin ɗeɗes ɗe nKristi shiɓal kǝ foshik fen jir. Koo ɗe wen ɗe kǝ seen, kǝ koo ɗi wen mmuut.

Filipi 2:18

Nǝ aasǝ zak, nǝ ret kǝ wun, wu cìn retnyit ashak kǝ an zak.

Filipi 2:30

Gyet ɗee ɗi a lee kǝ wur muut mbǝ ɗak Kristi. Gyet wur shin seen wur, mbǝkǝ wur ɓam an ɗe, nɗǝǝn ɗak ɗe baa wun shikáa fuu wu mak cìn nǝ kas.

Filipi 4:18

Wuu ten wu kwat ghan kǝndǝng, mbǝɗe kǝn kat mbii ɗe kǝn rǝɓet nǝ, ɗang nǝ ɗes met mbii ɗe dǝ ghan kǝn rǝɓet nǝ. Mbǝɗe nghan kǝn la zuum ɗe wu lep shinji nwen nsar nEpafradaitus. Mbiizuum fuu ɗesǝ nǝ mo, moo toos shang shang a kaa zuum ɗe gurum moo shin nNaan sǝ. Mbiizuum ɗe Naan lap ɗe mo shang nyit nNaan hakyeng.

Kolosi 1:24

Kaaɗe wen nkaa shwaajeel mbǝ sǝm fuu, ɓe nghan kǝ retnyit mputuup. Kaaɗe gyet Daa Jesu shwaajeel sǝ, ɓe wen zak, kǝn shwaajeel nɗǝǝn nan mbǝ sǝm kǝ nen fin mo ɗe mo a fwooshin fin. Wen shwaajeel nǝ a mbǝkǝ wen sǝǝt nkyes koor ɗak wur nǝ ɗi.

1 Tasoloni 2:8

Mbǝɗe mǝ wal nwun zam, har gyet mu rǝɓet mbǝkǝ mǝ shin seen fun mo mɓe wun, baa a mɓe pwoo ɗeret Naan ɗe gyet mǝ sat nwun ɓejee kas.

1 Pita 2:5

Wun shikáa fuu wun kǝ seen, mbǝmǝnǝ nǝ ret kǝ nwun ɗee a kaa jwak ɗe Naan wur ɗyiklu ɗishik sǝ, mbǝɗe Riin wur ɗeɓang wur nɗǝǝn wun. Wun a nen ɗe Naan wur kǝ ten bilip wun, mbǝkǝ nwun ɗee ɗi a pris wur mo, mbǝkǝ nwun cìn ɗak wur ɗi shi pǝtuup mǝndong nɗǝǝn ar ɗe nǝ shang wur, mbee sǝm kǝ Jesu Kristi.