Filipi 1:7 - Manji Yiljep

⁷ Wen kǝn yee wun nɗǝǝn pǝtuup fen shidaar-shidaar, mbǝmǝnǝ, ɓe nǝ ret kǝ wen kat pan mǝnǝ nkaa wun. Mbǝɗe wu ɓalkaa fuu mo kǝ an nɗǝǝn ɗeret ɗe Naan wur cin nwen. Kaaɗi yaksǝ, ɓe wen nɗǝǝn lushoot, kǝ kaaɗi gyet wen katpee mbǝkǝ wen kám ɗi ngurum mo nee, pwoo ɗeret nǝ azeen-nzeen.

Filipi 1:7 Iomraidhean Croise

Ɗak Jeplep Jesu Mo 20:23

Ɗangɓǝ Riin Ɗeɓang kǝ kám nghan nǝ jir nɗǝǝn pee nkaam ɗeɗangyii, kǝ jeel pǝ ɗarnaa an, ɓǝ gurum mon yaa an shoot zak.

Ɗak Jeplep Jesu Mo 21:33

Yaksǝ ngwe ɗeɗes nǝ jì kus kǝ Pool, ɓǝ wur yaa Pool, wur le kǝ mmo ɓwoot Pool shi shoolbǝring mo vǝl. Wur tal nǝnee, <>

1 Koronti 13:7

Wal nǝ kǝ gung ndǝǝn mbii mo jir, kǝ nii shinzeen ndǝǝn mbii mo jir zak. Wal nii canciin ndǝǝn mbii mo jir, kǝ nii yaa sat ndǝǝn mbii mo jir.

1 Koronti 9:23

Wen kǝn lesen ndǝǝn mbii mo jir, a mɓe pwoo ɗeret nǝ, kǝ mbǝkǝ wen kat pak ɗeret mǝ pwoo ɗeret nǝ ɗi zak.

2 Koronti 3:2

Wun shikáa fuu, a wun a ran fun, ɗi mon cin langtǝng ɗishik nǝ. Mo joon ran nǝ nɗǝǝn pǝtuup fuu mo, mbǝkǝ koo wii wur man nǝ ɗi, kǝ wur tang ɗi zak.

2 Koronti 7:3

Baa wen sat desǝ nǝ a mbǝkǝ wen le wun ɗi a nenshikbish mo kas, ɗang wen satpwoo ɗesǝ nǝ a mbǝɗe di wen kǝ ten sat nwun nǝ, mu wal nwun zam. Kǝ koo ɗe a nɗǝǝn muut, kǝ koo ɗe mun ɗi kǝ seen, bǝ mun ɗi ashak vit nɗǝǝn pǝtuup fun mo.

Galati 5:6

Katɗang mu ɗee a ɗemǝndong kǝ Kristi Jesu, ɓe baa nǝ kuɗi mee koop nǝ kas, koo ɗe mo can gurum, kǝ koo ɗe baa mo can gurum kas, ɗangɓe mbii ɗe nǝ kǝkoop nǝ a shinzeen ɗe nǝ kám sat nɗǝǝn wal.

Afisus 3:1

A mbǝ ɗesǝ, ɓe wen Pool, an a shishoot mbǝ Kristi Jesu, mbǝ wun nen ɗe baa wun a nen Yahudi mo kas.

Afisus 4:1

Wen ɗe an a shishoot mbǝ sǝm Daa. Wen kǝn ɗang pǝ wun, mbǝkǝ wu mwaan-mwaan ɗe mo lapshak kǝ petpee ɗe Naan wur kǝ pǝrep wun mbǝ nǝ.

Afisus 6:20

A mbǝ pwoo ɗeret nǝ, ɗang mo lep an mbǝkǝ wen sat nǝ ɗi. Ɓe wen a shishoot shi tǝsek mǝ shool yaksǝ. Jir kǝ ɗe an a shishoot, ɓe wu cìn ɗangnaan (leshap kǝ Naan), mbǝkǝ wur shinɓal ɗi nwen, kǝn satpwoo ɗeret nǝ ɗe shiɓal, kaaɗi nǝ ret kǝ wen cìn sǝ.

Filipi 1:12

Ɗyemnaa mo, kǝn rǝɓet kǝ nwun man nee, jeel ɗe mo kat wen, ɓe nǝ le kǝ pwoo ɗeret nǝ sekyeen.

Filipi 1:13

har shiitoon ɗe moo tap lu mishkoom nRom, kǝ pak gurum mo, mo man nǝ, wen a shishoot a mbǝ sǝm Jesu Kristi.

Filipi 1:14

Pak ɗyemnǝǝn fun mo ɗes ɗe mo nɗǝǝn Daa mo waa katɓal nɗǝǝn pǝtuup fur mo, mbǝ satpwoo ɗeret nǝ shi pǝtuup mǝndong, baa a shi kǝǝrmuut kas, mbǝɗe wen a shishoot a mbǝ sǝm Jesu.

Filipi 1:5

mbǝɗe wu fes wu ɓalkaa fuu kǝ an nɗǝǝn pwoo ɗeret nǝ, yool mpuus ɗe gyet wu shee kǝlǝng nǝ jiwul cicinsǝ.

Filipi 2:22

Wun shikáa fuu wuu man tong Timoti, mbǝɗe an kǝ wur, mun a kaa puun kǝ ɗyem nwur sǝ, ɗe muu cìn ɗak ashak mbǝ satpwoo ɗeret nǝ.

Filipi 4:14

Wen plang wun, mbǝɗe dǝ wu ɓam an nɗǝǝn jeel fen.

Filipi 4:15

Wun nen Filipi mo, wu man shikáa fuu nǝ, gyet nshee mǝ pwoo ɗeret nǝ, kaaɗi gyet an yool yit yil mMasidoniya, ɓe baa mee Ekǝlisya ɗe nǝ shínkáa war ashak kǝ an mbǝ shin zuum mo, kǝ lap zuum mo kas, ɗang a wun ɓejee ɗak.

Filipi 4:3

Wen ɗang pee waa ɗyemnǝǝn fen, ɗe muu cìn ɗak ashak, kussuk a ɓam mat ɗesǝ mo. Mbǝɗi mat ɗesǝ nǝ moo cìn ɗak ashak kǝ an nɗǝǝn satpwoo ɗeret nǝ, ashak kǝ Kelemen kǝ koor des ɗe muu cìn ɗak ashak kǝ mo jir. Nen ɗe sǝm mo a ɗerǝran nɗǝǝn ɓǝǝt haal mǝ seen.

Kolosi 4:18

A an Pool ran lepran ɗesǝ nwun shi sar fen. Taji wu muunshik nǝ, an a shishoot nɗǝǝn lushoot kas. Ɗeret Naan tong ashak kǝ wun jir. nǝ aasǝ.

Kolosi 4:3

Wu ɗangnaan(leshap kǝ Naan) mɓe mun zak, mbǝkǝ Naan wang ar ɗǝ mmun, kǝ mu satpwoo fin ɗe ngurum mo. Kǝ mbǝkǝ mu yakshii nǝ ɗe ngurum mo mbii ɗe jurum, ɗe Naan wu woo mmun nkaa Jesu Kristi. A mɓe pwoo ɗeret nǝ, ɗangɓe nghan a shishoot nɗǝǝn lushoot.

1 Tasoloni 5:5

Wun jir, wun a nen ɗe mo nɗǝǝn peeɓang, ɗe wuu mwaan mpuus, baa wun a nen ɗe nɗǝǝn peenkwoo mo kas, ɗe muu tong nɗǝǝn peenkwoo sǝ kas.

1 Pita 4:13

Wun a nkaa ɓalkaa nɗǝǝn jeel ɗe gyet Daa Jesu Kristi wur kǝ shwaa, mbǝkǝ parpuus ɗe gurum mon nnaa ɗeɗes wur agaak, ɓe wun ngam kǝ retnyit.

1 Pita 5:1

Wen kǝ mee mbii mbee sat nwun, wun ɗe wun a nennan mo nɗǝǝn Ekɨlisya. Wen shikáa fen, an a ngunan kaa wun sǝ. Gyet nyam, ɓe an kǝn naa shi yit fen kyeet kǝn shwaajeel ɗe gyet Daa Jesu wur shwaa, ɗangɓe nyaksǝ, ghan kǝn ɓalkaa kǝ wun, mbǝkǝ mo naa ɗeɗes Jesu ɗi nǝ nɗǝǝn mun, ɗe Naan wur woo nǝ mmun agaak. A mbǝmǝnǝ, ɓe wen kǝn ɗang pǝ wun nǝnee,

2 Pita 1:13

Kaaɗi wen kuɗi kǝ seen nɗǝǝn nyil ɗesǝ, ɓe ghan naa nǝ ret, mbǝkǝ nghan lepan ɗi nwun nkaa mbii ɗesǝ mo shidaar-shidaar, mbǝkǝ taji wu ɗee nsaam kas.