Afisus 4:25 - Manji Yiljep

²⁵ Mbǝmǝnǝ, wu baa kǝ ɗung nɗǝǝn wun, kǝ koo a weyi ɓe wur sat azeen ngǝnǝǝn wur ɓejee ɗak. Mbǝɗe mun a ɗemǝndong kǝ shak nɗǝǝn Kristi.

Afisus 4:25 Iomraidhean Croise

1 Koronti 10:17

Mɓǝɗǝ gill aas nǝ a mǝndong, ɗi muu yilang nǝ mǝ mu se ashak. Nǝ aasǝ zak, mun ɗi ɗes, ɗangbe mun a nan ɗemǝndong, mbǝɗe muu se a gill aas ɗemǝndong.

2 Koronti 7:14

Gyet wen kǝ ten canjoom fuu nwur, ɓe baa gyet mee naashweep yaa wen mbǝmǝnǝ kas. Mbii ɗe mu sat mo nwun sǝ, mo azeen-nzeen. Canjoom fun ɗe mu sat nTitus nkaa wun, nǝ azeen a kǝ sǝ zak.

Afisus 4:15

Akoppee mǝnǝ nǝ ret kǝ mun sat zeen nǝ nɗǝǝn nwal. Nǝ ret kǝ mun wurang nɗǝǝn mbii mo jir, nɗǝǝn Kristi ɗewur a káa fun.

Afisus 4:22

Wu shwat suk ɗesǝǝr nǝ mo wu baa kǝ mo aku, ɗe dǝ moo nnum wun nɗǝǝn coor mǝ nan sǝ.

Afisus 4:31

Wu pwat kǝ pwoo ɗeɗeet mo, kǝ ciishak, kǝ tuup, kǝ ɓutbish, kǝ fǝlǝppee ashak kǝ cìn nyang mo jir.

Afisus 5:30

Mbǝɗe mun a ɓeep mǝ foshik nwur.

Kolosi 3:8

Ɗangɓe yaksǝ, kaaɗi wun kǝ seen ɗepwoo sǝ, ɓe nǝ ret kǝ wu shwat sar fuu mo aku, nɗǝǝn mbii ɗebish ɗesǝ nǝ mo jir. Mbii mo kaa langtuup, pan ɗebish nkaa shak, pwoo ɗebuu nkaa shak, kǝ jir pwoo ɗe baa mo kǝ mee koop nǝ kas. Taji wu baa wu cìn mo ɗe zak kas koo dǝɓen.

Kolosi 3:9

Taji wu cìn ɗung nshak kas, mbǝɗe wuu ten wu yit shiimwaan fuu ɗe gyet yam nǝ mo ɗi.

Titus 1:12

Mee gurum wur ɗe mɓut nen Krit nǝ mo, ɗewur leshin a kaa ngusatpwoo Naan sǝ, wur sat nǝ, <>

Titus 1:2

Kǝ mo leyit fur mo ɗe nkaa seen ɗe nǝ azeen, ɗe ngha-ngha. Naan ɗe baa wur cìn ɗung kas, wur kǝ ten sat nǝ, wur shin seen mǝnǝ ngurum mo.

Jemis 1:21

Mɓǝmǝnǝ nghan kǝn sat nwun nǝ, wu baa kǝ mbii ɗebish mo jir nɗǝǝn tong fuu mo. Wu fwo mo sí. Wu chii mbii ɗebish mo jir, wu sham kǝ káa fuu mo ntoom Naan. Wu kǝlǝng pwoo ɗe Naan wu kǝ ten kop nɗǝǝn pǝtuup fuu mo, mɓeɗi a nɗǝǝn ɓal kǝ pwoo wu, ɗangɓe wu mɓam seen fuu mo.

1 Pita 2:1

Kaaɗi Naan wur kǝ ten shin seen ɗepoo ɗesǝ nwun, ɓe nǝ ret kǝ nwun pwat kǝ mbii ɗebish mo nɗǝǝn seen fuu mo jir. Kaji wu baa wu cìn ɗung kas. Kaji wu ɗee a nen ɗe moo satpwoo, ɗangɓe mo waa ciir cìn mee mbii ɗeɗik kas. Kaji wu leyit nkaa mbii kǝ mee gurum kas. Kaji wu sat mee pwoo ɗebuu nkaa gurum mo kas.

Suun 21:8

Mbǝ nenkǝrmuut mo, kǝ nencii cinzeen mo, kǝ nenɗebish mo, kǝ nentukáa mo, kǝ nenngaa mo, kǝ soot mo, kǝ nenseyil nkùm mo, kǝ nencìn ɗung mo, mo nfwo mo nɗǝǝn aawus ɗe nii lap wus a shi fwat mǝ bintǝka. Ɗese nǝ a muut ɗevǝl mmǝne.>>

Suun 22:15

Mɓwoon yil nǝ, ɓe as mo ɗi, kǝ soot mo, kǝ nenngaa mo, kǝ nentukáa mo, kǝ nenseyil nkùm mo, kǝ jir nen ɗe mo rǝɓet cìn ɗung mo.