Afisus 4:13 - Manji Yiljep

¹³ Nǝ aasǝ, ɓe mun jir, mun nyool mu ɗee a ɗemǝndong nɗǝǝn shinzeen fun, kǝ man fun ɗe nǝ nɗǝǝn Làa Naan. Mun nyool mu ɗee a nen ɗe kǝ man mo, Mbǝkǝ mun wul mbǝ gam ɗeɗes mǝ Kristi.

Afisus 4:13 Iomraidhean Croise

Ɗak Jeplep Jesu Mo 4:32

Nen ɗe mo shinzeen nJesu jir, ɓǝ pan mo mo, kǝ mǝse mo mo ɗee a ɗemǝndong jir zak. Baa mee gurum nɗǝǝn mo mak sat nǝ, long fin nǝ a mǝnǝ mbǝshin kas, ɗang mo le mbii fur mo jir, ashak.

1 Koronti 1:10

Ɗyemnaa mo, wen ɗang pee wun, ndǝǝn sǝm kǝ Daa fun Jesu Kristi, nee, nǝ ret kǝ pwoo fuu mo dǝm ndangshak, mbǝkǝ taji mee ɓàkshak yool nnaar fuu kas. Ɗangɓe nǝ ret kǝ wu ɗee a ɗemǝndong ndǝǝn pan fuu mo kǝ ndǝǝn mbii ɗe wu rǝɓet cìn mo.

1 Koronti 14:20

Ɗyemnaa mo, taji wu cìn pan kaa jep mo sǝ kas, wu ɗee kaa jep mo sǝ ndǝǝn mbii ɗebish mo, ɗangbe wu ɗee kaa nennan mo sǝ ndǝǝn pan fuu mo.

1 Koronti 2:6

Ɗangɓe muu sat a pwoo ɗi mǝ man, pee nen ɗe mo kǝ wurang ndǝǝn mbii ɗe mo a mǝ Riin Naan. Baa man ɗǝsǝ nǝ a mǝ yil ɗǝsǝ kas, kǝ baa nǝ put a pee nen mulki mǝ yil ɗǝsǝ mo, ɗe mo mbǝ ɗel dǝm sǝ kas.

2 Koronti 4:6

Naan wur kǝ ten sat nǝ, peeɓang nǝ put a nɗǝǝn peenkwoo, kǝ nǝ ɓangpee ɗi. A wur le kǝ nǝ ɓang pǝtuup fun mo, mbǝkǝ nǝ shin peeɓang ɗi mmun, kǝ mbǝkǝ mu man ɗeɗes Naan ɗi, nɗǝǝn yit Jesu Kristi.

Galati 4:19

Jep fen ɗe kǝn wal nwun sǝ mo, ghan a kaa mat ɗe war nkaa shwaajeel mbee làa-làa sǝ. Wen nsat a nshwaajeel nǝ ɗak, har parɗi mǝse fuu ɗee nciit-nciit kǝ mǝ Kristi.

Afisus 1:17

Wen kǝn ɗang pǝ Naan kǝ Daa fun Jesu Kristi, puun ɗehai shidaar-shidaar nee, ɗewur nshin Riin nwun, kǝ wur le nwun ɗee a nenseen mo, kǝ woo man mǝ Naan nwun rǝret hakyeng.

Afisus 1:23

Kuur nendǝm nɗang wur mo, a shin wur, ɗe mo gam kǝ wur shikáa wur, ɗewur gam mbii mo jir, koo a nɗǝǝn ar ɗeɗangyi

Afisus 2:15

Wur mang Wàar nen Yahudi mo baa kǝnǝ aku, mbǝkǝ wur waa le gurum ɗepwoo mo ɗe nɗǝǝn ɗang ɗevǝl sǝ mo. Ɗe a nɗǝǝn ar ɗesǝ, ɓe wur jì kǝ tongryang.

Afisus 4:12

Wur shin zuum ɗesǝ mo, a mbǝkǝ nǝ ɗak nen Naan mo ɗe, mbǝ ɓamshak, kǝ mbǝkǝ mo ɗyik fwoshik kǝ Kristi ɗi.

Afisus 4:3

Wu gung, kǝ nwun tap ɗe kǝ ɓalkaa ɗe Riin wur shin nwun, shi tongryang ɗe nǝ ɓàl wun ashak.

Afisus 4:5

Daa a mǝndong, shinzeen nǝ a mǝndong, baptisma nǝ a mǝndong,

Filipi 3:10

A mbii ɗe nkǝn fes nrǝɓet nɗesǝ, kǝ nghan man Kristi ɗi kǝ Iiko nyool a peemúut nwur. Kǝ nghan shwaa pak jeel wur nǝ ɗe zak, mbǝkǝ nghan ɗee ɗe kaa wur sǝ nɗǝǝn muut wur.

Filipi 3:8

Ii, azeen-nzeen, kǝn le mbii ɗesǝ mo ɗee a ɗebuu, mbǝɗe yaksǝ, wen kǝn man ɗeɗes mǝ wal Kristi Jesu Daa fen, ɗe nǝ met mbii mo jir. Mbǝ sǝm wur, ɓe ghan kǝn fwo mbii mǝnǝ mo jir. Yaksǝ, ɓe kǝn nnaa moo ɗee a kaa pee ɗe mo ɓeer a zungtung sǝ, mbǝɗe wen cii mo jir. kǝ nghan ɗee ɗi a mǝ Kristi,

Kolosi 1:28

A mbǝmǝnǝ ɓe muu satpwoo ngurum mo jir nkaa Jesu Kristi. Muu satpwoo nkòo a weyi, kǝ wur tap, kǝzak, muu kám seen ngurum mo nkaa mbii ɗesǝ nǝ mo, a mbǝkǝ koo a weyi, ɓe wur ɗee ɗe kǝ seen nɗǝǝn Kristi.

Kolosi 2:2

Wen nkaa cìn ɗak ɗesǝ nǝ, a mbǝkǝ mo katɓal ɗe mputuup fur mo, mbǝkǝ mo wal ɗe nshak, mɓekǝ mo ɗee ɗe a ɗemǝndong. Ɗyeen nghan kǝ mo man jurum kǝ man nkaa Jesu hakyeng nǝ kyeet, mbǝkǝ mo manshii kǝ mbii ɗesǝ mo ɗe jir. Ɗesǝ nǝ njì kǝ ɗeret nkaa mo hakyeng. Mbii ɗejurum nǝ, a Kristi shikáa fen.

2 Pita 1:4

A nɗǝǝn ar ɗesǝ, ɓe wur cin mbii mo mmun ɗes, mbiizuum ɗe shang ɗe gyet wur kǝ ten sat nǝ, wur ncin mmun. Wur cin mbii ɗesǝ mo jir, a mbǝkǝ nɗǝǝn mbiizuum ɗesǝ mo, ɓe mun npwat nɗǝǝn mbii ɗebish, ɗe mo ɗi nɗǝǝn yil ɗesǝ, ɗe gurum mo fes rǝɓet mo. Ɗang wur kǝ ten pǝrep wun, mbǝkǝ nwun tong ɗyen ɗi nNaan.

2 Pita 3:18

Ɗang nǝ ret kǝ nwun sekyeen nɗǝǝn ar ɗeret, mbǝkǝ nDaa fun Jesu Kristi, ɗewur a Nguɓam fun wur kám ɗeret wur ɗi nwun, nkaashak nkaashak, mbǝkǝ nwun sat a nwurang nɗǝǝn wal wur. Mu yit kǝ gurum mo shin ɗeɗes ɗi nwur nyaksǝ kǝ mbe ngha-ngha. Amin.