Afisus 3:19 - Manji Yiljep

¹⁹ Kǝzak, mbǝkǝ wu man wal mǝ Kristi ɗe nǝ met nkoor man mo jir, mbǝkǝ wu gam ɗi kǝ man Naan nɗǝǝn pǝtuup fuu mo.

Afisus 3:19 Iomraidhean Croise

2 Koronti 5:14

Yaksǝ, bǝ wal kǝ Kristi nǝ se mulki nɗǝǝn pǝtuup fun mo mbǝ wun, kǝ mu man azeen nǝ, mee ngwe mǝndong wur kǝ muut mbǝ gurum mo jir. Mbǝmǝnǝ, bǝ gurum mo jir mo cam muut zak.

Galati 2:20

Mo pwas an ashak kǝ Kristi. Baa a an kǝn tong nɗǝǝn seen ɗesǝ kas, ɗangɓe a Kristi wur kǝ tong nɗǝǝn an. Kǝ seen ɗe wen kǝ nǝ yaksǝ nɗǝǝn an ɗesǝ, an kǝn tong a shi shinzeen nɗǝǝn Làa Naan, ɗewur wal nwen, ɗang wur shìn kaashin mbǝ an.

Afisus 1:23

Kuur nendǝm nɗang wur mo, a shin wur, ɗe mo gam kǝ wur shikáa wur, ɗewur gam mbii mo jir, koo a nɗǝǝn ar ɗeɗangyi

Afisus 3:18

Mbǝkǝ nwun, ashak kǝ nen Naan mo, ɓe wu man kaam, kǝ shwal, kǝ wurang, kǝ jurum mǝ wal mǝ Kristi ɗi.

Afisus 5:2

Kǝzak, wu mwaan nɗǝǝn wal, kaaɗe Kristi wur wal mmun sǝ, ɓe wur shìn kaashin mbǝ mun kaa zuum kǝ mbiizuum ɗe nǝ kǝ toos shang shang pǝ Naan ɗi.

Afisus 5:25

Mish mo, wu wal mmat fuu mo, kaaɗi Kristi wur wal Ekǝlisya nǝ sǝ, har wur shinkaa shin mbǝ war.

Filipi 1:7

Wen kǝn yee wun nɗǝǝn pǝtuup fen shidaar-shidaar, mbǝmǝnǝ, ɓe nǝ ret kǝ wen kat pan mǝnǝ nkaa wun. Mbǝɗe wu ɓalkaa fuu mo kǝ an nɗǝǝn ɗeret ɗe Naan wur cin nwen. Kaaɗi yaksǝ, ɓe wen nɗǝǝn lushoot, kǝ kaaɗi gyet wen katpee mbǝkǝ wen kám ɗi ngurum mo nee, pwoo ɗeret nǝ azeen-nzeen.

Filipi 4:7

Tongriyang nNaan ɗe nǝ met man mo jir, nǝ tap kǝ pǝtuup fuu mo kǝ pan fuu mo, nɗǝǝn Kristi Jesu.

Kolosi 1:10

Man mǝnǝ le, kǝ mwaan fuu mo lapshak kǝ mǝ nen ɗe mo dǝm nɗang Jesu. Mwaan ɗe nǝ tong ɗyen nJesu. Katɗang wu mwaan a nɗǝǝn ɗyen Jesu, ɓe mǝse fuu nǝn nle kǝ wu chìn ɗak ɗeret mo, kǝ wu sat a nwurang nɗǝǝn man pwoo nkaa Naan ɗak.

1 Pita 1:8

Koo ɗe baa wu naa Jesu Kristi wur kǝ yit kas, ɗangɓe wu wal wur, kǝ wu shinzeen zak. Nǝ aasǝ, ɓe wun kǝ retnyit hakyeng, ɗe baa mee gurum mak sat nǝ kas.

2 Pita 3:18

Ɗang nǝ ret kǝ nwun sekyeen nɗǝǝn ar ɗeret, mbǝkǝ nDaa fun Jesu Kristi, ɗewur a Nguɓam fun wur kám ɗeret wur ɗi nwun, nkaashak nkaashak, mbǝkǝ nwun sat a nwurang nɗǝǝn wal wur. Mu yit kǝ gurum mo shin ɗeɗes ɗi nwur nyaksǝ kǝ mbe ngha-ngha. Amin.