1 Pita 1:3 - Manji Yiljep

³ Mu kwoop Naan puun kǝ Daa fun Jesu Kristi, mbǝɗe a mbee yit naajeel wur, ɗangɓe wur shin seen ɗepoo mmun nɗǝǝn Làa wur, kaaɗi wur yol kǝ Jesu a peemúut sǝ. Mu leyit nkaa seen ɗepoo ɗesǝ nǝ.

1 Pita 1:3 Iomraidhean Croise

1 Koronti 13:13

Mbii mo ɗe kun, ɗe baa mon cham ɗel kas, mo a shinzeen, kǝ le pǝtuup, kǝ wal, amma wal nǝ ɗes met mmo jir.

1 Koronti 15:20

Yaksǝ Naan wur kǝ yool kǝ Kristi a peemúut azeen-nzeen. A wur a ɗinshee, mǝ yool a peemúut, mǝ nen ɗi mo kǝ ten murǝp mo jir.

2 Koronti 1:3

wen kǝn pǝlang Naan puun Daa fun Jesu Kristi. Puun ɗi wur gam kǝ kussuk mǝ naajeel. Naan ɗi wur a nguɓam mun jir.

Galati 6:16

Mbǝ ɗe mo kǝ mwaan nɗǝǝn seen ɗepwoo ɗesǝ nǝ, ɓe mo a nen Naan mo azeen. Moo tongryang kǝ Naan kǝ wur naa mo shi yit naajeel zak.

Afisus 1:17

Wen kǝn ɗang pǝ Naan kǝ Daa fun Jesu Kristi, puun ɗehai shidaar-shidaar nee, ɗewur nshin Riin nwun, kǝ wur le nwun ɗee a nenseen mo, kǝ woo man mǝ Naan nwun rǝret hakyeng.

Afisus 1:3

Mu pǝlang Naan puun, kǝ Daa fun Jesu Kristi, ɗewur le ɗeret wur nkaa mun, shi koo a ɗeret ɗeɗangyi ɗe nǝ a mǝ Riin nɗǝǝn ɗengnaan mo, shi Kristi.

Afisus 1:7

Mbǝɗe a shi muut Kristi ɗangɓe mo fween mun, shii mǝnǝ a nee, mo fwo shikbish fun mo mmun. Yit naajeel nNaan nǝ ɗes zam,

Afisus 2:4

Ɗang mbǝɗe kussuk Naan kǝ wal wur nǝ ɗes zam,

Afisus 3:20

Yaksǝ, pee wur, ɗewur kǝ iiko ɗe nǝ cìn ɗak nɗǝǝn mun, met mbii ɗe mu mak ɗang mo, koo pan ɗe mo nɗǝǝn pǝtuup fun.

Kolosi 1:23

A mbii ɗe Jesu cìn nwun mmǝnǝ, katɗang wu sekyeen kǝ shinzeen nɗǝǝn pwoo ɗeret nǝ. Kǝzak, katɗang wu ɗar ɓalɓal nɗǝǝn mbii ɗesǝ mo. Wu sat a nlepǝtunp, nkaa mbii ɗe wu kǝlǝng pwoo nkaa mo nɗǝǝn pwoo ɗeret nǝ. A pwoo nkaa pwoo ɗeret, ɗe moo ten sat nǝ nkòo a weyi, nɗǝǝn yil ɗesǝ. Wen Pool, ɗak fen nǝ a mbǝkǝ nghan sat ɗe ngurum mo, pwoo nkaa pwoo ɗeret ɗesǝ nǝ.

Kolosi 1:27

Nǝ ret nNaan nyit, ɓe wu le, kǝ nen fin mo manpwoo ɗejurum ɗesǝ, ɗe nǝ a mbii aapwoo zam. Nii koop nǝ hakyeng, mbǝ gurum mo jir, koo a nɗǝǝn yil ɗeɗangyi. Pwoo ɗewur woo nǝ mmun, a nǝ, Jesu Kristi wur tong nɗǝǝn wun. Mbǝmǝnǝ, ɓe wu lepǝtuup, mbǝ parpuus ɗe wun ntong ashak kǝ wur nɗǝǝn ram fen.

1 Tasoloni 1:3

Muu yee wun mɓe Naan fun, ɗewur aɗeng, kaaɗe wu kám cinzeen fuu nǝ nɗǝǝn mbii ɗe wuu cìn mo. Kǝ kaaɗe wal fuu nii le kǝ wu cìn ɗak shiɓal, kǝ kaaɗe canciin fuu nkaa Jesu Kristi nǝ ɗar ɓalɓal sǝ.

1 Tasoloni 4:13

Ɗyemnaa mo, mǝ rǝɓet kǝ wu man mee mbii hakyeng, nkaa nen ɗi mo kǝ ten murǝp mo, mbǝkǝ taji pǝtuup fuu mo wat, kaa nen ɗi baa mo shinzeen nyool a peemúut nǝ sǝ kas.

2 Tasoloni 2:16

Daa fun Jesu Kristi shikáa nwur, kǝ Naan puun fun moo ɓam pǝtuup fuu mo.

Titus 2:13

Kaaɗi mun nkaa naa puus ɗeret parɗi mbii ɗe muu leyit nkaa mo nǝ ngam, nciit kǝ mǝnǝ, ɓe mun nnaa ɗeɗes nNaan fun. Ɗeɗes met jir mǝ Nguɓam fun Jesu Kristi zak.

Jemis 1:18

A mɓut pan mǝ káa fǝr, ɗang wu naa nǝ ret wun nyit, nɗǝǝn pwoo wu ɗe nǝ azeen, ɓe wu shin seen mmun, mbǝkǝ mun ɗee ɗe a jep ɗenshee mo nɗǝǝn mbii ɗe wu kǝ ten le mo nɗǝǝn yil ɗese.

1 Pita 1:13

Mpeemǝnǝ wu ɗak pan fuu mo, mbǝkǝ nwun ɗar ɗi ɓalɓal mbee cìn ɗak nNaan. Wu tap kǝ káa fuu mo rǝret, kǝ nwun leyit ɗi a nkaa ɗeret ɗe Naan wur ncin nwun parpuus ɗe Daa Jesu wur baajì zak.

1 Pita 1:21

nƊǝǝn Jesu, ɓe wu shinzeen nNaan ɗewur yol kǝ wur a peemúut, kǝ wur cin ɗeɗes wur zak. A mbǝmǝnǝ, ɓe wu shinzeen nNaan, kǝ wu leyit fuu mo a nkaa wur.

1 Pita 1:23

Kaji wu mundǝr nǝnee, << moo baa làa wun ɗi apoo a buu kas, ɗangɓe mbee ɓal ɗi nǝ nɗǝǝn pwoo wur ɗe nǝ jì kǝ seen. Baa mee mbii mak wat pwoo wur nǝ kas, nǝ tong ɗi mbe ngha-ngha. Baa a nen ɗemǝmurep mo làa wun nyaksǝ kas, ɗangɓe a Naan ɗe baa wur muut kas, a wur shin seen ɗesǝ nǝ nwun.

1 Pita 2:2

Ɗang nǝ ret kǝ mwaan fuu nǝ ɗee a kaa mǝ jep ɗe mo làa mo apoo, ɗe moo tang a wur pee nǝǝn fur mo shidaar-shidaar sǝ. Nǝ ret kǝ neen am tu wun mbee wur ɗi nǝ azeen-nzeen. kǝ mǝnǝ, a pwoo Naan ɗe nǝ shin ɓál nwun shidaar-shidaar, mbe parpuus ɗe Naan wur mɓam wun.)

1 Pita 3:15

Ɗang nǝ ret kǝ nwun leyit a nkaa Kristi ɓejee. Wu yit kǝ wur ɗee a mishkoom nɗǝǝn pǝtuup fuu mo, kǝ nɗǝǝn mbii ɗe wuu cìn mo jir. Wu tong shi ɗak suk, koo a pǝrang ghe, mbǝkǝ nwun man mbii ɗe wun nsat ɗi.

1 Pita 3:21

Am ɗe gyet mo ɗel nɗǝǝn nǝ, nǝ ɗee a koppee baptisma. Duk ɓam wun mɓut shikbish fuu mo, a mbee baptisma, mbǝɗe gyet Daa Jesu Kristi wur yol a peemúut. Suup ɗe gyet mo suup wun, kaaɗi gyet mo cìn baptisma nwun sǝ, baa nǝ a mbǝkǝ wur vwang pǝtuup fuu mo ɗee ɗi a ɗeɓang ɓejee kas. A mbee yol kǝ Daa Jesu Kristi a peemúut, ɗang wu kat ɓam nɗǝǝn shikbish fuu mo.

1 Pita 3:5

Wu cìn pan nkaa mat ɗiiyam-yam mo, ɗe gyet moo leyit fur a nkaa Naan. Gyet shiimwaan mmo, nǝ le kǝ mmo ɗee a mat ɗeret mo, mbǝɗe mo sham kǝ káa fur mo ndǝr mish fur mo.