Zuga Kèkko 1:6 - Suri Latin

⁶ Na kali kona hunaa ɛlla kari kutula kèe Dɛbɛrɛ Zaytuye, yɔk ghini na seyɛsɛ, “Komorue, kolea ale yagɛsɛni zuga Isirayeli buyn a mɛa ka?”

Zuga Kèkko 1:6 Iomraidhean Croise

Lɔgɔ Sabba 49:10

Na nɔng lalanga komorumo bhɛa nunu ngagaraso, na ale sɛrɛɛ chɔɔ :ashaa gunyu ko bhee ale kunɛ :Komoruya ku ɛna allinɛnɛa bhorinya kumulɔng.

Matiyos 17:11

Na nɔng yagɛsɛ na sɛɛsɛ, “A dhere chi, nɔng Eliyas ale kun na me lɔgɔ kumulɔng shɛɛ na ɛl damiya bɔɔ sabbune.

Matiyos 20:21

Na ghinu :Yesusi na sɛɛsɛ, “Hini ɔng?” Na nɔng tɛri yagɛsɛ na sɛɛsɛ, “Keni igommo na kolea ale lɔmɛi zugo, ibha ngaerroya gany ku rammande na kona oy bhɛa nunu sɛtɛn, kona oy bhɛa nunu kangitɛn.”

Matiyos 24:3

Na koo ogu Kutula Girarruny na tɛu bay ngonu. Na hunaa iho ngonuye, yɔk zuga kɔbhbhɛa nɔng hoya gɔra nɛnɛ bhichang na ghini na seyɛsɛ, “Ga yogogiytɔ! Ngangaye kolee ale bhugnyɛsɛnɛ ngalɔkta wa yokkonde ale a minang? Na lɔkte barar ale kòr na kàggaɛ kolea kunɛi :inyo na uturronɛa baye a lɔk giyong?”

Markos 9:12

Na nɔng Yesus yagɛsɛ na sɛɛsɛ, “A dhere chi. Nɔng Eliyas maya jimmana sabbɔ na kun na me lɔgɔ kumulɔng shɛɛ na ɛl damiya bɔɔ sabbune. Na lɔga Tumu bere kɔ̀gɔdhdhɛsɛna dadab sennɛa, ‘Hiri Hoynɛ maya ale chɔllanɛ lɔga bo mɛra na marrɛ :zugu,’ dha bere kɔ̀gɔdhdhɛsɛn kɛ ɔng?

Yohanis 21:21

Na Betiros hunaa orro ngahirronuye, ghinu Yesus na sɛɛsɛ, “Komorue, na ko nɔng ngahirra lɔga gɛnyɛ ale a ɛnɛng?”