Yohanis 9:3 - Suri Latin

³ Na nɔng yagɛsɛ na sɛɛsɛ, “Ngahirra bhee kawarɛ anɛ chagiye a ngaya Tumu se kɔdhɔlay lɔga messo :nɛa bhɛa nɛnɛ na kargi :zuguye. Ke bhɛa bere messɛa :nɛa oo :zuga gɛnyɛ lɔga gɛrsa ngayo.

Yohanis 9:3 Iomraidhean Croise

Matiyos 11:5

Na seyɛsɛ, ‘Zuga kawarɛ chaga, orrɛ bho. Ga ngɔllɛa, woɛ shɛɛ. Ga amma :gedhdhe, kònynyono na bassɛ na ɛl hurr. Ga ku dunggɛna, shikkɛ bho. Ga bere rɛssɛa, bansanɛyɔ. Na chɔɔ zuga ku bhoyoga, mɛa kàmadhɛsɛn kamannaa challa.

Yohanis 11:4

Na Yesus hunaa shikko ngalɔktaye, seu, “Nɔng mɛa ngahirra ilaga hung na ngarɛsso ke ngaya Tumu se kɔdhɔlay dirama nɛnɛ na ko nɔng Eriya nɛnɛ kɔdhɔnggɛ :zugu na kɔtɔlɔmɛ dirambe.”

Yohanis 11:40

Na sɛɛsɛ :Yesusi, “Hunaa kesennaginyi, ‘Hunde yɛbhiye, ale ori dirama Tumu.’”

Zuga Kèkko 28:4

Na zuga Malita hunaa orrɛa kono hunde ɔlɔrranɛ siya nɛnɛye, se, “Dha ngahirra a hira kɔdhdha zugo chi. Nɔng chɔɔ hunde a nganda wa bawa huroya yirisinyde, tumua na kedhdho lɔgɔ nɔng dha ngani hinɛsɛn rɛsɛ chi.”

Zuga Kèkko 4:21

Na gulsachina ibbaya yɔk ke dɛmney sɛgɛn na seyɛsɛ, “Wurtɔ nganga ngamesso!” Na ɔtta ke ngaya lɔkte chibɛ Betiros ko Yohanis ninggɛ na zugo kumulɔng orɛ hira kìbbayseo na eterrisanɛ Tumuye.

1 Yohanis 4:16

Na agge kàggayɔ hunde kan zuga ibhbhagiy :Tumu hiniye. Na ngaya ibhbhagɛiy hiniye kɛ̀yɛbh na kibhagiy tii. Nɔng Tumu anna ibhɛsɛna zugo kumulɔng hini. Na ko nɔng hirre ibhɛsɛn Tumu ko zugo hiniye, ɛl ko Tumu kari ke dhɔnɛ.

1 Yohanis 4:9

Nɔng bhee bere dhugunnogɛiy :Tumu bhɛa ibhbhagɛiy hiniye, a ngaya bere ibhbhanɛ Eriya Nɛnɛ dhɔnɛna na ittonnonɛ ba na kɔ̀jɔyayɛy :aggeu basseya iho dhul bhɛa nɛnɛye.