Yohanis 3:5 - Suri Latin

⁵ Na nɔng yagɛsɛ na sɛɛsɛ, “A challi. Ga shiktɔ! Hiri hunde ma ko Kuloya Tumu ngani kùchuruttoye, bhee kɔɛ na assanɛ Tumu na lɔmɛ ninggɛ.

Yohanis 3:5 Iomraidhean Croise

Matiyos 18:3

na sɛɛsɛ yɔk, “Ga shigitɔ! Hunde ngani bhɔdhtɛo na tɛhɛyɛto ko erroa ngani chichoye, bhee hɛyɛo na lɔmɛung :Komoruya tumony ninggɛ dhul.

Matiyos 19:24

Na ga kɔ̀tɔrrɛung na taga shɛɛ! Chɔɔ hira aha mɛra bhɛa kènno kɔtɔlɔmɛ :Tumu, hunde galisey kudhul hologuna marsiny, anda a bhaseni.”

Matiyos 21:31

Na mɛa bhɛa ngaerroya ku rammande, inde igomɛsɛn chɔgɔnɛye a inong? Na yɔk yaktɛsɛ na seyɛsɛ, ‘A nganda buye!’ Na sɛɛsɛ :Yesusi, “Ga shigitɔ! Yɔk chɔɔ zuga jimmanungɛa igge gɔrɔ sabbɔ na hɛa bhɛa lɔmɛa :Tumu zugo, a zuga mukkɛa gharata ko ga messɛa lollumo.

Matiyos 28:19

Na mɛa ago madhtɛsɛ bhorinya kumulɔng lɔga ganyu na kete zuga kɔbhbhanyɛa. Na churu sara Babaa na Tumu ko gaa Eriya Nɛnɛ ko gaa Kuloya Nɛnɛ,

Matiyos 3:11

“Nɔng anye mɛa kuchurrong ma hung ke bhɛaa dhugunɛsɛno Tumu lɔga gu gɛrsa na ujjugɛa. Na nɔng inde ɔnnɛ na jorronony anyeye ale kɔbhbhananydɔ. Nɔng bhɛa nɛnɛ, anye kani na chinynyo ghasura chɔɔ chahaa gɛnyɛ ngakɔlɔgɔniyo. Na ale churrong Kuloya Tumu ko gogiye.”

Matiyos 5:20

Na mɛa lɔga messo :iggeu ridhing ningginɛna maya jorronɛ ga messɛa :zuga kɔbhbhɛa damiya Bhɛrɛsi ko ga messɛa zuga madhdhɛa zugo Damiya Tumu bere kàjjɛa Muse. Yɔk hunde lɔga gu, ga gɛ ngajorronɛoye, bhee ale hɛyɛo na lɔmɛung :Komoruya tumony ninggɛ dhul.

Markos 10:14

Na nɔng Yesus hunaa orro ngalɔktaye dɛbu na sɛɛsɛ, “Erro any kohoya bhɛa nanu, ngakanyɛo ke ngaya zukte lɔ :Tumuye heo ko ngaerroya rɛye.

Markos 16:16

Nɔng inde yɛbh ngakamannaya na kùchurte, ale bassɔ. Na nɔng inde ngayɛbhbhoye ale kùjjukkanayɔ.

Markos 9:47

Na ko nɔng kawari hunde tisseny na me lɔga gɛrsaye, tukuso na ujjuga. Ko bhee lɔmɛ kawarɛ kari na kùjjukkagɛiny goa iho dhul ngadhiynɛnao lɔmma kuruyoa ngarɛssɛayo, hunde tɔlɔ dhɔnɛ na ok bhɛa lɔmɛa :Tumu zugo, anda a challi.

Yohanis 1:13

Na yɔk a erroa bhɛllana :Tumu damiya bere sennanɛa :nɛa. Erroa hudhukkonɛa :zugu damiya ɛsɛdhdhanɛa na hinnonɛa :yɔkku ngayo.

Yohanis 3:3

Na Yesus yagɛsɛ na sɛɛsɛ, “A challi. Ga shiktɔ! Hunde hiri sɛgɛn ngani kùhudhukkiyaayoye, bhee lɔmɛ :Tumu, ninggɛ.”

Yohanis 3:4

Na nɔng Nikodhimos ghinu na sɛɛsɛ, “Hunde hiri te buye, ale sɛgɛn hudhukkinya ɛnɛng? Anda ale wogɛsɛn jɔnɛ kɛngɔ na hudhukkinya sɛgɛn?”

Zuga Kèkko 2:38

Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Zuga Kèkko 3:19

Na mɛa ujjugu lɔga gu gɛrsa na wakta gɔra Tumu na ko nɔng Tumu kujjuk lɔga gu gɛrsa na kagara dhul. Na Tumu ale ittonnogung Komoruya bere kɛ̀bɛrragungu igge sabbɔ kènno Yesus na kilalung hinisi na ke ga bo challa.

1 Yohanis 2:29

Nɔng igge hunde takto bhɛa Yesus anɛa hira ridhing ningginɛnaye, ngangaye takto hunde zuga messɛa lɔga ridhing ngaannao dhaa a erroa gɛnyɛ kumulɔngge.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.