Yohanis 3:3 - Suri Latin

³ Na Yesus yagɛsɛ na sɛɛsɛ, “A challi. Ga shiktɔ! Hunde hiri sɛgɛn ngani kùhudhukkiyaayoye, bhee lɔmɛ :Tumu, ninggɛ.”

Yohanis 3:3 Iomraidhean Croise

Matiyos 16:17

Na sɛɛsɛ :Yesusi, “Eriya Yona Simon, inye ani tuhinɛ, ke ngaya ngalɔkta anɛ ga dhugunnogɛinyi :Babaa nanu iho tumɔye. Na ayuk ko nyawa ngani kudhugundoginyo.

Matiyos 19:24

Na ga kɔ̀tɔrrɛung na taga shɛɛ! Chɔɔ hira aha mɛra bhɛa kènno kɔtɔlɔmɛ :Tumu, hunde galisey kudhul hologuna marsiny, anda a bhaseni.”

Matiyos 21:31

Na mɛa bhɛa ngaerroya ku rammande, inde igomɛsɛn chɔgɔnɛye a inong? Na yɔk yaktɛsɛ na seyɛsɛ, ‘A nganda buye!’ Na sɛɛsɛ :Yesusi, “Ga shigitɔ! Yɔk chɔɔ zuga jimmanungɛa igge gɔrɔ sabbɔ na hɛa bhɛa lɔmɛa :Tumu zugo, a zuga mukkɛa gharata ko ga messɛa lollumo.

Matiyos 5:18

Mɛa ga shigitɔ! Ko bhee tumu ko ba garsɛ, lɔga ɛlla Damiya Tumu bere kàjjɛa Muse kumulɔng ale urruknyɛsɛnɛyɔ. Na chɔɔ bidhɛliya chinynyo godhe oo bidhɛli bhɛa chinynyo godhe Damiya Tumu ngagaraso dhul ko bhee urruknyɛsɛnɛ rang.

Markos 10:14

Na nɔng Yesus hunaa orro ngalɔktaye dɛbu na sɛɛsɛ, “Erro any kohoya bhɛa nanu, ngakanyɛo ke ngaya zukte lɔ :Tumuye heo ko ngaerroya rɛye.

Markos 9:47

Na ko nɔng kawari hunde tisseny na me lɔga gɛrsaye, tukuso na ujjuga. Ko bhee lɔmɛ kawarɛ kari na kùjjukkagɛiny goa iho dhul ngadhiynɛnao lɔmma kuruyoa ngarɛssɛayo, hunde tɔlɔ dhɔnɛ na ok bhɛa lɔmɛa :Tumu zugo, anda a challi.

Yohanis 1:13

Na yɔk a erroa bhɛllana :Tumu damiya bere sennanɛa :nɛa. Erroa hudhukkonɛa :zugu damiya ɛsɛdhdhanɛa na hinnonɛa :yɔkku ngayo.

Yohanis 1:5

Na ngahɔldindonu teriny mugur na mugur bhee guchchanɛ hɔldin ninggɛ dhul.

Yohanis 1:51

A challi, ga shigitɔ! Ale orro tumu hunde onɛ na zuga ekko :Tumu ɔshɔrisinɛ Hiri Hoynɛgiye na gena hɛ tumɔ, gena bhonsanɛ baye.”

Yohanis 3:4

Na nɔng Nikodhimos ghinu na sɛɛsɛ, “Hunde hiri te buye, ale sɛgɛn hudhukkinya ɛnɛng? Anda ale wogɛsɛn jɔnɛ kɛngɔ na hudhukkinya sɛgɛn?”

Yaykob 3:17

Bho gaanaa ajjɛa :Tumu zugo nɔng anna ridhing ningginɛna. Na zuga sennana :Tumu na gayɛa bho yɔk agga bhakkɛa ko zugo kari ke ga bo challa ibhinɛna hinisi shɛɛ na lachchanɛa rɛhi na chirbhisiyɛa zugo goore na messɛa lɔga challa. Na chɔɔ agga ba ngalɛllɛayo na messɛa lɔga yokkonɛa dib.

1 Yohanis 2:29

Nɔng igge hunde takto bhɛa Yesus anɛa hira ridhing ningginɛnaye, ngangaye takto hunde zuga messɛa lɔga ridhing ngaannao dhaa a erroa gɛnyɛ kumulɔngge.

1 Yohanis 3:9

Nɔng hira yɛbhbha Tumu na tewa eriya nɛnɛ, lɔga gɛrsa dirr ngamesso ke ngaya lɔmɛ hinisa Tumuye. Na bhee mesɛ lɔga gɛrsa dirr ninggɛ, ke ngaya anɛ eriya Tumuye.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.

1 Yohanis 5:18

Yɔk zuga teya erroa Tumu kumulɔng hunde lɔga gɛrsa dirr ngani ngamessɛoye, agge kàggayɔ ke ngaya Eriya Tumu bhɛgɛ yɔk shɛɛ na Moldoy ngatiranyɛoye.

1 Yohanis 5:4

ke ngaya erroa gɛnyɛ kumulɔng anɛ ɔnnɛ na marɛ lɔga ku kuhu messɛa :zugu bay ngaya na dhɔyɛye. Nɔng agge bhee kàmarɛ ngalɔkta ku kuhu na kɔ̀dhɔyɛye a ngaya kɛ̀yɛbhɛ Yesuse.