Yohanis 3:2 - Suri Latin

² Na barɔ ogu na assa Yesus na sɛɛsɛ, “Hira Madhdhiy, hunde ani hira ekkoninyi :Tumu na madhdhagiy lɔgɔye, kaggaoyɔ ke ngaya mesɛ ngalɔkta bu bararte. Inde ajjiny bhɛa mesɛi ngalɔktaye a Tumu sɔng. Kona ngayo.”

Yohanis 3:2 Iomraidhean Croise

Matiyos 22:16

Na koo ibhta zuga kɔbhbhɛa yɔk ko bara Herediosi na ekto chɔɔ bhɛa Yesusi na ghini na seyɛsɛ, “Hira madhdhiy, nɔng agge kàggainydɔ hunde ani hira yogi lɔga ku dhere na madhɛsɛni zugo ganggua lɔga Tumu dhereye. Na chɔɔ inye lɔga yokkɛinyɛa :zugu ngatɔgiyo ke ngaya zugo gunyɛ kawariya dhɔnɛnaye.

Matiyos 23:7

Na hunde hɛ gawugiyeye, hinnɛ bhɛa dhɔngɛa :zugu na issayɛa na senɛsɛnɛa, ‘Rabbay’.

Matiyos 23:8

Na nɔng igge zugo maya, ‘Rabbay’ ngaeleungɛo ke ngaya hira madhdhungu anɛ dhɔnɛ sɔng, na igge kumulɔng annɛno gɔynggɛye.

Markos 12:14

Na yɔk koo hoya na seyɛsɛ, “Hira madhdhiy, inye hunde ani hira yogi lɔga ku dhereye, agge kaggaoyɔ ke ngaya lɔga yokkɛinyɛa :zugu ngatɔgiyɛo na zugo gunyi kawariya dhɔnɛna na madhɛsɛn lɔga Tumu dhereye. Na agge ngaya kàgadhiyɛ Kesar gharataye, a challi oo a gɛrsi?

Yohanis 1:38

Na nɔng Yesus budhɛ na aru yɔk hunde kɔbhbhɛye, na ghinu na sɛɛsɛ, “Lameo ɔng?” Na yɔk seyɛsɛ, “Rabbaye, bhagi ore?” (“Rabbay” a bhɛa kènɛa “Hira madhdhiy.”)

Yohanis 10:38

Na nɔng hunde kemessa lɔga messo :nɛaye, ko hunde anye ngayɛbhbhanyu, yɛbhɛ ngalɔkta bu barar kemesiye na aynde ale ungusɛɛno na gayɛo bhɛa anye ko Babaa nanu kanɛo dhɔnɛye.”

Yohanis 12:37

Na chɔɔ zugo ko hunde kargi ngalɔkta bu barar me :Yesusiye kumulɔng, yɔk ngani ngayɛbhbhɛo chi.

Yohanis 14:10

Ngangaye hunde anye ko Baba nanu kanno dhɔnɛye, inye ngayɛbhiyo? Yɔk ngalɔkta koyokkogung :anyoye ga sabbaa nanu ngayo. Agga messo :Babaa nanu. Nɔng chɔɔ a nganda mɛa kɛllo ko anye kari, na ngani me lɔga gɛnyɛye.

Yohanis 15:24

Nɔng anye hunde bɔɔ bhɛa nɛ lɔga bo dhandala chɔɔ hir kona ngani kemessao dhul ngakemesi, anda bhee kùjjukkanɛ lɔga gɛ gɛrsa ninggɛ. Na chɔɔ yɔk ko hunde kargi ngalɔkta bu dhandal kemesi :anyoye, yɔk ngani marranyɛ anye ko Baba nanu chi.

Yohanis 2:11

Yɔk ngalɔkta barar me :Yesusi ngaɔrra kèe Kana i baa Gelilaye agga bere sabbune. Na hunaa messa ngalɔktaye, dhɔlɛsɛ zugo dirama nɛnɛ na zuga kɔbhbhɛa nɔng yɛbhɛyɛ.

Yohanis 20:16

Na Yesus eliu nɔng na sɛɛsɛ, “Ngamariyam!” Na nɔng budhɛ na eliu tuga Hibiru goore na seu, “Rabbuni!” (“Rabbuni” a bhɛa kènɛa, “Hira madhdhiy.”)

Yohanis 3:26

Na zuga kɔbhbhɛa Yohanis hoya na assa nɔng na seyɛsɛ, “Hira Madhdhiye, hira bere ɛllo Yordanosɔ tandɔ kari na inye kɔbhbhagiy lɔga gɛnyɛ, ko nɔng mɛa a ngandonu chur zugo na zugo kumulɔng hɛ bhɛa nɛnɛye.”

Yohanis 4:31

Na hunaa ngani hɛaye, yɔk zuga kɔbhbhɛa Yesus tɔllɔsɛsɛ nɔng na seyɛsɛ, “Hira Madhdhiy, ga tar amissɛ bhe chinyi!”

Yohanis 5:36

“Na nɔng anye kɔlɔmi lɔga bere korroni na keni kɔ̀ɔbhɛsɛ zugo jorronɛa lɔga bere kɔbhɛsɛna :Yohanisi zugo. Yɔk a lɔga bere ajjanyi :Babaa nanu Tumu na kùrrugɛsɛyɔ. Na ngalɔkta kemesi :anyo mɛa toyeye, dhɔllanɛ bhɛa bere ekkononyɛanyi :Babaa nanu Tumu.

Yohanis 6:2

Na zuga bo mɛra kɔbhɔ nɔng ke ngaya wa dhaa orɛ lɔga messo :nɛa bu barara bhɛa zuga ilagassɛaye.

Yohanis 7:31

Na bhɛa zuga ɛlla ngonu, ga bo mɛra yɛbhɛ nɔng na se, “Hunde Kirisos ale kunde, anda lɔga bo barara jorronɛa ngalɔkta me :ngahirraye, messɔ? Ngamesso.”

Yohanis 9:16

Na zuga kɔbhbhɛa damiya Bhɛrɛsi gen se, “Ngahirra me ngangaye, hira ekkono :Tumu ngaanno ke ngaya damiya Kala Ayawsuny ngabhɛgɛoye.” Na yɔk gen se, “Na hunde kete hirre me lɔga gɛrsa, anda ngalɔkta bu bararte me ɛnɛng?” Na ɛkkɛnyandɛ na kendɛ kɛngɔ.

Zuga Kèkko 10:38

Na bɛrgua churɛa zugo ma, Tumu annaa bere uhudhdho Yesusa Nazireti Kuloya nɛnɛ na ajjɛa barartin. Na hande kɔɛye kumulɔng ɛlla ko nɔng na messo lɔga challa. Na chɔɔ ibbayseo zuga chibbo ꞉Moldoyɔ kumulɔng.

Zuga Kèkko 2:22

“Na mɛa zuga Isirayeliye, ga chirara ngalɔkta! Tumu anna bɔɔ ekkono Yesusa Nazireti na ajjɛa lɔgɔ na keme lɔga bo dhandala barara bhɛa nu na iwachi na taga hunde a hira ekkono ꞉Tumuye. Yɔk ngalɔkta kumulɔng hunde a dhereye, igge gaoyɔ.