Yohanis 17:3 - Suri Latin

³ Nɔng basseya iho dhul hunde a bhɛa kèsenɛa ɛnɛngge, dhuguninya hunde zugo gainyɛ inye, Tumu Komoruya ku dhere dhɔnɛna, ko anye, Yesus Kirisos hira bere ekkononyi :inyoye.

Yohanis 17:3 Iomraidhean Croise

Markos 9:37

“Inde lammana ngaerroya chichiye kona sara ganyuye, ngangaye lammanany anye. Na inde lammananyde, ngangaye lammana chɔɔ hira bere ekkononyi.”

Yohanis 11:42

Na chɔɔ hunde shikkony kali kaliye, anye kaggayɔ. Nɔng anye bhee kesenɛ ngangaye, a ngaya keni ngazukta chillɛ ngayaye kɛyɛbhɛ bhɛa ekkonɛanyi :inyoye.”

Yohanis 14:26

Nɔng Baba nanu ale ittonnogung Kuloya Nɛnɛ sara ganyu. Na ngakuloytonu anna Irishshongngu igge. Na ale madhdhagung lɔgɔ kumulɔng na chɔɔ bhɛsseung sabbi na kadhdhano lɔga bere koyokkogungu kumulɔng.

Yohanis 17:18

Na damiya bere ekkonɛanyi :inyo ba gɔrra, ko anye wa kibhau yɔk na kekka ba kumulɔng.

Yohanis 17:21

Na mɛa Babaye, lɔkte kogollɛinyde a ngaya keni yɔk kete dhɔnɛ ngadamita ko agge kɛ̀lɛ kari na kànɛ dhɔnɛye. Na ko yɔk kɛ̀tɛldi ko agge kari na kète dhɔnɛ na zuga marrinyɛa kɛyɛbhɛ bhɛa bere ekkonɛanyi :inyo.

Yohanis 17:23

Nɔng ngaya kesenɛ ngangaye, a bhɛa kenɛi anye kɛllo ko yɔk na kanno dhɔnɛ na inye kɛ̀l ko anye na kan dhɔnɛ. Na mɛa aynɛ yɔk bhɛa anɛa dhɔnɛ dhul na zuga marrinyɛa kataga hunde bere ekkonony :inyo na chɔɔ ibhɛsɛn zuga kɔbhbhanyɛa anye hini damiya bere ibhbhagɛanyi anyeye.

Yohanis 17:25

“Baba nanu Ridhing Ninggɛninyiye, nɔng inye ko hunde zuga bhakkɛa ba kumulɔng ngagainyɛ, anye kaggainydɔ. Na chɔɔ ko yɔk ngazukta bere ajjanyde, gaɛyɔ hunde bere ekkonony :inyoye.

Yohanis 17:8

Nɔng anye annaa bere kaynɛu yɔk lɔga bere ajjanyi :inyo na ko yɔk tɛhɛnda na takta bhɛa bere kugunɛi bhɛa nunu dhere na chɔɔ yɛbhta bhɛa bere ekkonɛanyi :inyo.

Yohanis 3:17

Nɔng huna bere ekkono eriya nɛnɛ ba, bhee bere ekonɛ na kujjuga zugo ngayo. Bere ekkono na kibbaysiyɔ.

Yohanis 3:34

Nɔng hira bere bɛrrana :Tumu na ekkono, yogɛsɛn zugo lɔga Tumu, ke ngaya Tumu ajjɛ nɔng Kuloya nɛnɛ na ngaɛmɛgɛsɛnnoye.

Yohanis 5:44

Na igge hunde anno ngagiya ajjinɛno diram kɛngɔ na chɔɔ lɔga challa kènno mesigi na kayɛung :Tumu Komoruya dhɔnɛna diram ngamessoo dhulde go, na anda anye yɛbhbhanyu ɛnɛng?

Yohanis 6:57

Na damiya bere ekkonɛanyi :Babaa Nanu lɔmma basseya iho dhul na ajjanyi ngabasseytonu, ko nɔng inde am ayuga rɛa nanuye, ale kajjɛ basseya iho dhul.

Yohanis 7:29

Anye nɔng kaggayɔ, ke ngaya kɛlɛo kari na ekkonɛany na kugunɛye.”

Yohanis 8:19

Na yɔk ghini na seyɛsɛ, “Na chogonuye nunde i ori?” Na nɔng yagɛsɛ na sɛɛsɛ, “Anye ko Baba nanu igge ngagayiyyo. Nɔng hunde bɔɔ taktanyu anye, ko nɔng Baba nanu anda bɔɔ takto.”

1 Tɛsɛlongke 1:9

Kolea bere kàssanɛungu na lammanɛiy na dhɔyɛo gala bere ibhbho ke barari na kayɛo Tumu Komoruya ku dhere iho basseyɔ hunde a ɛnɛngge, bere yoktoa :zuga Mekedoniya ko gaa Akaya.

2 Tɛsɛlongke 1:8

Na ngakaldonu Komoruya na Yesus ale atti zukte marrɛ kamannaa nɛnɛ challa na imaggɛ Tumuye.

2 Betiros 1:2

Na mɛa any kɛdhɛttanung :Tumu goore dhogoy na tɔlɔmɔ zany na bhaga ba ke na bo challa ke ngaya gayɛo Tumu ko Komoruya Na Yesuse.

2 Betiros 1:3

Nɔng barartina Tumu annaa bere ayiyɔ bhɛa kàbhagɛa ba shɛɛ na kèmesɛa lɔkte hinnogiy :nɛaye kumulɔng hunde kàn zuga kɛ̀yɛbhbha nɔngge. Nɔng bhee messogɛiy ngangaye, a ngaya kànɛ zuga kàggaa nɔng, hira bere bɛrraniy dirama nɛnɛ ko chaldina nɛnɛye.

2 Betiros 1:8

Hunde messo ngalɔkta tii na lɔmmo hinisichinne na idhigisinɛye, bhɔdhungɛ na gao Komoruya Na Yesus Kirisos, na gɔngga ko zuga hologun ningginɛna ngaannoo.

1 Yohanis 1:2

Nɔng ngahirra ku basseyte annaa bere ɛlla ko Baba Na Tumu na koo kowa ba na dhɔlagiyɔ rɛ na karto. Na mɛa agge kɔ̀ɔbhbhagung lɔga gɛnyɛ bere korrono kawarre na kùdhugunnogung bhɛa nɔng anɛa basseya iho dhul.

1 Yohanis 1:3

Na ngalɔkta bere korrono kawarre na kishikkano nyabhaye kɔ̀ɔbhbhagung na ko igge yɛbhɛ na kète zuga dhɔnɛna ke ngaya kɛ̀lɛ ko Baba Na Tumu ko Eriya Nɛnɛ Yesus Kirisos kariye.

1 Yohanis 2:23

Yɔk zukte imaggɛ Eriya Tumu tɔllɔngge kumulɔng, bhee ɛlɛ ko Baba Na Tumu kari ke dhɔnɛ ninggɛ. Na yɔk gee yɛbhbhɛ Eriya Nɛnɛye ɛl ko Baba Na Tumu kari ke dhɔnɛ.

1 Yohanis 4:6

Nɔng agge kanno zuga Tumu. Na zukte gaɛ Tumuye, lɔga gayo shikkɛyɔ. Na yɔk gee zuga Tumu ngayoye, agge ngashikkeyɛo. Ngaya a bhee kàggaɛ lɔgɔ hunde agga kuloya ku dhere oo hunde agga kuloya ku butogiye.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.