Yohanis 13:1 - Suri Latin

¹ Na huna bere unga Gibiriya Basika dhɔynɛna dhɔnɛɔ, nɔng Yesus bere ɛlla ko zuga kɔbhbhɛa nɔng kari. Na dha bere nɔng gayɔ hunde kolea senno kɔdhɔyɛ ngabaya na kɔgɛ bhɛa Babaa nɛnɛ i jaaye. Na a bhee bere ibhɛsɛn zuga gɛnyɛ kɔbhbhɛa nɔng bhakkɛa ba hini na yelɛ gooreye.

Yohanis 13:1 Iomraidhean Croise

Matiyos 26:45

Na koo waga chɔɔ bhɛaa ɛlɛa zuga kɔbhbhɛa nɔng na sɛɛsɛ, “Wa ngani ayawso na ungusso dirr? Ga gɔnyigiyɛ! Wa tewa kolea kìbhbhanɛa :Hiri Hoynɛ na kàjjɛa zuga messɛa lɔga gɛrsa.

Matiyos 28:20

na madha na kɔbhtɛsɛ lɔga taa kamadhdhagungu :anyo kumulɔng na kɛbhɛgɛtɔ. Nɔng anye tii tii kɛ̀l kari ko igge ko bhee uturronɛ ba.”

Yohanis 11:55

Na hunaa senno kete kolea ammɛa :zuga Ayhudhi Gibiriya nɛ Basikaye, zuga bo mɛra hoya oriya gɛ na ago Yerusalemɔ na kemesigi damiya kònyonɛa ridhing hunde Basika ngani kussigitoye.

Yohanis 12:23

Na Yesus yagɛsɛ na sɛɛsɛ, “Kolea kènno Hiri Hoynɛ kɔtɔlɔmɛ diram mɛa te ja.

Yohanis 13:29

Nɔng Yihudha bere anna hira ibhbho kammaya ojjɛa birinyaa gɛ. Na yɔk gena se kako Yesus yogɛsɛn ngalɔkta na katala amissɛa ale ammɛa kala gibiriyny oo kɛa zuga ku bhoyoga aha genne.

Yohanis 13:3

Na Yesus nɔng hunde a hira ajjɛa :Babaa nɛnɛ buyna lɔkkuny kumulɔng na kunno bhɛa Babaa nɛnɛ na ale wokko sɛgɛnde, dha bere gayɔ.

Yohanis 13:34

Na mɛa kajjung lɔga bere sabbɔ ngani shiktao. Na ngalɔktonu a ɛnɛnggeo, ibhtɛ hinisi! Na ngadamita kibhbhagɛung :anyo hiniye, ko igge maya ibhinɛno hinisi.

Yohanis 14:28

“Yɔk ngalɔkta wa koyokkogung na kesennagung, ‘Nɔng anye ale kɔgɔ na kowokkon na kassanungge’ annaa shikto. Igge hunde te zuga ibhbhaganyu hinisi dhere, anda ngaya keni kɔ̀gɛ bhɛa Babaa nanuye hinisiya gu a hɔli ke ngaya Baba nanu anɛ na jorrononyi anyeye.

Yohanis 14:31

Nɔng anye kemesi lɔga bere ajjanyi :Babaa nanu na kurrugɛsɛn dib ke ngaya keni zuga bhakkɛa ba kumulɔng kataktɛ bhɛa kibhɛsɛni Baba Nanu hini dhereye. “Mɛa banda kago!”

Yohanis 16:28

Nɔng anye annaa bere kabansani bhɛa ihɛa Babaa nanu na kuguni chɔɔ ba. Na mɛa ale kɔdhɔyi ba na kowogi bhɛa Babaa nanu sɛgɛn.”

Yohanis 17:1

Na Yesus hunaa yogoa ngalɔkta na tewa ushaye, dhɔngu kawarɛ tumɔ na alliyɛ ko Tumu na seu, “Babaye! Mɛa kole dhuyɛ. Na mɛa aynɛ Eriya nunu diram na ko nɔng kɔdhɔnginy na kainy diram

Yohanis 17:16

Na ngadamita anye hira kamarrinyi ngakanɛoye, ko yɔk zuga ganyu, ga marrinyɛa ngayo.

Yohanis 17:26

Nɔng anye annaa bere kudhugunɛsɛu yɔk lɔga gunyu na chɔɔ ale ngani kudhugunɛsɛn dirr, na ko yɔk kibhtɛsɛ zugo hinisi ngadamita ibhbhagɛany anyeye. Na kɛ̀tɛldo ko yɔk kari na kèteo dhɔnɛ.”

Yohanis 17:5

Na mɛa Babaye, hunde ngani kɛ̀l kari ngayaye, dhɔngany na any diram damiya bere kɔlɔmɛi sabbɔ huna ba ko tumu ngani kètegenydoayo.

Yohanis 18:4

Na nɔng Yesus tagu hunde anda ale ngazuktonu nɔng messɛ ɛnɛngge, na ogu na ghinu na sɛɛsɛ, “Lameo nɛng?”

Yohanis 19:28

Na Yesus hunaa tagga hunde lɔga bere ajjɛa :Babaa nɛnɛ mɛa dhaa urruknyɛsɛ kumulɔng na te ushaye, seu, “Dhagany :huny.” Nɔng bhee bere senɛ ngangaye, a ngaya se kubhugnyɛsɛ :lɔga bere kɔ̀gɔdhdhɛsɛna dadabinyaa Lɔga Tumuye.

Yohanis 2:13

Na hunaa kolea Gibiriya Ayhudhi kèe Basika tewa jaaye, nɔng Yesus dhɔngɛ na ogo Yerusalemɔ.

Yohanis 6:4

Nɔng ngakaldonu kolea senno kussɛ :zuga Ayhudhi Gibiriya nɛ Basika bere iho jaa.

Yohanis 7:30

Na nɔng bere senno kibhigi :zugu. Na hirre dhɔnɛ idhdhar nɔng garu ke ngaya kolea nɛnɛ sennanɛa :Tumu dha bere ngani keteyɛoye.

Yohanis 7:6

Na Yesus sɛɛsɛ yɔk, “Kolea ale kɔgɔyɛi :anyo mɛa ngayo. Na nɔng igge kolee hinnonɛoye hɛo hung.

Yohanis 8:20

Yɔk ngalɔkta bere yokkono hunde madhɛsɛn zugo lɔgɔ doraa Tumu barara tu kɛngɔ jaa bhɛa ojjɛa :zugu ahaa senno kayɛ Tumuye. Na hirre idhar nɔng garu ke ngaya kolea nɛnɛ ngani keteyɛoye.

1 Yohanis 4:19

Nɔng Tumu annaa bere ibhagiyɔ hini sabbɔ, na aynde mɛa ko agge kìbhɛsɛn nɔng ko zugo hinisiye.