Yohanis 1:51 - Suri Latin

⁵¹ A challi, ga shigitɔ! Ale orro tumu hunde onɛ na zuga ekko :Tumu ɔshɔrisinɛ Hiri Hoynɛgiye na gena hɛ tumɔ, gena bhonsanɛ baye.”

Yohanis 1:51 Iomraidhean Croise

Lɔgɔ Sabba 28:12

Na koo kunau na aru gala bo ɔrkinɛna na ɔllɔraninyana tumɔ na dokkɛa ba bay. Na aru zuga ekko :Tumu hunde gena irrɔkkɛ na hɛ tumɔ na gena bhonsanɛ baye.

Matiyos 25:31

“Nɔng Hiri Hoynɛ hunde ale kunde, kun ke na bo lɔmmana diram na dhɛanɛ ko zuga ekko :Tumu kumulɔng. Na i alleya nɛnɛ komorumo bo lɔmma diram.

Matiyos 26:24

Nɔng Hiri Hoynɛ damiya bere lɔga gɛnyɛ kɔ̀gɔdhdhɛsɛna dadab, ale kɔyɔ. Na nɔng hirre kɔdhdhɛsɛn nɔng mirɔgaye ale ruɛ rɛ. Nɔng chɔɔ hunde bere ngairritinya, anda a challi.”

Matiyos 3:16

Na Yesus hunaa ngani kùchurro na bansana ma toye ngangaye, tumu oyɛ ke tiri na aru Kuloya Tumu hunde dhibɛsɛn nɔng huna yikkayny na liginɛ nɔngge.

Matiyos 4:11

Na koo Moldoy dhɔyu nɔng na ogo. Na yɔk zuga ekko :Tumu hoya na tagaya nɔng.

Matiyos 8:20

Na nɔng Yesus yagɛsɛ na sɛɛsɛ, “Yɔk dhokkoli bolkɛna gɛ ɛllɛ. Na ko yɔk shɔa doriyoa gɛ ɛllɛ. Na nɔng Hiri Hoynɛ chɔɔ bhɛa igingo ninggɛ.”

Matiyos 9:6

Yee, ga kɔ̀dhɔlagung bhɛa lɔmɛa :Hiri Hoynɛ buyna ujjugɛa lɔga gɛrsa bay ngaya na tagatɔ ni go!” Na sɛɛsɛ hiraa chudhinɛna, “Bana ibha hayaa nunu na ok doraa nunu.”

Markos 1:10

Na hunaa kùchurro na ngani bansana ma toyeye, aru tumu hunde onɛ na Kuloya Tumu dhibɛsɛn nɔng huna yikkaynyde.

Markos 14:62

Na nɔng Yesus yagɛsɛ na sɛɛsɛ, “Ee! Kani nɔng chi. Na nɔng igge ale orro Hiri Hoynɛ hunde i siyɔ sɛtɛna Tumua Bo Ɔnnɛna na kun tumɔ na bo woono idhogiye toyeye.”

Yohanis 1:50

Na sɛɛsɛ :Yesusi, “Nɔng inye mɛa bhee yɛbhbhɛanyde, a ngaya kesennagɛiny wa korrinyi chamochiyɔ sugumɔye. Na yɔk lɔga jorronɛa ngagiya ale ngani oriyɔ.

Yohanis 10:1

Na Yesus sɛɛsɛ zuga kɔbhbhɛa damiya Bhɛrɛsi, “A challi, ga shigitɔ! Hirre hattana tenya mɛdɛrniuny sari tan kona na waran ngadhoonooye, ngandonu a ɔgɔrchagi ko chimtay.

Yohanis 10:7

Na koo Yesus tɔrɛ sɛgɛn na sɛɛsɛ, “A challi, ga shigitɔ! Kartina tenya mɛdɛrniuny kani :anyo.

Yohanis 13:16

A challi, ga shigitɔ! Bhɛa gaymayuny, bu komoruya nɛnɛ. Na ko nɔng bhɛa hira kèkko, bu hira eginɛna.

Yohanis 13:38

Na Yesus yagɛsɛ na sɛɛsɛ, “Inye seni errɛany anye dhere? A challi. Ga shiktɔ! Nɔng inye hunde kobiya ku sabba ngani kɔrɔkkoye, koo imaggany jagarɛ kɛngi sizzi.”

Yohanis 14:12

A challi, ga shigitɔ! Inde yɛbhbhany anyeye, ko nɔng ale me lɔkte kemesi :anyoye. Na chɔɔ ale me ga jorronɛa ngagiya kemesi :anyoye ke ngaya anye ale kɔgɔɛ bhɛa Babaa nanuye.

Yohanis 16:20

A challi, ga shigitɔ! Nɔng igge hunde ale ruo na munyusso gooreye, yɔk zuga marrɛa Tumu ale hinisiya gɛ a hɔli. Nɔng igge ale ruo chi, na nɔng roa nu ale kɔ na bhɔdhinɛ ke hini hɔldin.

Yohanis 16:23

Na ngakaldonu lɔkte ale ogollonyu anye ninggɛ dhul. Na mɛa ga shigitɔ! Yɔk lɔkte hinnono na ogollo Babaa nanu sara ganyuye kumulɔng, ale ajjunggɔ.

Yohanis 21:18

A challi, mɛa ga shigonydɔ! Nɔng inye huna bere ngani dhakkani ngo, ruminyaa gunyu rɛ annaa bere chibɛsɛni :ɛna na chɔɔ kɔi gɔrre hiniye. Na nɔng hunde ale teu hiriye, bhanyi sɛnɔ na ruminya chibbaginy :hiriyɔ tɔllɔng na chɔɔ dhiganniny gɔrre ngahinioye.”

Yohanis 3:3

Na Yesus yagɛsɛ na sɛɛsɛ, “A challi. Ga shiktɔ! Hunde hiri sɛgɛn ngani kùhudhukkiyaayoye, bhee lɔmɛ :Tumu, ninggɛ.”

Yohanis 3:5

Na nɔng yagɛsɛ na sɛɛsɛ, “A challi. Ga shiktɔ! Hiri hunde ma ko Kuloya Tumu ngani kùchuruttoye, bhee kɔɛ na assanɛ Tumu na lɔmɛ ninggɛ.

Yohanis 5:19

Na Yesus yagɛsɛ na sɛɛsɛ, “A challi, ga shigitɔ! Lɔkte me :Eriya Tumu bhichang ninggɛ. Nɔng me lɔga orrono bhɛa Chɔgɔnɛ sɔng. Yɔk lɔkte me :Chɔgɔnɛye ko nɔng messɔ.

Yohanis 5:27

Na chɔɔ annaa bere aynɛa buyna kedhdhɛa lɔga zugony ke ngaya anɛ Hiri Hoynɛye.

Yohanis 6:26

Na nɔng yagɛsɛ na sɛɛsɛ, “A challi, ga shigitɔ! Igge mɛa bhee lamiyɛanyuye a ngaya wa ammeo amissɛ na chasseoye. Ke bhɛaa orɛo lɔga bu barara kemesi :anyo, ngayo.

Yohanis 6:32

Na nɔng Yesus sɛɛsɛ, “A challi, ga shigitɔ! Ngatilaya ku dhere kòhonyɛ tumɔye ajjung :Babaa Nanu. Muse ngani kaungo

Yohanis 6:47

Na mɛa ga shigi shɛɛ! Inde yɛbhbhany anyeye nɔng lɔ basseya iho dhul.

Yohanis 6:53

Na nɔng yagɛsɛ na sɛɛsɛ, “A challi, ga shigitɔ! Hunde Hiri Hoynɛ ayuga rɛa nɛnɛ ngani usigito na nyawaa gɛnyɛ irgitoye, bassey ninggɛnungɔ.

Yohanis 8:34

Na nɔng yagɛsɛ na sɛɛsɛ, “A challi, ga shigitɔ! Hira messo lɔga gɛrsa, a gaymaya lɔga gɛrsa.

Yohanis 8:51

A challi, ga shigitɔ! Inde bhɛk lɔga ganyuye ale ko kingi ngani ngarɛsso dhul.”

Yohanis 8:58

Na nɔng sɛɛsɛ, “A challi, ga shigitɔ! Chɔɔ huna bere Awuraham ngani kirrittiyaayo, anye bere kihi chi.”

Zuga Kèkko 10:11

Na aru tumu hunde onɛ na galiya bo hɛtta ko ruma ku charki nyabha iriynɛ na ngɔana baye.

Zuga Kèkko 7:56

Na seu, “Alala! Warana tumony dha wa oyɛ na anye mɛa kori Hiri Hoynɛ hunde chil bhɛa Tumu siyɔ sɛtɛnde.”

2 Tɛsɛlongke 1:7

na ajjung bhɛa hɔngɛo. Na chɔɔ ko agge ale kɔhɔngngoyɔ. Yɔk ngalɔkta ale bhugnyɛsɛnɛ kolee ale Komoru Yesus dhɔllanɛ rɛ talanga bu walda tumɔ hunde ɛl ko zuga gɛnyɛ ekko bo lɔmmɛa gidhdhingge.

2 Tɛsɛlongke 1:9

Na yɔk ale kàganyɛ bhɛa Komoruyny ko bhɛa ɔnneya nɛnɛ lɔmma diram na katti chɔllaa iho dhul ko kingi ngagarsao.

1 Timotiyos 3:16

Yɔk lɔga bere dhugunnogiy :Tumu ajjiyɛa bhɛa kɔ̀ɔbhɛa lɔga gɛnyɛ dhere, agga kìwacheo goore dhogoy na chɔɔ ko hinisi ngakàraginɛnɛayo. Na ngalɔktonu a ɛnɛnggeo, Nɔng bere dhɔlagiyɔ rɛ ke hiri, na dhugunoa :Kuloya Tumu, bhɛa anɛa Eriya Tumu dhere, na arta :zuga ekko :Tumu, na lɔga gɛnyɛ kàmadhtɛsɛa bhorinya kumulɔng, na zuga bhakkɛa ba yɛbhta nɔng, na kàytɛa tumɔ na bo lɔmma diram.

Yihudha 1:14

Na ko nɔng ashaya Adami kèe Henok bere irrittinyana tenya ku issabbay annaa bere ajjɛa :Tumu lɔga ngazukta na koo yokkono na senno, “Alala! Ga shigitɔ. Nɔng Komoru Tumu ale dhɛanɛ ko zuga gɛnyɛ ridhing ningginɛna bo mɛra toyi rɛkkiy,