Yohanis 1:4 - Suri Latin

⁴ Na Lɔgɔ a ɛnaa basseyny dhɔnɛnɛ. Na basseya nɛnɛ a hɔldina zugony.

Yohanis 1:4 Iomraidhean Croise

Matiyos 4:16

na ko mɛa ngani ɛl kɔrrɔynɔye, wa arta hɔldina bo gore. Na ngahɔldinda wa terinya ngazukta ngani bhakkɛ baa nyabbunyde.”

Yohanis 11:25

Na Yesus yagɛsɛ na sɛɛsɛ, “Hira kibbaniseoni zugo rɛsɛyɔ na kajjɛi bassey kani :anyo. Na inde yɛbhbhany anyeye, chɔɔ ko hunde kere, ale bansana na i basseyɔ.

Yohanis 12:35

Na koo sɛɛsɛ :Yesusi, “Mɛa hɔldin ngani ɛllano ko igge kari bhe chinyi. Na ga dhi ko nɔng hunde ngani ɛllo kariye na mugur ngauturbhannungu. Nɔng hirre wo mugurɔye imag gɔrre kɔɛye.

Yohanis 12:46

Anye huna bere kuguni ba ngaya, bere kuguni kète hɔldin na kàlamma zuga yɛbhbhanyɛa anye kumulɔng, na mugurɔ ngadhɔynɛ.

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 3:19

Yɔk lɔga zugony bere kedhdho :Tumu a ɛnɛnggeo, ‘Hɔldin annaa bere kowa ba na yɔk zugo tamarta. Na bhɛa senno kɛtɛhɛndɛ hɔldin, tɛhɛnda kɔrrɔyn ke ngaya mesɛ kuhuyamoye.’

Yohanis 5:21

Na ngadamita Baba Tumu dhɔngnganɛ zuga rɛsɛa na ajjɛ basseyte ko nɔng Eriya Nɛnɛ zukte hinnonoye, ajjɛ basseya iho dhul.

Yohanis 5:26

Nɔng Baba Tumu, a ɛnaa basseyny. Na chɔɔ annaa bere ibhaa Eriya Nɛnɛ na ojja na tewa hira ku ɛnaa basseyny hunde nɛnde.

Yohanis 8:12

Na koo Yesus yogɛsɛ zugo lɔgɔ sɛgɛn na sɛɛsɛ, “Anye kani hɔldina zuga bhakkɛa ba kumulɔng. Na inde yɛbhbhany anye na kɔbhbhanyde, ale jɔana hɔldina lɔmma basseya iho dhul na mugurɔ dhɔkkɔy ngani ngayiriyo.”

Yohanis 9:5

Nɔng anye hunde ngani kihi bay ngayaye, kani hɔldina zuga bhakkɛa ba kumulɔng.”

Zuga Kèkko 26:23

Yɔk lɔkte bere yokkonɛ ꞉yɔkkuye sennɛ, ‘Hira kɛ̀bɛrrana ku Kirisos nɔng ale chɔllanɛ na bhɛa zugony a hira bansana rɛsɛyɔ sabbɔ. Na yogɛsɛn zuga Isirayeli ko zuga bhorinyaa anaa lɔgɔ na terinyɛsɛn ganggua Tumu na ibbaysiyɔ.’”

1 Yohanis 1:1

Ngalɔkta kenno kòyoktogung :aggeuye agga ajjɛa zugo bassey. Na ngalɔkta rɛ a hiri. Na ngahirra bere ihono kingi huna chɔɔ tumu ko ba ngani kètegenydoayo. Na agge chɔɔ bere karto kawarre, na hunde mɛzziye, kishikto na kamarakto shɛɛ na kugumbo chɔɔ sɛnɛ.

1 Yohanis 1:2

Nɔng ngahirra ku basseyte annaa bere ɛlla ko Baba Na Tumu na koo kowa ba na dhɔlagiyɔ rɛ na karto. Na mɛa agge kɔ̀ɔbhbhagung lɔga gɛnyɛ bere korrono kawarre na kùdhugunnogung bhɛa nɔng anɛa basseya iho dhul.

1 Yohanis 5:11

Yɔk ngalɔkta a ɛnɛnggeo, Tumu bere ayiyɔ basseya iho dhul ko kingi. Na ngabasseyta lɔ :Eriya Nɛnɛ.