Yohanis 1:32 - Suri Latin

^32-33 Na koo Yohanis kɔbhɛsɛ zugo lɔgɔ na sɛɛsɛ, “Hira bere ekkononyi na senno kùchur zugo ma, bere sennaganyi, ‘Ale ori Kuloya Tumu hunde kun tumɔ na kɔsɛn hir konaye. Na ngahirronu aynde ale chur zugo Kuloya Tumu Bararaye.’ Na mɛa anye wa karra Kuloya Tumu hunde kun tumɔ na dhibbana huna yikkayny na liginɛ ngahirraye. Chɔɔ huna sabbɔ ngalɔkta ngani kòyoktogonyoo, nɔng ngahirra bere kimagi hang.

Yohanis 1:32 Iomraidhean Croise

Matiyos 3:16

Na Yesus hunaa ngani kùchurro na bansana ma toye ngangaye, tumu oyɛ ke tiri na aru Kuloya Tumu hunde dhibɛsɛn nɔng huna yikkayny na liginɛ nɔngge.

Markos 1:10

Na hunaa kùchurro na ngani bansana ma toyeye, aru tumu hunde onɛ na Kuloya Tumu dhibɛsɛn nɔng huna yikkaynyde.

Yohanis 1:31

Nɔng chɔɔ bere anye kimagiyɔ. Na nɔng bhee bere kugunɛ na kuchurɛ zugo maye, a ngaya kèe zuga Isirayeli kataktɛ nɔngge.”

Yohanis 1:7

Na kun ke hira senno kɔɔbhɛsɛ zugo kumulɔng lɔga ngahɔldindonu dha bɔɔ orrono :nɛa kawariyɔye na ko yɔk kɛyɛbhɛtɔ.

Yohanis 5:32

Na nɔng hira kɔbhɛsɛna zugo lɔga ganyu kona ihe. Na chɔɔ ngalɔkta gany kɔbhɛsɛn :nɛa zugoye hunde a dhereye, anye kaggayɔ.