Yihudha 1:7 - Suri Latin

⁷ Na chɔɔ ga kàtta zuga bere bhakkɛa ɔra kèe Sodom ko na kèe Gomora ko ga bere bhakkɛa dhey dhey. Ko yɔk annaa bere messɛa lɔga bo gɛrsa ku lollumo ko kuhuyamoa bo gɛrsa chɔɔ anda zugo ngamessɛayo dhul. Na ngaya bere kàttiyɛ yɔk gogiyeye, dhɔllagiyɛ bhɛa ale chɔllanɛnɛa :zuga messɛa gɛrrɛng na kàttiyɛa goa iho dhul ko kingi.

Yihudha 1:7 Iomraidhean Croise

Lɔgɔ Sabba 13:13

Na zuga Sodomi bere anna zuga ku kuhuyaga messɛa lɔga bo gɛrsa munyusɛɛna chɔɔ ꞉Tumu.

Lɔgɔ Sabba 18:20

Na koo Komoru Tumu sɛɛsɛ Awuraham, “Zuga Sodomi ko ga Gomora kuhuyamoa nɛ te dhandali. Na zuga tiranyɛa ꞉yɔkku a giya arraganyɛ anye wuy bheaye.

Lɔgɔ Sabba 19:5

Na eli Lot na ghini na seyɛsɛ, “Kɔmɔna gunyu maya wa dhiganani na seni kutunggi doraa nunu ngaya ɛl ori? Ga sɛɛ kobhonda na kɔ̀mɔktoyɔ!”

Matiyos 10:15

Ga shigitɔ! Ɔrre zugo messɛ ngangaye, kolea ale kedhdhɛa :Tumu lɔga zugony, ale kàtti na bhɛa attiya nɛnɛ, chali attiya bere kàttiyɛa Sodom ko Gomora.

Matiyos 11:24

Na mɛa anye kesennagung ɛnɛnggeo, kolea ale kedhdhɛa :Tumu lɔga zugony, bhɛa attiya nu, ale chali attiya kàttiyɛa zuga Sodomi.

Matiyos 25:41

“Na ale yogɛsɛn gaa ɛlla bhɛa nɛnɛ kangitɛn na senɛsɛn, ‘Igge ngagiya bere kɔ̀chɔrrungge, bhɛa nanu ngaya ngaɛllo! Ago goa ngadhittinɛnao dhul bere kòjjɛsɛna Moldoy ko zuga ekko :nɛa kɔk.

2 Tɛsɛlongke 1:7

na ajjung bhɛa hɔngɛo. Na chɔɔ ko agge ale kɔhɔngngoyɔ. Yɔk ngalɔkta ale bhugnyɛsɛnɛ kolee ale Komoru Yesus dhɔllanɛ rɛ talanga bu walda tumɔ hunde ɛl ko zuga gɛnyɛ ekko bo lɔmmɛa gidhdhingge.

2 Tɛsɛlongke 1:8

Na ngakaldonu Komoruya na Yesus ale atti zukte marrɛ kamannaa nɛnɛ challa na imaggɛ Tumuye.

2 Betiros 2:2

Na chɔɔ zugo ga mɛra ale orronɛ ngalɔkta bu gɛrɛ ammɛiy :liya messɛ :ngazuktaye, na ko yɔk hɛ na messɛyɔ. Na hunde messɛ ngangaye, zugo ale orrɛ ngalɔkta na dhɔmmɛ lɔga ku dhere kàbhagɛa ba bere madhinɛnɛa :Yesusi.

2 Betiros 2:6

Na sɛgɛn nɔng annaa attiwa zuga bhakkɛa oriya kèe Sodom ko Gomora na dhitta gogiye na tewa buryoga, na lɔga gɛ karta :zukte messɛ lɔga gɛrsaye kumulɔng na katagatɔ hunde dhaa zuga Tumu ngaɛngɛrsɛayo kàtti ɛnɛngge.

2 Betiros 3:7

Na damiya bere Tumu yokkonɛa lɔgɔ na ghendonɛa aha kumulɔng, annaa bere yogoa bhɛa ngatumuya chakte ko ba kumulɔng ale hukkanɛa gogiye rang. Nɔng kalde ale hukkanɛye, a kala kedhdhɛa :nɛa lɔga zugony kumulɔng, na iggarisiyɛa zuga Tumu ngaɛngɛrsɛayo.