Yihudha 1:4 - Suri Latin

⁴ Nɔng bhee kɔgɔdhdhagɛung ngalɔktaye, a ngaya zug gena dha bɔɔ dhulday dari na assayɛung iggeye. Yɔk ngazuktonu lɔga gɛ ale kùjjukkanɛa, annaa bere kɔ̀gɔndɛsɛa dadab toye kingi. Yɔk a zuga Tumu ngaɛngɛrsɛayo na ibhbhanɛa lɔga bere ɛdhdhɛttannɛiy :Komoruya Na Tumu na bhɔdhdhɛa ke lɔga messɛa lollumo na mallɛa Yesus Kirisos Komoruya na dhɔnɛna lɔmmiy agge.

Yihudha 1:4 Iomraidhean Croise

Matiyos 13:25

Na hunde zugo ungussɛa bhoyte, nɔng mirogiya nɛnɛ kunno na sayɛsɛna shuroy gosso toye na kɔa.

Yohanis 17:3

Nɔng basseya iho dhul hunde a bhɛa kèsenɛa ɛnɛngge, dhuguninya hunde zugo gainyɛ inye, Tumu Komoruya ku dhere dhɔnɛna, ko anye, Yesus Kirisos hira bere ekkononyi :inyoye.

Zuga Kèkko 11:23

Na nɔng hunaa kɔa na dokkono na orro lɔga bo challa chirbhisiyɛa ꞉Tumu zugoye, dɛlu goore na iriyu na kɛmɛtta na kɛyɛbhɛ Komoru hinisichinne kumulɔng.

Zuga Kèkko 15:24

“Bare kishikto hunde dha bɔɔ zuga gayo gena bansanɛ ꞉eygo na assanungɛ igge na madhdhagungɛ lɔga rɛkungɛa na margeungɛye. Agge ngazuktonu yɔk ngani kèktoyo.

1 Timotiyos 5:8

Nɔng hirre bhɛnɛna gɛnyɛ ngalɔmmo na mar chɔɔ bhɛa ɛanɛa zuga doraa nɛnɛye, a hira dha bɔɔ dhɔtta bhɛa yɛbhɛa Tumu na tewa gɛrɛ na jaraa chɔɔ hira Tumu ngani kɛyɛbhbhao.

2 Timotiyos 2:12

na hunde kùjjɛsɛn hinisi bɛna na kìnyim lɔga chɔllaunyde, ale kɛ̀l ko nɔng kari na kɔ̀lɔ zugo. Na nɔng hunde kìtimaga nɔngge, ko nɔng ale imaggiy sɛgɛn.

2 Timotiyos 3:6

Yɔk ngazukta agga tabhɛsɛnɛa zugo lɔgɔ na hɛa doriyoa zugony na tabhbhɛa tɛrroa tɔlgɔnya messɛa lɔga gɛrsa na margiyɛa :lɔga bo mɛra ku kuhu hinnonɛa :sabbiya gɛ na chɔllanɛnɛa.

2 Betiros 2:10

Na yɔk zukte ale atti :nɛa goore dhogoyte, a zuga chirkannɛa lɔga gɛrsa ku lollumo na irranɛa Tumu na lɔga gɛnyɛ ngabhɛkkɛayo. Yɔk ngazukta agga liya ngaamɛayo dhul bo dhunggurrɛa. Na chɔɔ bhɛa senno kɔdhɔmbɛ zuga ɛlla tumɔ lɔmmɛa buyn bho ngaɛngɛrsɛayo dhul.

2 Betiros 2:7

Na nɔng huna ngaoriya ngani kidhitao, annaa ibbaysiwa Lot, ke ngaya anɛ hira ridhing ningginɛna taa orro lɔga bo gɛrsa messɛa :zugu ku lollumo na shurnɛnɛ na munyusɛ gooreye.

2 Betiros 3:7

Na damiya bere Tumu yokkonɛa lɔgɔ na ghendonɛa aha kumulɔng, annaa bere yogoa bhɛa ngatumuya chakte ko ba kumulɔng ale hukkanɛa gogiye rang. Nɔng kalde ale hukkanɛye, a kala kedhdhɛa :nɛa lɔga zugony kumulɔng, na iggarisiyɛa zuga Tumu ngaɛngɛrsɛayo.

1 Yohanis 2:22

Na nɔng inde mal lɔga Yesusi na se, “Yesus Hira Bere Bɛrrana :Tumu ku Kirisos ngayoye,” a inde ku butogiya bo dhogoyte. Nɔng ngandonu a mirogiya Kirisosi na chɔɔ imag Baba Na Tumu ko Eriya Nɛnɛ tɔllɔng.

Yihudha 1:15

na kegen lɔga zugony kumulɔng. Na kujjuga gee nɔng ngaɛngɛrsɛoye rang ke ngaya bere mesɛ lɔga ku kuhu marra :nɛa na yagɛsɛnɛ nɔng tugi na dhɔmɛye.”

Yihudha 1:18

Yɔk annaa bere sennagungɛa, “Bɛrgua ale wurtune, zuga kɔbhbhɛa lɔga ku kuhu hinnonɛa sabbiya gɛ na bhɔsɔrrɛa Tumu ko zuga gɛnyɛ, ale bansanɛyɔ.”