Yihudha 1:3 - Suri Latin

³ Ngazukta gany kibhbhagung hiniye, anye bɔɔ hini ujjono goore na keni kɔ̀gɔdhagung ngalɔkta kɔ̀lɔ :aggeu bere ibbaysiyɛiy :Tumuye. Na hunde ko kɛ̀sɛdh nganga, anye sabba bhɔdhɛ na kɛsɛdhdha lɔga keni kɔ̀gɔdhagɛung lɔga maya mɛdhdhanɛo, na yɛbhɛo lɔga ku dhere bere ibhbhana :Tumu kalde dhɔnɛ wub na ajjiy agge zuga gɛnyɛ ridhing ngakɔlɔmao.

Yihudha 1:3 Iomraidhean Croise

Zuga Kèkko 17:3

Nɔng dha dhugunɛsɛn lɔga bere kènno hira bɛrrana ꞉Tumu kɔ̀chɔllayɛ na ker na kabanay rɛsɛyɔ. Na sɛɛsɛ, “Ngahirra kèe Yesus kamadhdhagungge a hira bere bɛrrana ꞉Tumu.”

Zuga Kèkko 18:28

Na koo ɛkkɛnyandɛy ko zuga Ayhudhi bhɛa Yesus anɛa hira bere bɛrrana ꞉Tumu tu kɛngɔ na nɔng toyɛɛsɛ Lɔga Tumu, na dhugunɛsɛ shɛɛ.

Zuga Kèkko 20:27

Anna bere kudhugunogungɔ lɔga hinnogungu ꞉Tumu kumulɔng na lɔkte kɛmɛsɛung igge na kɔdhɔyi ninggɛ dhul.

Zuga Kèkko 28:28

“Na mɛa igge tagatɔni wo! Tumu wa ekka zugo na koyoktɛsɛ bhorinyaa anaa lɔga ibbaysia ꞉nɛa zugo na yɔk ale shikkɛyɔ!”

Zuga Kèkko 4:12

“Hira bere ekkono ꞉Tumu na kabayɛ ꞉zugu a Yesusi dhɔnɛnɛ. Sarre bassɛ ꞉zugu lɔga gɛ gɛrsa bay ngaya, gena ninggɛ dhul.”

Zuga Kèkko 6:7

Na lɔga Tumu tɛhɛtɛy ko ba. Na zuga yɛbhbhanɛa lɔga Yesusi Yerusalemɔ ago na te mɛri. Na gɔldangɛa doraa Tumu barara ga bo mɛra ko yɔk yɛbhɛ kamannaa Yesusi.

Zuga Kèkko 9:13

Na nɔng Hananiya sɛɛsɛ, “Komorue! Ngahirra bare kishikka hunde se tiranyɛ zuga gunyu ridhing ningginɛna ɛlla Yerusalemɔ gooreye.

Zuga Kèkko 9:22

Na nɔng Saol te ɔnnɛ na dhugunɛsɛ zuga Ayhudhi bhakkɛa Dɛmasko bhɛa Yesus anɛa hira kɛ̀bɛrrana ku Kirisos dib na yɔk rɛgɛ ꞉lɔkku.

1 Tɛsɛlongke 2:2

Chɔɔ huna bere sabbɔ kɔ̀chɔllanɛno Bhilibhisɔ na dhɔmiyɛa :zugu, na ɛaniy :Tumu, igge gaoyɔ. Na ko hunde chɔɔ kadaktao lɔkte bu gɛrsi, agge ngani kàmadhdhagung kamannaa Tumu challa dhɛ dhɛ hung.

1 Timotiyos 1:18

Na mɛa eriya nanu Timotiyose, anye koyokkoginy ngalɔkta kumulɔng damiya bere yokkɛinyɛa :zugu na kadha ngalɔktonu na mɛdha na tamar lɔga ku butomo na ɔdhɛ huna bansanayny.

1 Timotiyos 6:12

Na mɛdha goore dhogoy huna bansanayny na yɛbh Tumu dhul ko kingi, na hini ngakedhdhi. Na tii ibh lɔga basseya iho dhul bere kèliyɛinyi kala bere dhugunnonɛi bhɛa anɛi hira yɛbhi Kirisos dhere na orrɛinyɛa :zuga bo mɛra.

2 Timotiyos 1:13

Na mɛa bhɛk ngalɔkta ku dhere bere shikkan bhɛa nanuye, na madhɛsɛ zugo nganga tii. Na hunde madhɛsɛnde, madhɛsɛ ke na bo yɛbhi Kirisos Yesus na ibhɛsɛni zugo hini ke ngaya ɛlɛo ko Kirisos Yesus kari na anɛo dhɔnɛye.

Tito 1:4

Na ngadadabta kɔgɔdhdhaginy inye, Tito, hira hɛtto ko eriya nanu ku dhere bere yɛbhi kamannaa Yesusi hunde nayoye. Any kichirbhisieny :Babaa na Tumu ko :Hira Ibbayseiy agge Yesus Kirisosi na kainy zany na bhak ba shɛɛ.

2 Betiros 1:1

Ngadadabta kɔgɔdhan :anyo Simon Betirosi, hira kagayi Yesus Kirisos, bere bɛrrananyi :nɛa na ekonyi. Na kɔgɔdhdhagung igge, ngazukta bɔɔ ngani yɛbhbhano Yesus Kirisos damiya bere nayoye. Nɔng Yesus Kirisos Komoruya na Ibbayseiy agge, anna ridhing ningginɛna. Na aynde bere ajjɛiy bhɛa kɛ̀yɛbhɛa nɔngge.

2 Betiros 2:21

Yɔk ko bhee bere gaɛ lɔga ganggua ridhing ningginɛna na koo dhɔyɛ lɔga kullɛna bere kòyogɛsɛna yɔk, na wogɛ bhɛa lɔga gɛrsa sɛgɛn, hunde bere sabbɔ lɔga ganggua ridhing ningginɛna ngagaɛ, anda a challi.

Yihudha 1:1

Ngadadabta kɔgɔdhan :anyo Yihudha, hira ku gochonga Yaykobi kagayi Yesus Kirisos. Na kɔgɔdhdhagung igge, zuga bere ibhbhagungu :Babaa Na Tumu hini na eleongu na bhɛkkungu na ale lɔmmungu :Yesus Kirisosi.

Yihudha 1:17

Na nɔng igge ngazukta gany kibhbhagung hiniye, ga kàtta lɔga bere yokkonɛa :zuga bere ekko :Komoruya Na Yesus Kirisosi sabbɔ.

Yihudha 1:20

Na mɛa ngazukta gany kibhbhagung hiniye, igge nɔng annaa bere yɛbhto lɔga Tumu kullɛna jorronɛa lɔgɔ kumulɔng. Na mɛa mɛtta nganga dirr na iriytɛ ngalɔkta Tumu ngani yɛbhbhoye na alliyɛ ko Tumu damiya madhdhagɛungu :Kuloya Nɛnɛ.