Yihudha 1:18 - Suri Latin

¹⁸ Yɔk annaa bere sennagungɛa, “Bɛrgua ale wurtune, zuga kɔbhbhɛa lɔga ku kuhu hinnonɛa sabbiya gɛ na bhɔsɔrrɛa Tumu ko zuga gɛnyɛ, ale bansanɛyɔ.”

Yihudha 1:18 Iomraidhean Croise

Zuga Kèkko 20:29

Nɔng anye kaggayɔ. Ale hunde kɔgɔye, zuga kɛngi gɛrsa zugo ngachirbhisiyɛayo hony huna yoyany na dhushshɛ zuga yɛbhbhɛa Yesus bhɛkko ꞉iggeu.

2 Timotiyos 3:13

Na yɔk zuga ku kuhuyaga ko ga ku butoga, ale ngani tabhbhɛ zugo na ko yɔk tabhbhɛ :zug genne na idhigisisɛnɛ rɛhi kuhuyamo na hɛ na gɛrɛ goore dhogoy.

2 Timotiyos 4:3

Anye koyokkoginy ngalɔkta ke ngaya kolea ale zugo marɛa lɔga ku dhere kàmadhinɛnɛa ale kunɛye. Nɔng ngakoleonu zugo ale marrɛ ngalɔkta ku dhere kàmadhinɛnɛye, na mugɛsɛnɛ rɛhi zuga madhdhɛa zugo ga bo mɛra ke bhɛa hinɛa lɔga sabbiya gɛ na kamadhtɛsɛ yɔk lɔga hunde chirarrɛaye bhagayɛa :nyabha na hinnɛa.

2 Betiros 2:1

Yɔk zuga ku butoga bhɔdhdhɛa lɔgɔ na yokkonɛa huna naa dhugunɛsɛna :Kuloya Tumu, bhɛa zuga Isirayeli bere kinginye, ko yɔk bere ɛlla. Na chɔɔ mɛa toye bhɛa nu, ko yɔk zuga ku butoga bhɔdhdhɛa lɔgɔ nganga, ale bansanɛ na madhɛsɛnɛ zugo lɔga ku butomo huna naa anna lɔga Tumu dhere na ujjukkɛ zugo. Na chɔɔ ale mallɛ Komoruya bere ibbayseo yɔk ku yekkuya lɔga gɛ gɛrsa. Na ngaya messɛ ngangaye, ale tisɛsɛnɛ rɛhiya gɛ lɔga igarisiyɛa :Tumu ke tiri nga hung.

2 Betiros 2:10

Na yɔk zukte ale atti :nɛa goore dhogoyte, a zuga chirkannɛa lɔga gɛrsa ku lollumo na irranɛa Tumu na lɔga gɛnyɛ ngabhɛkkɛayo. Yɔk ngazukta agga liya ngaamɛayo dhul bo dhunggurrɛa. Na chɔɔ bhɛa senno kɔdhɔmbɛ zuga ɛlla tumɔ lɔmmɛa buyn bho ngaɛngɛrsɛayo dhul.

2 Betiros 3:3

Na yɔk bhɛa ngalɔkta kumulɔng, gee keni taga shɛɛye a ɛnɛnggeo, bɛrgua ale wurtune zuga kɔbhbhɛa lɔga ku kuhu hinnonɛa sabbiya gɛ sɔng na bhassɛa lɔga Tumu, ale hony ga bo bhassɛa lɔga Tumu,

Yihudha 1:16

Yɔk ngazukta kali kali mɛzziɛ girɔngichinne na chilɛ lalugɛ. Na messɛ lɔga ku kuhu hinnonɛa sabbiya gɛ. Na dhɔngngɛ rɛhi na amɛsɛnɛ zugo tugi choyn na kɔjɔya ahaa hinnɛa bhɛa zugony.

Yihudha 1:4

Nɔng bhee kɔgɔdhdhagɛung ngalɔktaye, a ngaya zug gena dha bɔɔ dhulday dari na assayɛung iggeye. Yɔk ngazuktonu lɔga gɛ ale kùjjukkanɛa, annaa bere kɔ̀gɔndɛsɛa dadab toye kingi. Yɔk a zuga Tumu ngaɛngɛrsɛayo na ibhbhanɛa lɔga bere ɛdhdhɛttannɛiy :Komoruya Na Tumu na bhɔdhdhɛa ke lɔga messɛa lollumo na mallɛa Yesus Kirisos Komoruya na dhɔnɛna lɔmmiy agge.