Yihudha 1:1 - Suri Latin

¹ Ngadadabta kɔgɔdhan :anyo Yihudha, hira ku gochonga Yaykobi kagayi Yesus Kirisos. Na kɔgɔdhdhagung igge, zuga bere ibhbhagungu :Babaa Na Tumu hini na eleongu na bhɛkkungu na ale lɔmmungu :Yesus Kirisosi.

Yihudha 1:1 Iomraidhean Croise

Matiyos 10:3

ko Bhilibhos ko Bartolomiyos, ko Tomas ko hira mukko gharata kèe Matiyos, ko eriya Ilbiyosi kèe Yaykob, ko Tadiyos,

Matiyos 13:55

Nganda ngayo liya ngananita ghende doriyoye? Na chɔɔ jɔnɛ ngakeliyo Mariyam? Na gochonginyaa gɛnyɛ ngayo :Yaykobi ko :Yosebi ko :Simoni ko :Yihudha?

Markos 3:18

Na kona a Indiriyas, Bhilibhos, Bartolomiyos, Matiyos, Tomas, ko eriya Ilbiyosi kèe Yaykob ko Tadiyos ko Simona marra lɔga allinɛnɛa :komoruya Rome zuga Ayhudhi,

Markos 6:3

Ngangaye, nganda ngayo naniya ghendo doriyo ku eriya Mariyami, gochonginyaa gɛnyɛ kèleo Yaykob, Yosa, Yihudha ko Simon? Na ngɔnigɛ kàbhakka ko agge kari?” Na tamara na ta lɔga gɛnyɛ.

Yohanis 12:26

Inde kachanyde, any kɔɔbhany anye. Na aynde ko nɔng ale i bhee kihɛ :anyoye. Nɔng hirre kachanyde, ale dhɔng :Babaa nanu na ajjɛ diram.

Yohanis 14:22

Na koo Yihudha ghinu Yesus na sɛɛsɛ, “Komorue, ngangaye bhee seni dhugunogiy agge rɛa nunu na zugo kumulɔng ngadhugunɛsɛniye a ore?” (Nɔng ngahirra Yihudhaa Askorotu ngayo.)

Yohanis 15:16

Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.

Yohanis 17:15

Nɔng anye bhee kogollɛiny na kɛngai yɔk bhɛa zuga marrinyɛa na ɔgɛ bhokkonnɔ ngayo. Kogolliny na bhɛk bhɛa keni ngakitiranyɛ :Moldoyɔ.

Yohanis 17:17

Nɔng inye lɔga gunyu a dhere. Na mɛa ibha yɔk na tony lɔga gunyu ku dhere na kɛnga na kete zuga kachinyɛa inye.

Yohanis 17:19

Na mɛa anye konynyon rɛ na kɛɛnginyan kète hira kagachinyi inye na ko yɔk kotonydiyaa na kɛɛnggiyaa na kete zuga kachinyɛa inye dhere.

Yohanis 6:39

Na lɔga Babaa nanu bere ajjanyi na ekkonɛanyi a ɛnɛnggeo, kèe kɛ̀bhɛk zuga bere ajjanyi kumulɔng na chɔɔ dhɔnɛ ngakiggarisi na kala ale wurtune kɔ̀dhɔngnga rɛsɛyɔ.

Zuga Kèkko 1:13

Na hunaa dokkɛa ɔrte, ago doraa ungusɛa ku bɛ na irrɔgɔ balanggi tundɔ. Na zuga ɛlla ngonu bere anna Betiros ko Yohanis ko Yaykob ko Indiriyas ko Bhilibhos ko Tomas ko Bartolomi ko Matiyos ko eriya Ilbiyosi kènno Yaykob ko Simona marra lɔga allinɛnɛa :komoruya Rome zuga Ayhudhi ko eriya Yaykobi kènno Yihudha.

Zuga Kèkko 20:32

“Na mɛa anye kɔdhɔttagung Tumu ko lɔga gɛnyɛ challa chirbhisiuny. Na ko igge kutuhong ꞉lɔga gɛnyɛ na tɛhɛyɛ ko zuga bere yɛbhbhɛa Yesus ridhing ningginɛna na ale sɛrɛyɛa lɔga bere kìbhiigɛsɛna yɔk.

Zuga Kèkko 27:23

Wa barɔ Tumua nanu kagayi egoa hiri tumɔ na chilaganyɔ jaa

1 Tɛsɛlongke 2:12

Nɔng annaa kali kali kìrishongngu na kìlalungngu na kɔ̀tɔllɔhagungngu na mesigi lɔga hinno :Tumu, Komoruya bere hinnongu na senno kɔtɔlɔmung :nɛa na tɛldi bhɛa nɛnɛ lɔmma diram.

1 Tɛsɛlongke 5:23

Na mɛa Tumu Komoruya yakkana ba chaldin, any keme lɔkte hin :nɛaye kumulɔng bhɛa nu na te zuga ridhing ningginɛna. Na Komoru Yesus Kirisos hunde ale kunde, kɛbhɛk kulyaa gu ko basseya lɔmmo :iggeu ko rɛhiya gu na kete ga bo ɛlla hurr kumulɔng.

2 Timotiyos 1:9

Nɔng Tumu bhee bere ibbaysiyɛiy na bɛrranɛiy na kèteɛ zuga kɛ̀ɛnginyana ridhing ningginɛnaye, ke bhɛa bere kèmesɛa lɔga challa ngayo. A bhɛa bere ojjonɛa :nɛa tɔllɔng ko bhɛa bere ɛdhdhɛttannɛiy agge. Na ngalɔkta ɛdhdhɛttannɛiy na ajjɛiy Kirisos Yesuse, agga bere ojjono :nɛa kingi chɔɔ huna bere ba ko tumu ngani kètegenydoyɛayo.

2 Timotiyos 4:18

Na ale ngani ibbayseony lɔkte ku kuhu kodokkonde kumulɔng, na kɔyɛany shɛɛ na dokkɛany tumu tundɔ bhɛa lɔmɛa :nɛa zugo. Na diram any kete na nɛnɛ dhul ko kingi. Amen!

Yaykob 1:1

Ngadadabta kɔgɔdhdhagung :anyo Yaykobi, hira kagayi Tumu ko Komoru Yesus Kirisos. Na kittonnogung igge, ngagettoya ku 12 bere bhassanyɛsɛno ba kumulɔngge. Na kissaunggɔ, anno challi hung?

2 Betiros 1:1

Ngadadabta kɔgɔdhan :anyo Simon Betirosi, hira kagayi Yesus Kirisos, bere bɛrrananyi :nɛa na ekonyi. Na kɔgɔdhdhagung igge, ngazukta bɔɔ ngani yɛbhbhano Yesus Kirisos damiya bere nayoye. Nɔng Yesus Kirisos Komoruya na Ibbayseiy agge, anna ridhing ningginɛna. Na aynde bere ajjɛiy bhɛa kɛ̀yɛbhɛa nɔngge.

Yihudha 1:21

Na hunde ngani reo kolea ale chirbhisiyɛungu :Komoruya Na Yesus Kirisosi na ajɛungu basseya iho dhulde, tɛldi ko Tumu kari ke dhɔnɛ tii na tagatɔ hunde ibhbhagung hiniye.

Yihudha 1:3

Ngazukta gany kibhbhagung hiniye, anye bɔɔ hini ujjono goore na keni kɔ̀gɔdhagung ngalɔkta kɔ̀lɔ :aggeu bere ibbaysiyɛiy :Tumuye. Na hunde ko kɛ̀sɛdh nganga, anye sabba bhɔdhɛ na kɛsɛdhdha lɔga keni kɔ̀gɔdhagɛung lɔga maya mɛdhdhanɛo, na yɛbhɛo lɔga ku dhere bere ibhbhana :Tumu kalde dhɔnɛ wub na ajjiy agge zuga gɛnyɛ ridhing ngakɔlɔmao.