Yaykob 2:5 - Suri Latin

⁵ Ngagochonginyaa ganydeye, ga shiktonyuyɔ! Zuga aha ningginɛna bay ngaya ngayo gee bere bɛrrana :Tumu na kɔtɔlɔmɔ yɛbhaa bo dhandala na kɛsɛrɛ baa bere bhiigɛsɛna zuga ibhɛsɛnɛa nɔng hinisiye?

Yaykob 2:5 Iomraidhean Croise

Matiyos 11:5

Na seyɛsɛ, ‘Zuga kawarɛ chaga, orrɛ bho. Ga ngɔllɛa, woɛ shɛɛ. Ga amma :gedhdhe, kònynyono na bassɛ na ɛl hurr. Ga ku dunggɛna, shikkɛ bho. Ga bere rɛssɛa, bansanɛyɔ. Na chɔɔ zuga ku bhoyoga, mɛa kàmadhɛsɛn kamannaa challa.

Matiyos 25:34

“Na nɔng Komoru ale senɛsɛn gaa ɛlla bhɛa nɛnɛ sɛtɛn, ‘Igge ngagiya bere tuhong :Babaa nanuye, hoya bhaga bhɛa lɔmɛungu :nɛa bere kɔdhdhanɛa bɛrgua ngani kèghendonɛa ba ko mɛa toye na ojjogungu kɔk.

Matiyos 5:3

“Zukte iddirnɛnɛ Tumu lɔkke kumulɔngge a tuhinɛ, ke ngaya anɛ zuga lɔmma :Komoruya tumonyde.

Markos 7:14

Na koo eleo ngazuktonu bu mɛrte sɛgɛn na kohoya bhɛa nɛnɛ na sɛɛsɛ, “Ga shiktonyuyɔ! Na lɔkte koyokkogungge chirara shɛɛ na tunggɛsɛyɔ!

Yohanis 7:48

Nɔng agge bhɛa nayo gulsachinuny ko bhɛa zuga gayo kɔbhbhɛa damiya Bhɛrɛsi, inde yɛbh nɔng chɔɔ dhɔnɛ ninggɛ!

Zuga Kèkko 7:2

Na Istibhanos yagɛsɛ na sɛɛsɛ, “Gochonginya ko babachina ganyuye, ga chirartanyuyɔ! Huna baba na Awuraham ngani Karanɔ kɛzɛgao na bhakka Mesetom, annaa dhɔlɛsɛa ꞉Komoruya na lɔmma diram rɛ

1 Tɛsɛlongke 2:12

Nɔng annaa kali kali kìrishongngu na kìlalungngu na kɔ̀tɔllɔhagungngu na mesigi lɔga hinno :Tumu, Komoruya bere hinnongu na senno kɔtɔlɔmung :nɛa na tɛldi bhɛa nɛnɛ lɔmma diram.

2 Tɛsɛlongke 1:5

Ngalɔkta chɔllanɛnɛoye kumulɔng dhɔllanɛ lɔga kedhdho :Tumu hunde ɛl dibte. Na ale orrung :Tumu ke zuga challa na lɔmmung bhɛa nɛnɛ shɛɛ ke ngaya chɔllanɛnɛo lɔga gɛnyɛye.

1 Timotiyos 6:18

Na yogɛsɛ na kete zuga messɛa lɔga challa, na lɔmmɛa kɛngi chaldin na ɛanɛa zugo goore, na hinisi ujjonɛa na ajjinɛnɛa ko zugo aha.

2 Timotiyos 4:18

Na ale ngani ibbayseony lɔkte ku kuhu kodokkonde kumulɔng, na kɔyɛany shɛɛ na dokkɛany tumu tundɔ bhɛa lɔmɛa :nɛa zugo. Na diram any kete na nɛnɛ dhul ko kingi. Amen!

2 Timotiyos 4:8

Na chɔɔ mɛa garchua bo challa ale kɛ̀dhdhɛttanɛanyi ke bhɛa kanɛi hira ridhing ningginɛna, bɔɔ kòytogonyɔ kɔk. Na ale ajjany :Komoruyɔ kala ale kedhdhɛa lɔga zugony kumulɔng. Nɔng a hira ridhing ningginɛna kedhdho lɔgɔ dib. Na chɔɔ ale anye sɔng ngaajjanyo. Ale ajjɛ chɔɔ zukte reyɛ kolea wokkonɛa :nɛaye kumulɔng.

Yaykob 1:12

Hirre nyim lɔga kìllobɛaye, a tuhinɛ ke ngaya iriynɛnɛ na anɛ dhandaliye. Nɔng ale ajjɛ :Tumu basseya iho dhul ko kingi damiya bere bhiigɛsɛna zuga ibhɛsɛnɛa nɔng hinisi.

Yaykob 1:16

Ngagochonginyaa ganyde, ngakitabhtung :genne go!

Yaykob 1:19

Ngagochonginyaa ganyde, ga shigitɔ! Hunde dokkono lɔgɔye, chirara shɛɛ na tunggɛsɛ haalɛ. Shaw hung ngadharachinynyano na wologinɛno

Yaykob 1:9

Gochongge ku bhoyogi marrɛ :zuguye, hinisa nɛnɛ any kete hɔli ke ngaya dhɔngɛ :Tumu na anɛ hira boye.

2 Betiros 1:11

Na chɔɔ ale kàlammanung shɛɛ na kìgommogung bhɛa hɛyɛo gɔra Komoruya Na Yesus Kirisosi Ibbayseiy agge, lɔmɛa zugo dhul ko kingi na chɔɔ hirre kanyɛungu ninggɛ dhul.