Yaykob 1:4 - Suri Latin

⁴ Na hunde nyimbo lɔgɔ dirr na hinisi ngani ngakedhdhoo na yɛbhto Tumu dhulde, ngangaye teyo zuga ojjɛsɛno rɛhi hirimo na gao bho na lɔkte gɛrsi ngalɔmmoo.

Yaykob 1:4 Iomraidhean Croise

Matiyos 10:22

Na zugo kumulɔng ale marrungɛ ke ngaya yɛbhbhɛanyu anyeye. Na nɔng inde iriynɛ na yɛbhbhany anye ko bhee jagarɛ rɛsɛye, ale bassɔ.

Matiyos 19:20

Na nɔng tɛgayaa gina sɛɛsɛ, “Na kèe yɔk ngalɔkta kumulɔng bere kɛbhɛkka. Na gee ngani ɛllaganyɛ geleye a giyong?

Matiyos 5:48

Nɔng Baba nu iho tumɔ anna iho hurr ridhing ningginɛna dhul. Na ko igge te nganga.

Markos 10:21

Na Yesus gɔnyu hiri na teyelu na sɛɛsɛ, “A challi. Nɔng ahite dhɔnɛ ihhoginy gele ngani ihe. Na mɛa ok na dhuma ahaa lɔmi kumulɔng na tallɛy na ngɛrɛsɛ bhoyoga, na inye ale kɛdhdhɛttanniny :Tumu ahaa bo dhandala tumɔ. Na hunde mesu nganga na te ushaye, wo na kɔbhany anye.”

Yohanis 17:23

Nɔng ngaya kesenɛ ngangaye, a bhɛa kenɛi anye kɛllo ko yɔk na kanno dhɔnɛ na inye kɛ̀l ko anye na kan dhɔnɛ. Na mɛa aynɛ yɔk bhɛa anɛa dhɔnɛ dhul na zuga marrinyɛa kataga hunde bere ekkonony :inyo na chɔɔ ibhɛsɛn zuga kɔbhbhanyɛa anye hini damiya bere ibhbhagɛanyi anyeye.

1 Tɛsɛlongke 5:23

Na mɛa Tumu Komoruya yakkana ba chaldin, any keme lɔkte hin :nɛaye kumulɔng bhɛa nu na te zuga ridhing ningginɛna. Na Komoru Yesus Kirisos hunde ale kunde, kɛbhɛk kulyaa gu ko basseya lɔmmo :iggeu ko rɛhiya gu na kete ga bo ɛlla hurr kumulɔng.

2 Timotiyos 3:17

na zuga kachchɛa Tumu kɛtɛldi kɔk na kɛtɛhɛnɛ bhɛa mesɛa lɔga challa kumulɔng.

Yaykob 1:5

Na nɔng bhɛa nu hunde hir kona imag bhoye, any kogol Tumu na aynde ale kàjjɛ bhɛa gayɛa bhoye. Nɔng Tumu a Komoruya challa hini ngangɔayo ɛdhdhɛttana zugo lɔkke kumulɔng.

Yaykob 3:2

Agge kumulɔng kɛddɛ lɔga bo mɛra tii tii. Nɔng hirre kabh tuga nɛnɛ na lɔga gɛrsa ngayokkonoo dhulde, a hirre hɔl hurr ridhing ninggɛ na bhɛk rɛa nɛnɛ lɔkke kumulɔngge.

2 Betiros 1:9

Na nɔng hirre ngalɔkta ngamessoye, ngangaye a hira bho shɛɛ ngaorroo oo dhaa a hira kawarɛ chaga. Na chɔɔ lɔga gɛnyɛ gɛrsa hunde dha bere kòtonydo na mɛa i hurrte, dha bere dhinyɛsɛ sabba.