Yaykob 1:12 - Suri Latin

¹² Hirre nyim lɔga kìllobɛaye, a tuhinɛ ke ngaya iriynɛnɛ na anɛ dhandaliye. Nɔng ale ajjɛ :Tumu basseya iho dhul ko kingi damiya bere bhiigɛsɛna zuga ibhɛsɛnɛa nɔng hinisi.

Yaykob 1:12 Iomraidhean Croise

Lɔgɔ Sabba 22:1

Na koo Awuraham illobu ꞉Tumu na eliu na sɛɛsɛ, “Awurahame!” Na nɔng elɛɛ na seu, “Woy, kani nganda.”

Matiyos 10:22

Na zugo kumulɔng ale marrungɛ ke ngaya yɛbhbhɛanyu anyeye. Na nɔng inde iriynɛ na yɛbhbhany anye ko bhee jagarɛ rɛsɛye, ale bassɔ.

Matiyos 25:34

“Na nɔng Komoru ale senɛsɛn gaa ɛlla bhɛa nɛnɛ sɛtɛn, ‘Igge ngagiya bere tuhong :Babaa nanuye, hoya bhaga bhɛa lɔmɛungu :nɛa bere kɔdhdhanɛa bɛrgua ngani kèghendonɛa ba ko mɛa toye na ojjogungu kɔk.

2 Timotiyos 2:15

Na lɔkte mesiye kumulɔng mɛnyɛsɛ goore dhogoy na kɔgɔnyɛiny :Tumu ke hira ku kadhinyogiya bassa liya ngaamɛayo madhɛsɛna zugo lɔga ku dhere dib.

2 Timotiyos 4:8

Na chɔɔ mɛa garchua bo challa ale kɛ̀dhdhɛttanɛanyi ke bhɛa kanɛi hira ridhing ningginɛna, bɔɔ kòytogonyɔ kɔk. Na ale ajjany :Komoruyɔ kala ale kedhdhɛa lɔga zugony kumulɔng. Nɔng a hira ridhing ningginɛna kedhdho lɔgɔ dib. Na chɔɔ ale anye sɔng ngaajjanyo. Ale ajjɛ chɔɔ zukte reyɛ kolea wokkonɛa :nɛaye kumulɔng.

Yaykob 2:5

Ngagochonginyaa ganydeye, ga shiktonyuyɔ! Zuga aha ningginɛna bay ngaya ngayo gee bere bɛrrana :Tumu na kɔtɔlɔmɔ yɛbhaa bo dhandala na kɛsɛrɛ baa bere bhiigɛsɛna zuga ibhɛsɛnɛa nɔng hinisiye?

Yaykob 5:11

Nɔng igge gaoyɔ hunde zuga nyimmɛa lɔgɔ a tuhinɛye. Chɔɔ Iyob annaa bere guchcho lɔgɔ goore na chirbhiseo :Komoruyɔ na bassa. Nɔng Komoru a hira wonyɛsɛnɛa :zugu na chirbhiseo.

1 Yohanis 4:19

Nɔng Tumu annaa bere ibhagiyɔ hini sabbɔ, na aynde mɛa ko agge kìbhɛsɛn nɔng ko zugo hinisiye.