Yaykob 1:10 - Suri Latin

¹⁰ Na ko nɔng gochongge bu lɔ aha ku dɛlɛlɛyte, hinisa nɛnɛ any kete hɔli ke ngaya lachchanɛ :Tumu na anɛ hira chinynyoye. Nɔng ngahirra bu aha mɛrte heo ko kɛya hulno na ale uruttono.

Yaykob 1:10 Iomraidhean Croise

Matiyos 5:3

“Zukte iddirnɛnɛ Tumu lɔkke kumulɔngge a tuhinɛ, ke ngaya anɛ zuga lɔmma :Komoruya tumonyde.

Matiyos 6:30

Ngazukta Tumu goore ngayɛbhbhooye, na Tumu hunde a nganda ibhbhana lanya hulnɛa mogiyɔ, saniyɛa mɛa na rogonɔ amma go na ɛdhɛgisi ahaa malukkɛaye go, na anda igge kalda ruminyaa bo challa ngaɛdhɛgiseongo ɛnɛng?

1 Timotiyos 6:17

Na yogɛsɛ zukte aha mɛrte lɔgɔ na ngadhunggurrɛ na iddirnɛnɛ aha mɛrtin, ke ngaya ahaa kɔ̀lɔmma bay ngaya anɛ ga oddoniyɛa na garsɛa shaw hungge. Na yogɛsɛ na kiddirtɛy Tumu, Komoruya ɛdhdhɛttanniy lɔkke kumulɔng na ajjiy bhɛa hinisiya ga anɛa hɔli.

Yaykob 4:14

Yɔk lɔkte rogonɔ dokkonoye imaggoyɔ. Ga ɛlɛhɛnɛ lɔga basseyiya gu. Yɔk heo ko wanggaya korro na garsa mɛarrɛ.

1 Yohanis 2:17

Yɔk ngalɔkta ku kuhu messɛ :zugu bay ngayaye ko ga ku kuhu chirkannɛa :zugu, ale garsɛyɔ. Na yɔk zuga messɛa lɔga hinno :Tumu, ale kàjjɛ basseya iho dhul ko kingi.