Markos 8:12 - Suri Latin

¹² Na nɔng ɛsɛdhu lɔga ngazukta na yagɛsɛ hini na seu, “Ngangaye ngatenyda hinnɛ bhɛa senno kartɛ lɔkte barari kɛ ɔng? Ga shigitɔ! Chɔɔ lɔkte barar hinnɛ :yɔkku na kargite anye ngakɔdhɔlɛsɛnno dhul.”

Markos 8:12 Iomraidhean Croise

Matiyos 12:38

Na yɔk zuga kɔbhbhɛa damiya Bhɛrɛsi ko ga madhdhɛa zugo Damiya Tumu bere kàjjɛa Muse gena, seyɛsɛ Yesus, “Hira madhdhiy, agge kenno me lɔga barara gena na kàrtoyɔ.”

Matiyos 16:4

Yɔk tenyde ku kuhuyaga messɛ lollumoye a gee lamɛɛ bhɛa senno kartɛ lɔga bararaye. Na yɔk lɔkte barar hinnɛ :yɔkku na kargite anye ngakɔdhɔlɛsɛnno. Na kɔdhɔlɛsɛn lɔga bere messo :Tumu bhɛa Yonasi sɔng.” Na nɔng koo dhɔyu yɔk na ogo.

Markos 3:5

Na munyuɛsɛ ngazuktonu ke ngaya sabbi anɛ dhandaliye na gɔnyu ke hini chinydin tull na sɛɛsɛ hiri, “Ga ɔdh siyɔ se!” Na hiri ɔdhu siyɔ na siyɔ ɔdhɛ na bau.

Markos 6:6

Na bere iwachinɛna goore ke ngaya zuga baa nɛnɛ nɔng ngayɛbhɛoye. Nɔng Yesus bere woo ori toye ngonu na madhɛsɛna zugo lɔga Tumu.

Markos 7:34

Na dhɔngu kawarɛ tumɔ na yagɛsɛ hini na sɛɛsɛ hiri, “Ebhbhata!” (“Ebhbhata” a bhɛa kènɛa, “Oyɛ!”).

Markos 8:13

Na nɔng dhɔyu yɔk na irrɔgu gonggul na wagu yirisiyɔ tandɔ.

Markos 9:19

Na yagɛsɛ :Yesusi na sɛɛsɛ, “Ngatenyda Tumu ngayɛbhbhooye, ngangaye anye ale kàbhak kari dirr chɔɔ ore? Na lɔga gu ale kinyimi chɔɔ ore? Ga ayaganyu eri se!”