Markos 7:21 - Suri Latin

²¹ Yɔk lɔga bhonsanɛa hinisa hiriguny gena, a lɔga gɛrsa ku kuhu ɛsɛdhdha hinisɔ ko lollumoa messɛa :zugu ko ɔgɔrchamo ko zugo nisa

Markos 7:21 Iomraidhean Croise

Lɔgɔ Sabba 6:5

Na Tumu aru zugo hunde dɛmnɛ na hinisiya gɛ ɛsɛdhɛ kuhuyamo sɔngge.

Lɔgɔ Sabba 8:21

Na Tumu sabhu henua ahaa kuddulɛsɛna bo ɔngɔna hur hur na ɛsɛdhu lɔgɔ hinisɔ na seu, “Na chɔɔ ko hunde hiri a nganda lɔmmana kuhuyamo erimo ko bhee kɔɛ na jagarɛ anɛ buye, ngakalda wurtɔ hunde ɛddɛana lɔgɔye, ba sɛgɛn ngakɔchɔrio dhul. Na ko yɔk ahaa lɔmmɛa bassey ngadamita sɛgɛn ngakidhiiyo.

Matiyos 15:19

Bhee anɛ ngangaye a ngaya lɔga bhonsanɛa hinisa hiriguny gena anɛ ga ɛsɛdhdha :hiriyɔ ku kuhu, ko zugo nisa, ko lollumoa assanɛa :hiriyɔ tɛriya hiriguny oo assanɛa :tɛriyɔ hira lɔmma tɛri, ko lollumoa messɛa :zugu ko ɔgɔrchamo ko butomoa kàmagɛsɛna zugo ko zugo kedhdhaye.

Matiyos 9:4

Na nɔng Yesus tagu lɔga ɛsɛdhdhɛa :yɔkku na sɛɛsɛ, “Ngangaye lɔga gɛrsa hinisichinne ɛsɛdhdho kɛ ɔng?

Markos 7:20

Na koo tɔrɛ sɛgɛn na sɛɛsɛ, “Yɔk lɔkte gɛrɛ ku kuhu bhonsanɛ tuga hiriguny na messe, a gee ɛddɛɛ nɔng na lɔmmɛ ridhingge.”

Markos 7:22

ko lollumoa assanɛa :hiriyɔ tɛriya hiriguny oo :tɛriyɔ hira lɔmma tɛri, ko aha chirkan ko kuhuyamo ko bhɛa tabhɛsɛna zugo lɔgɔ ko liya ninggɛndina messɛa lollu lollu ko hini kɔchinɛna chɔlɔssɛa ahaa zugony ko zugo kedhdha ko rɛ dhɔnga ko dallemo.”

Zuga Kèkko 5:4

Huna ba ngani talliyɛayo, ngaanno na nunu? Na koo hunaa talliyɛuye, birinya ngaanno ga gunyu? Ngalɔkta bɔɔ hinisɔ ɛsɛdhi kɛ ɔng? Yee, inye zugo ngatabiyo ni. Dhaa tabi Tumu.”

Zuga Kèkko 8:22

Na mɛa inye ga ujjuk ngalɔkta bu gɛrɛse na waga gɔra Tumu na ogol nɔng. Kako ale ujjuk ngalɔkta gɛrɛ ɛsɛdhi ꞉inyo hinisɔye na sennaginy, ‘Any kagarayɛ.’

Tito 3:3

Nɔng agge bere sabbɔ kànna dalnɛ na kàmarra lɔga Tumu na itabhbhagiyɛa :zugu lɔga gɛrsa na kèmessoyɔ. Na kɛ̀hɛtta ko gaymanyaa chibbeyɛa :lɔga bo mɛra gɛrsa kìhinnono :aggeu na bhɛa kɔ̀dhɔyɛa ningginɛna. Na kànna ga bo kɔ̀chɔlɔssa ahaa zugony na kèmesso zugo gɛrrɛng gɛrrɛng na chɔɔ kàmarnɛna kɛngɔ na marriyɛa :zugu.

Yaykob 2:4

Igge hunde messo ngangaye, ngalɛlloo ba kɛngɔ na ɛsɛdhdhoo lɔga gɛrsa na lɔgɔ kedhdhoo gɛrrɛng?