Markos 6:6 - Suri Latin

⁶ Na bere iwachinɛna goore ke ngaya zuga baa nɛnɛ nɔng ngayɛbhɛoye. Nɔng Yesus bere woo ori toye ngonu na madhɛsɛna zugo lɔga Tumu.

Markos 6:6 Iomraidhean Croise

Matiyos 4:23

Nɔng Yesus bere woo baa Gelila kumulɔng na madhdha zugo doriyoa gɛ madhinɛnɛa lɔga Tumu, na kɔbhɛsɛna kamannaa challa ale lɔmɛa :Tumu zugo. Na chɔɔ bere ibbayseo zuga ilagassɛa mutanyoga bhiy bhiy ko ga chɔllaa bhoyɔ kumulɔng.

Matiyos 8:10

Na Yesus hunaa shikko ngalɔktaye, iwachɛɛ na sɛɛsɛ zugaa kɔbhbhanɛa nɔng, “Ga shigitɔ! Anye bhɛa zuga Isirayeli, hirre yɛbhbhany hunde ngahirraye kona ngani kàrro dhul.

Matiyos 9:35

Nɔng Yesus bere woo ori toye kumulɔng na madhɛsɛna zugo lɔga Tumu doriyoa gɛ madhinɛnɛa zuga Ayhudhi, na kɔbhɛsɛna kamannaa challa ale lɔmɛa :Tumu zugo. Na bere ibbayseo chɔɔ zuga ilagassɛa mutanyoga bhiy bhiy kumulɔng.

Markos 1:39

Na koo ogo na tɔɛ oriya ɛlla baa Gelila kumulɔng na madhu zugo doriyoa gɛ madhinɛnɛa zuga Ayhudhi lɔga Tumu ngonu na obhoniseo mɛnɛnga lɔmmɛa :zugu.

Markos 10:1

Na koo Yesus bana na dhɔyu ngonu na ogo baa Yudha ko baa iho Yordanosɔ tandɔ. Na zuga bo mɛra hoya na muknyɛsɛ nɔng sɛgɛn. Na nɔng madhu damiya taa nɛnɛ.

Yohanis 9:30

Na nɔng sɛɛsɛ, “Nɔng ngahirra wa oyoonyɔ kawarɛ, na igge ngaya imagɛo gɔrre kunɛ :nɛaye, kìwachiyɔ!

Zuga Kèkko 10:38

Na bɛrgua churɛa zugo ma, Tumu annaa bere uhudhdho Yesusa Nazireti Kuloya nɛnɛ na ajjɛa barartin. Na hande kɔɛye kumulɔng ɛlla ko nɔng na messo lɔga challa. Na chɔɔ ibbayseo zuga chibbo ꞉Moldoyɔ kumulɔng.