Markos 5:7 - Suri Latin

^7-8 Na sɛɛsɛ :Yesusi, “Ngamɛnɛngita bu gɛrɛse, bhona bhɛa ngahirra na ogo!” Na mɛnɛngi yogo lɔgɔ goore na sɛɛsɛ, “Eriya Tumua Ɔana Lɔgɔ Kumulɔng, Yesuse, ngangaye ko anye kɔ̀lɔmnɛ ɔng? Kɔtɔllɔhaginy sara Tumu, ngatiranyɛanyi!”

Markos 5:7 Iomraidhean Croise

Lɔgɔ Sabba 3:15

Na inye ko ngatɛrita ale annɛno mirɔkɔn. Na ko nɔng ashaya nunu ko na nɛnɛ ale annɛ mirɔkɔn. Na nɔng ale rɔnyiny sabbaa nunu. Na inye ale ngɛti tiinyoya nɛnɛ.

Matiyos 16:16

Na yagɛsɛ :Simon Betirosi na sɛɛsɛ, “Inye ani Kirisos, Eriya Tumu, Komoruya iho basseyɔ.”

Matiyos 26:63

Na nɔng Yesus dhiyɛ rib. Na gɔldanga bo doraa Tumu barara sɛɛsɛ nɔng, “Ga tɛngɛr Tumu, Komoruya iho basseyɔ, na dhugunogiy dib hunde ani Eriya Tumu ku Kirisose.”

Matiyos 4:3

Na Moldoy ko na sɛɛsɛ, “Hunde ani Eriya Tumu dhereye, ga sɛɛsɛ ngabɛnda na kɔbhɔdhtɛ ke amissɛ!”

Matiyos 8:29

Na mɛnɛnga yokto lɔgɔ goore na seyɛsɛ, “Eriya Tumue, ko agge kɔ̀lɔmnɛ ɔng? Wa kou na tiranyɛiy hunde kolea kàttiyɛiy agge ngani kugooye?”

Markos 1:24

“Ngahirra bere chillan Naziretɔ kènniny Yesuse, ko agge kɔlɔmnɛ ɔng? Ngangaye, wa kou na dhiyeytɔ? Nɔng anye kagainydɔ hunde ani hir inongge. Inye ani Hira Kullɛna Barara Bere ekkoninyi :Tumu.”

Markos 14:61

Na nɔng Yesus tɛu rib na lɔgɔ ngani ngayagɛsɛnno. Na gɔldanga bo doraa Tumu barara ghinu sɛgɛn na sɛɛsɛ, “Ngangaye inye ani Kirisos Eriya Tumu Komoruya Tuhinɛna chi dha?”

Markos 3:11

Na chɔɔ zuga tɔgɛsɛnɛa :mɛnɛngu bere hunde orrɛa nɔngge dhagɛa rɛhi ba bhɛa nɛnɛ jaa na yokkonɛa lɔgɔ goore na senɛsɛnɛa, “Inye ani Eriya Tumu.”

Markos 5:6

Na hunaa dharɛsɛna Yesus ko rɛnaye, ngea gɔra nɛnɛ na tɔgɔdhɛsɛ kɔmma.

Yohanis 20:31

Na yɔk ngalɔkta bere kɔ̀gɔdhdhɛsɛn ngadadabta toyeye, agga bere kɔ̀gɔdhdhɛsɛna na kènno yɛbhtɛ :iggeu bhɛa Yesus anɛa Kirisos ko bhɛa anɛa Eriya Tumu. Na hunde yɛbhbho nɔngge, aynde jɔanɛo basseya iho dhulde.

Zuga Kèkko 16:17

Na nɔng bere kɔbhiy agge ko Bhaulos na arra wuy na senno, “Ngazukta a zuga kachchɛa Tumu, Komoruya Bo Ɔnnɛna. Na yɔk madhdhagungɛ ganggua ibbayseo zugo lɔga gɛ gɛrsa!”

Zuga Kèkko 19:13

Na yɔk zuga Ayhudhi bere woyɛa na obhoniseonɛa mɛnɛnga bhɛa zugony ko yɔk gen se killobo bhɛa kobhonisionɛa mɛnɛnga sara Komoru Yesusi. Na se, “Ngasarra Yesusi madhinɛnɛ ꞉Bhaulosiye kesennagung bhonda!”

Zuga Kèkko 8:36

Na hunaa ngani hɛaye, dakta bhee lɔ ma. Na gulsa seu, “Yɔk ma a ngagiya ni. Na hunde kùchurrɛ, ahite kanyɛanyi ihe?”

Yaykob 2:19

Hunde barar Tumu sɔngge nɔng a nganda yɛbhiye. Na ngaya yɛbhɛye, a challi. Chɔɔ ko yɔk mɛnɛnga a ngagiya gaɛ na ɛngɛrsɛ na bharrittɛ tik tikte.

2 Betiros 2:4

Anye bhee kesenɛ ngangaye a ore go, chɔɔ Tumu zuga tumony ekko :nɛa, huna bere messɛa lɔga gɛrsa, annaa ngani kichirbhisiwao. Na ibhbhana na ujjugɛsɛna bolkua bo hɔrra iho tirr toye. Na ko mɛa ngani ɛl ngonu ko bhee ale anɛ kala kedhdhɛa :nɛa lɔga gɛ na attɛɛ.

1 Yohanis 3:8

Na nɔng inde me lɔga gɛrsaye a eriya Moldoyny ke ngaya Moldoy bere messonɛ lɔga gɛrsa kingi bɛrgua bere ngani kèghendonɛa baye. Na bhee bere kunɛ Eriya Tumu ba ngayaye, a ngaya se kusurranɛ lɔga messo :Moldoyɔye.

Yihudha 1:6

Na ga kàtta zuga ekko :Tumu bere irranɛa nɔng. Yɔk annaa bere dhɔttɛa buyna ajjɛa :nɛa ko hana gɛ bhakkɛa. Na koo chibbo :Tumu dhul ko kingi na ojjo mugurɔ ko bhee ale anɛ kala bo kedhdhɛa lɔga zugony kumulɔng.