Markos 3:7 - Suri Latin

^7-8 Na koo Yesus ko zuga kɔbhbhɛa nɔng ago chɔɔ yirisiya Gelila. Na zuga bo mɛra shigi lɔga messo :nɛa na kɔbhta nɔng na hoya. Yɔk ngazuktonu bere hony bhɛa nɛnɛye kumulɔng, bere honynyo baa Gelila ko naa Yudha ko naa Udhuma ko Yerusalemɔ ko oriya ɛlla Yordanosɔ tandɔ ko gaa ɛlla Tirosɔ ko Sidonagiye dheyyɔ.

Markos 3:7 Iomraidhean Croise

Matiyos 10:23

Na hunde kɔ̀gɔldagung ba konnɔ na kàhanggungɔye, jara ba konnɔ hung. Ga shigitɔ! Chɔɔ igge hunde oriya Isirayeli kumulɔng ngani tɔyɛo na dheytaoye, nɔng Hiri Hoynɛ ale kundɔ.

Matiyos 12:15

Na nɔng Yesus tagu lɔga ɛsɛdhdhɛa yɔkku na dhɔyu ngonu na sɛyɛ ko rɛna. Na zuga bo mɛra kɔbhɔ nɔng, na ibbaysiu gee ilagassɛye kumulɔng.

Matiyos 12:16

Na dagɛsɛ go na hunde a hir inongge zug gena ngayogɛsɛnɛ.

Matiyos 4:25

Na hunaa anna ngangaye, zuga bo mɛra hoya na kɔbhɔ nɔng. Yɔk ngazuktonu dha bere gena hony baa Gelila, gena hony baye kèe Ori Tɔmmɔn, gena hony Yerusalemɔ, gena hony baa Yudha, na gena hony baa iho Yordanosɔ tandɔ.

Markos 1:39

Na koo ogo na tɔɛ oriya ɛlla baa Gelila kumulɔng na madhu zugo doriyoa gɛ madhinɛnɛa zuga Ayhudhi lɔga Tumu ngonu na obhoniseo mɛnɛnga lɔmmɛa :zugu.

Markos 1:45

Na nɔng hiri lɔgaa kòyogɛsɛna na kènno ngayogi ngani ngashikko. Na hande kɔɛye kumulɔng, koo yogɛsɛ zugo lɔgaa ibbaysiyɛa :Yesusi. Na hunaa tewa ngangaye, Yesus bhee kɔɛ ɔr toye bhɛa zugo mɛra garu ke ngaya se ngakamargiyɛ :zuguye. Na tɛu ɔr dheyyɔ bhɛa zugo ningginɛna. Na chɔɔ ko hunde kɛtɛ ngonu, yɔk zugo bere honynyo surr hande bhakkɛye kumulɔng na assanɛa nɔng chi.

Markos 3:20

Na koo Yesus ogu dori konnɔ. Na zuga bo mɛra muktiyaa sɛgɛn na hoya. Na te ga bo mɛra na chɔɔ Yesus ko zuga kɔbhbhɛa nɔng bhee ammɛ amissɛ garu.

Markos 4:1

Na Yesus koo madhu zugo yirisiyɔ tugɔ sɛgɛn. Na zuga bo mɛra muktiyaa na hoya bhɛa ihɛa nɛa. Na nɔng irrɔgu gonggulde i yirisiyɔ tugɔ ngonu na isikkanɛ ko bhe chinyi yirisiyɔ toye. Na yɔk zugo kumulɔng bere chillɛa yirisiyɔ tugɔ ngonu.

Yohanis 7:41

Na yɔk gen se, “Nganda a Kirisos rɛ.” Na gen se, “Ay! Anda Kirisos Gelilagiye hudhukkinya ɛnɛng?

Yohanis 7:52

Na yɔk yaktɛsɛ na seyɛsɛ, “Ngangaye, inye ngaaniyo hira Gelila rɛ dha? Ga marak Lɔga Tumu shɛɛ na ko inye tak hunde Hira Yogɛsɛna Zugo Lɔga Dhugunono :Tumu Gelilagiye ale ngahudhukkinyaoye.”

Zuga Kèkko 17:10

Na barɔ zuga yɛbhbhɛa Yesus ittono Bhaulos ko Silasi Beriyagiye ke tiri. Na hunaa dokkɛa ngonuye, ago doraa madhinɛnɛa zuga Ayhudhi lɔga Tumu.

Zuga Kèkko 17:14

Na zuga yɛbhbhɛa Yesus ɛlla ngonu koo yoktɛsɛ Bhaulos ke tiri na ittono chɔɔ yirisi tugɔ. Na Silasi ko Timotiyos yɔk dhɔttɛ Beriyagiye ngonu.