Markos 2:2 - Suri Latin

² Na koo zugo muktiyaa na hoya na dori dhiyɛ dhik na chɔɔ tu kɛngɔ ngani ngahɛtinɛnɛo na bhee ɛlɛ :zugu garu. Na madhɛsɛ :Yesusi lɔga Tumu.

Markos 2:2 Iomraidhean Croise

Matiyos 5:2

Na nɔng tɔgɔdhay madha na dhugunɛsɛ lɔgɔ na sɛɛsɛ,

Markos 1:14

Na hunaa Yohanis kìbhta na kàytɛa doraa chibinuny na tewa ushaye, nɔng Yesus bana na ogo Gelilagiye na madhɛsɛ zugo kamannaa Tumu challa na sɛɛsɛ,

Markos 1:33

Na yɔk zuga orony kumulɔng dha bere mukkinya na ɛl tu kɛngɔ ngonu.

Markos 1:37

Na hunaa jɔanɛaye, seyɛsɛ, “Zugo kumulɔng lamienyɛ inye so!”

Markos 1:45

Na nɔng hiri lɔgaa kòyogɛsɛna na kènno ngayogi ngani ngashikko. Na hande kɔɛye kumulɔng, koo yogɛsɛ zugo lɔgaa ibbaysiyɛa :Yesusi. Na hunaa tewa ngangaye, Yesus bhee kɔɛ ɔr toye bhɛa zugo mɛra garu ke ngaya se ngakamargiyɛ :zuguye. Na tɛu ɔr dheyyɔ bhɛa zugo ningginɛna. Na chɔɔ ko hunde kɛtɛ ngonu, yɔk zugo bere honynyo surr hande bhakkɛye kumulɔng na assanɛa nɔng chi.

Markos 2:1

Na Yesus hunaa iho ngonu ungge muchugi na koo wokkono Kibirombe, shigi :zugu hunde dha bɔɔ waga na tɛu dori konnɔ ɔr toye ngonuye.

Markos 2:13

Na Yesus koo wagu chɔɔ yirisiya Gelila dhey sɛgɛn. Na zuga bo mɛra muktiyaa na hoya bhɛa nɛnɛ na madhu :nɛa.

Markos 6:34

Na Yesus hunaa bhonsana gonggulɔ na orro zuga bo mɛraye, towonydɛsɛ :zugu ke ngaya hɛt ko mɛdɛrniya hira iwoo ningginɛnaye. Na koo madhɛsɛ lɔga bo mɛra.

Zuga Kèkko 11:19

Na kala bere kùjjɛa ꞉Istibhanos na rɛsɛa, zuga yɛbhbhɛa Yesus dha bere kɔ̀gɔrrana na hangnɛ na bhassanɛ na gena hɛ Bhinkegiye ko Kobhorosɔ ko Ansokiyagiye. Na hunde hɛye, dha bere madhɛsɛnɛ kamannaa Yesusi zuga Ayhudhi sɔng.

Zuga Kèkko 14:25

Na Bhimbiliyagiye lɔ ɔrre kèe Bhɛrga na madha zugo lɔga Tumu. Na hunaa madhta na tewa ushaye, ago ɔrre kèe Ataliya.

Zuga Kèkko 16:6

Na Bhaulos ko Silasi se kago oriya ɛlla Isiyagiye na kamadhtɛsɛ zugo lɔga Tumu. Na yɔk taganyɛ ꞉Kuloya Tumu na ngaoreonu lɔgɔ ngamadhɛɛnɛ. Na yɔk dhɔyɔ na ago na dha oriya ɛlla Bhirgiyagiye ko Galatiyagiye.

Zuga Kèkko 8:25

Na yɔk hunaa yoktɛsɛa zugo lɔga bere orronɛa kawarre messo ꞉Komoru Yesusi na madhtɛsɛa kamannaa nɛnɛ na tewa ushaye, ago oriya ɛlla Samariyagiye na madhtɛsɛ zugo kamannaa challa gɔrɔ gɔrɔ na waga Yerusalemɔ.

2 Timotiyos 4:2

Madh zugo lɔga Tumu. Na chɔɔ ko hunde lɔgɔ kete dhandali oo ngaani, inye mɛdha tii na tɛ kɔk. Na oy hini ke bu dhogoy na zukte ɛddɛɛye, lɔgɔ madhɛsɛ haalɛ. Na gee lɔgɔ shɛɛ ngamessɛoye, woloktɔ. Na iriy na kɔbhɛsɛ lɔgɔ haalɛ na kɛbhɛgɛ shɛɛ.