ZEKHARIA 9:9 - Sumi Naga CL (Re-edited) Bible (BSI)

⁹ Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

BAIBEL (BSI)

⁹ Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

ZEKHARIA 9:9 Iomraidhean Croise

KUKAMI ATUGHIU 1:38

Ikehu achineu Zadok, tungkupu Nathan, Jehoiada nu Benaiah eno Kherethmi ngo Pelethmi no wuno akükau Davidw khurgha shou Solomon küghüqa no pa sasü Gihon lo wuve.

LESHELE 149:2

Israel pelo Pa Pulhoküsüu lau amlokiqi shipelo; Zion tianuli pelo pano kükau lau alokiqi shipelo!

LESHELE 2:6

“I kimthe toghi Zion lo I no I ghenguno Akükau süsüvae.”

LESHELE 45:1

Atsato kivi no I mlo lo qole ani; I no I lejo pesü akükau huthue; I mili ye akiyemi yesüta kutope aketoi ani.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 30:6

Negeb lo tüghashi akeqo shou pimhelu keu tsape. Judah lashikami no akümsapu-a, khile abongshuu, athicho pighi, eno yewukiche pighi ani keno ti kathasü khurha ngo sayeshi mqa lono aküakini xapu pano kuphu mlani kemi shiaye tsücheni.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

ISAIAH 40:9

O Zion, asütsa kivi shekushuu, naghuto kiqhe lo iqholo; O Jerusalem, asütsa kivi shekushuu, akumtoshi o sütsa süqhelo; vekipighi asheshulo, msa kevilo; Judah phughiqo vilo pilo, “Nongu Lhou julo!”

ISAIAH 43:11

I likhi no Ampeu ke, I nguno xakuluu kütau kühae.

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

ISAIAH 45:21

Sheshu no no chipiu tsa pilo; panongu dolo kighinikile pelo! Khuu no asheazü shi pikea? Khuu no khaghino sheshu kea? Ti ye Ni Ampeu noke kumo? I nguno alhou kütau kühae; I nguno amikucho Lhou eno Xakuluu khumu kühae.

ISAIAH 52:7

Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 62:11

Julo, Ampeu no ayeghi shekha kuto sheshuvae, Zion ngaqo vilo pilo, “Julo nonguw xakuluu ye cheni, julo, Pa no asaxü pecheni, eno Pa no xaphe luve kemi no Pa züu shino cheni.”

JEREMIYA 30:9

Ikemu panongu ye Ampeu pano Lhou, eno pano kükau David, I no pano ghenguno saputhu niye akeu huthu nani.

EZEKEL 21:32

Nongu ye ami lo süküghüpusü shive nani. Nongu ji no ayeghi lo pele nani. Nongu kümsüchilelu move nani, kughengu Ni Ampeu no piqhivae.”

HOSIYA 1:7

Ikemu I no Judah shiaye küpüqhiyi nani, eno Ni Ampeu panoqo Lhou no panongu xalu nani. Ni ye shexilika, azütakikihi, aghükishi, khurshi momu khurshimi vecheo xalumo nani.”

MICAH 4:8

Eno no, O ambeloji qoghe, Zion limi toghi, azüu kükaqha o lau ighi nani, Jerusalem limi ghenguno ayekipe ighi nani.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

ZEKHARIA 2:10

Alephe eno alovilo, O Zion limi, kughengu julo, I no ighi no nongu gholo xü nani, Ampeu no asheshu.

MATTHEW 1:21

Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

MATTHEW 11:29

Iw kuokhasü ikhipe xapulo, eno I launo shikalu lo, kughengu ni ye ivünhei eno aqhokighemi, eno nongu ngulho ghenguno nongu no akulhokiqhi ithulu nani.

MATTHEW 2:2

eno ighiju, “Jewmi kükau shiniye akeu khuu anileshi punu püani keno, anu hu khile ani kea? Kughengu ningu ye kipelau no pa yepu ipeghi keu ithulu kehu pa mlla nike ighi ani.”

Mark 11:7

Kughou pama no ti saghi no panoqow hebephi qhatsü keno, Jisü no khurha shou iqave.

Luke 24:27

Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

John 19:15

Panongu no ighamku, “Pa sawuve lo, pa sawuve lo, pa yedave lo!” Pilate no panongu vilo pi, “I no nongu Kükau yedaveni keshea?” Achinetomi no pi, “Ningu ye Caesar kumo aye akükau kühae.”

XAKUTHAMI 10:4

Pa ye anu 30 ache, panongu ye khurha 30 sasü iqhoiqi che, Gilead lo mishighüna shighi Havvoth-jair ipikeu ache eno ishi kutolo aje tishi kuchephi.