ZEKHARIA 9:8 - Sumi Naga CL (Re-edited) Bible (BSI)

⁸ Tishino I no aghukhemi toi I kilo ngokhe luve nani, tishianguno khunomu ipe-ilomo; nedaqoda kemi khunomu pano qhasü ighi kithemo nani, kughengu itehi ye I nhethi ampi no ithuluvae.

BAIBEL (BSI)

⁸ Ino iyeghi khepe ngo nani eno ghushimi pelo tipaulo iqho iqi pemo nani. Niye ayehpe kumthami pelo itaghi iwu timi qoda pemo nani. Iwu timiqo kishi aghime shive keno ino ithulukhavae.”

ZEKHARIA 9:8 Iomraidhean Croise

SAMUEL AKINIU 16:12

I lau akumou shive keu Ampeu no ithulu tsüno ishi paw ghukusho theli lo akivi pesü I tsüchile penie.”

KUKAMI AKINIU 19:34

Kughengu I je ghenguno eno I qeu David ghenguno, I no mishighüna hipau süshope xalu nani.”

KUKAMI AKINIU 23:29

Pa ghuloki lono Egypt kükau Pharaoh Neco no Assyria kükau lau Euphrates ghoki lo iqhoe. Akükau Josiah no pa sasü aghü shinike wukelo Pharaoh Neco no Megiddo lono pa ithulu kemtsa pithive.

KUKAMI AKINIU 24:1

Jehoiakim ghuloki lono Babylon kükau Nebuchadnezzar ighive eno Jehoiakim ye ampe küthü pa qholo ngove. Tithiu pa no hebidethu.

LESHELE 34:7

Ampeuw kungumi no Pa sümsa chekemi bothape acheni, eno panoqo xaphelu cheni.

LESHELE 72:4

Pa pelo kumlhomi chipiu süsho tsü kemi shipelo, aveküsami nuliqo xaphelu pelo, eno qhaküsümi qodaqhi pelo!

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

IPEKULU 3:9

Ikehu itehi julo, Israelmi ghügha I lau ighivae, eno aghime khipau pesü Egyptmi no panoqo qaqhi ani keno tighi I no ithuluvae.

AHOLE 3:25

Züleno shithüghüi keu momu kixikilami no kütsakungo ighi kelo khilemu msa kevilo,

ISAIAH 26:1

Tipa ghuloki lo Judah yeghi lono ale hipau phe nani: “Ningu ye aphughi kumto ani; aliwo eno sükusho-a toi Alhou no xakulupu pesü ni süshoke

ISAIAH 31:5

Aghau no yeiqho-iqi ache keshi, aqokitikhi MPEU no Jerusalem süshope anani eno xachilelu nani; Pa no ti pükhape püxü nani.”

ISAIAH 4:5

Tishino Ampeu no Zion Naghuto shou eno aqoahomi shou puchou no khüngküsü, puthou no amchhi ngo ami mili phuphushi pipetsü nani; Ampeuw sükusho no tipau juküvü kümtsü khonhape anani.

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

ISAIAH 52:12

Kughengu nongu ye mighimghai ipemo nani, eno nongu ye posü womo nani, kughengu Ampeu no nongu züu shino wunani, eno Israel Lhou no nongu thiuno khesasü wunani.

ISAIAH 54:14

Achipiu pesü no ye mtotoi lupe nani; No ye qhaküsü lono putosü nani kughengu no ye msamo nani.

ISAIAH 60:18

Ghiqhi heqhikeu sütsa ye nongu yeghi lo chilu kithemae; eno shiküpsa ngo kütsakungo keu ye no lughi lo chilu moae; nongu no now aliwoqo pesü Xakuluu ipi ku nani, eno now khaghoqo pesü Shekiqhe ipi nani.

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

JEREMIYA 46:13

Babylon kükau Nebuchadnezzar no Egypt kütsani ke chekeu vehu, Ampeu no tungkupu Jeremiah vilo pi:

JEREMIYA 46:2

Egypt ghenguno: Egypt kükau Pharaoh Necow ghüshimi Carchemish lo Euphrates ghoki phivilo ngo akemi khunoqo Babylon kükau Nebuchadnezzar no Josiah nu, Judah kükau Jehoiakim yepe mpe abidiu shiake lono leve keno tipaqo ghenguno:

EZEKEL 39:29

Kughou I no Israel kibolomi shou I ghungu lepukuni keno Ni ye panoqo launo khilemu I gi küsüve monani ipi Ampeu Alhou no asheshu.”

AMUS 9:15

I no panongu pesü pano yeghi lo shosü nani, eno panongu ye I no tsükeu yeghi lono itaghi khilemu nhüvemo nani,” Ampeu nongu Lhou no piani.

ZEKHARIA 12:4

Tipani, Ampeu no asheshu, I no khurshi kümtsü kichimamaive peno ti sakichemi pelo izüvuive penani. Ikemu I no ashiayeqow khurshi nhethi kighicheve tsüno Judah lagha ghenguno I nhethi tsükhope anani.

ZEKHARIA 12:8

Tipa tsalani Ampeu no Jerusalem lo küami süsho nani, tishianguno pano dolo miqemlei kemi no tipa tsalani David toi nani, eno David laghami no Alhou toi, eno AMPEUw kungumi no panongu züu wucheke toi nani.

ZEKHARIA 14:11

Eno timi no tile küghünauve nani, kughengu itaghi shishe kütsave peni keu xaküthaza ye khilemu ighi kithemo nani. Jerusalem ye sükusho auve nani.

ZEKHARIA 9:7

I no pa kichi lono aji luvetsü nani, eno ahu dolono aphikümqhüpu luvetsü nani; pa ghi ni Lhouw ghükulumi shive no Judah lo alagha lakhi toive nani, eno Ekron ye Jebusimi toive nani.

Apostolmi 7:34

Iw timi Egypt lo akeqo ghime I no mtsüqheino ithuluvae, eno panongu no igha kukuno akeu chiluvae. Ni ye panongu xaphe nike iqighivae. Itehi ighilo, I no Egypt lo o puwuni.’

Piyeküsü 20:9

Panongu no aqayeghi nhakhape chesü iqhoghi no küpülümi no achekeu-a, kimiyekiche phughi hu boluve, ikemu kungugha lono ami iqighi no panongu pitiqhive.