ZEKHARIA 9:7 - Sumi Naga CL (Re-edited) Bible (BSI)

⁷ I no pa kichi lono aji luvetsü nani, eno ahu dolono aphikümqhüpu luvetsü nani; pa ghi ni Lhouw ghükulumi shive no Judah lo alagha lakhi toive nani, eno Ekron ye Jebusimi toive nani.

BAIBEL (BSI)

⁷ Hinguno hilau panonguye aji pususu keu shi chumo nani momu lakha puakeu chuqupu chumo nani. Panongu gholono puxu puaghikemi kumtsu iwu timi gholo aqo shive nani eno Juda shiayeh gholo alagha lakhi toive nani. Jebusimi toi Ekron ghi iwu timi gholo lakhi shive nani.

ZEKHARIA 9:7 Iomraidhean Croise

YEKIKITHI ATUGHIU 1:14

eno Jebusimi, Amorimi, Girgashimi,

YEKIKITHI ATUGHIU 21:15

Pa no Jerusalem kütsave penike kungumi hapuwuve, ikemu tishi mphi lono Ampeu no ithuluve no küsakusho süchileve. Pa no kütsakungo akeu kungumi vilo pi, “Tino lumkhavae, itehi ye o u süchilevelo.” Kungumi huye Jebusimi Ornan niqa lo puthugho ae.

LESHELE 3:7

Ithulo, O Ampeu! I xalulo, O I Lhou! Kughengu Nono I ghümi kümtsü gimuchu lo ghatsüe; Nono kixikilami hu hela tsüe.

LESHELE 58:6

O Alhou, panoqo kichi lo ahu helave tsülo; O Ampeu, abongshuu lhothe hu akütsüghau helave tsülo!

ISAIAH 65:4

panongu ye akumona shou iqa, eno tuqhou-aqo lo puthotsü ngo cheni; panongu ye awoshi chu cheni, eno mithekumo shi kulhozü panow chithakhu lo ani;

JEREMIYA 48:47

Ikeghi hithiu tsala lo I no Moab ngukümgha tsüchile nani, ipi Ampeu no sheshu,” Hi no Moab shou küghakütha ke.

JEREMIYA 49:39

“Ikemu hithiu ye I no Elam ngukümgha tsüchile nani, ipi Ampeu no sheshu.”

JEREMIYA 49:6

“Ikemu hithiu no I no Ammonmi kinigha athoputho tsü nani, ipi　　 Ampeu no sheshu.”

AMUS 3:12

Ampeu no piani, “Ambekheu no abongshuu kichi lono apukhu kini momu akinibo tüxa hakholu keshi, Samaria lo Israelmi akeqo ghi amekusho lakhü acheku lakhi eno alüpa tüxa gholono hakholu nani.

ZEKHARIA 8:23

Aqokitikhi Mpeu no ishi piani: Tipa ghuloki lo shiye eno ashiaye kütüta lono timi chighi no Jewmi lakhi kuuphi tsüqü luve no pi nani, ‘Ni pelo o gholo wu pelo, kughengu Alhou ye o gholo anie pi nino chiluvae.’”

ZEKHARIA 9:6

mshomishimi no Ashdod lo küghünauve nani, eno I no Philistia qheküza kishekhave tsü nani.

ZEKHARIA 9:8

Tishino I no aghukhemi toi I kilo ngokhe luve nani, tishianguno khunomu ipe-ilomo; nedaqoda kemi khunomu pano qhasü ighi kithemo nani, kughengu itehi ye I nhethi ampi no ithuluvae.

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.