ZEKHARIA 9:16 - Sumi Naga CL (Re-edited) Bible (BSI)

¹⁶ Tipani Ampeu panongu Lhou huno Paw timi loji xalu nani; kükakütsüqho lo achiku toi panoqo no Pa yeghi lo vü nani.

BAIBEL (BSI)

¹⁶ Tipa tsala ighikelo, AMPEU no pawu timiqo xalu nani, tiye bherikheuno akumsapu lono pawu bheriqo xaluke toi nani. Akutsukuqho lakhi akughupu tu ake toi panonguye pa yeghi yepuvutsu nani.

ZEKHARIA 9:16 Iomraidhean Croise

LESHELE 100:3

Ampeu ye Alhou kepi ithilo! Pa no ningu Lhoke eno ningu ye Paw ke; ningu ye Paw timi eno Pa tsüni kümtsha-a lo ambeqo ke.

IPEKULU 28:21

Israel nuliqo je kiqi lono atu chighikini qhini. Tipaqo ye jedapu nguthi toi Israel shiaye chighikini ghenguno lakhikhi lo aje lakhikhi yepukuni.

IPEKULU 28:9

Onyx tu kini pesü tipau lo Israel nuliqo je yepuku lo,

ISAIAH 40:10

Julo, Ampeu Alhou no Pa kükakumto lono ayepe nike cheni; julo, Pa no xaphelu keu timiqo, asaxü shi ghi Pa no sasü cheni.

ISAIAH 54:12

O ki kütsüqa ye ruby tu pesü shitsü nani, ow khagho ye carbuncle pesü shitsü nani, eno o liwo ye kümtsü akughupu tu pesü mlatsü nani.

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

ISAIAH 60:3

Shiyeqo nongu küvü küdau ighi nani, eno nongu tsala kithe ipeche keu küdau kükami no ighi nani.

ISAIAH 62:3

No ye Ampeu ghakhu lo jukighilepu kütsükuqho lakhi shi nani, eno o Lhou yekipe lo kükakütsüqho shi nani.

JEREMIYA 23:3

Tileno I no ghükulumi aghakhu khile panoqo hapuwuve keno ti kümtsü lono hekütsü sawo pano lojilo qhinani, panongu ye pithi kighishe eno alau ikowo nani.

JEREMIYA 31:10

“Ampeu tsa inilo, O shiyeqo, eno putou azüghimkü lo küami vilo sheshulo; ‘Khuu no Israelmi kuthole keno Pa no xukumqo nani, eno ambekheu no aloji khe aketoi pano khekuto nani’ ipilo.

JEREMIYA 31:11

Kughengu Ampeu no Jacob xachile luvae eno pano nguno akumtomi u lono pa qhüchile luvae.

EZEKEL 34:11

“Kughengu Ampeu Alhou no ishi piani: Julo, I no, Ni ampi no I mbeqo phuwu nani eno panoqo juwu nani.

EZEKEL 34:12

Ambekheu no ambe hami pa gholo akelono apanaghave keqo phuwu ketoi, I no I mbeqo phuwu nani, eno khüngküsü ngo aküzü kutho tsala lo panongu no khile apanaghave keno tilau no I no panoqo xaphelu nani.

EZEKEL 34:31

Nongu ye I mbeqo ke, I tsüni kümtsha-a lo ambe timiqo ke, eno I no nongu Lhoue, ipi Ampeu Alhou no sheshu.”

MICAH 5:4

Pa no Ampeu küka eno Ampeu Pa Lhou je kükanguagha lono ithughi no Pa mbeloji kheu shi nani. Panoqo ye sükusho auve nani, kughengu itehi ye ayeghi shekichi kutolo Pa no akighiche shive nani.

MICAH 7:14

O küsü pesü Ow timi hejulo, O mheghi loji khunoqo thilishi aghasa lo xüani eno aghutu yeghi mta lo ani keno; panoqo pelo khaghi lo toi Bashan eno Gilead lo mzachu pelo.

ZEFANIA 3:20

Kughou I no nongu hekütsüni keno tileno I no nongu sasü kümtsa aki lo ighi nani; kughengu ayeghi lo ashiaye kümtsü gholono I no nongu je pipitsü eno sheqhe nani, ti ye I no nongu nhethe lono no küakini tsüchile kelono tishi nani,” ipi Ampeu no pi.

HAGAYI 2:23

Tipani, aqokitikhi Mpeu no asheshu, I no no ikhilu nani, O Shealtiel nu I qeu Zerubbabel, eno o pesü jedapu nguthi toi shitsü nani, kughengu I no o kisheluvae, aqokitikhi Mpeu no asheshu.”

ZEKHARIA 10:6

“I no Judah lagha shikumto nani eno I no Joseph lagha xalu nani. I no panoqo kimiyeqhiyi kehu panoqo saideghi nani, eno panongu ye I no mili püaghimo ketoi nani, kughengu Ni ye Ampeu pano Lhou eno I no panongu khochile nani.

ZEKHARIA 8:23

Aqokitikhi Mpeu no ishi piani: Tipa ghuloki lo shiye eno ashiaye kütüta lono timi chighi no Jewmi lakhi kuuphi tsüqü luve no pi nani, ‘Ni pelo o gholo wu pelo, kughengu Alhou ye o gholo anie pi nino chiluvae.’”

Luke 12:32

“Msa kevilo, O nongu amsa loji, kughengu ayekipeqha pesü nongu tsüni keu no nongu Papu lopue.

John 10:27

I mbeqo no I sütsa chilu cheni, I no panoqo ithi eno panongu no I pape cheni.