ZEKHARIA 9:11 - Sumi Naga CL (Re-edited) Bible (BSI)

¹¹ Iw puloshoqhi ji nongu sasü shikeu ghenguno I no azü kühakeu qokutho lono now akughumi khaqhi pheni.

BAIBEL (BSI)

¹¹ AMPEU no pi, “Ino nongu sasu puloshoqhi shikeulo aghashi keu ji pesu mekha puanike ghenguno, Niye nowu timi akughushi akeu lono qhaqhipheni, azu kuhakeu qokuchhu lono khaqhipheni.

ZEKHARIA 9:11 Iomraidhean Croise

SAMUEL AKINIU 13:13

I ghengu ye, ni ye akukujo no khila wuveni kea? O ghengu ye, no ye Israel lo tichetighepu mbomzümi toive nani. Tighenguno itehi kimiyeno akükau pütsa lo, kughengu pa ye I pesü o tsünike moe pimo nanie.”

YEKIKITHI AKINIU 7:17

Eno o ghengu ye, tsala o pu David no cheche ketoi, I no ayezah o tsü keqo nono pelu aye,

JOB 33:30

aqokutho lono pa saideghi no aküxüpu küvü no pa yepüvü luve peniye ke.

LESHELE 30:3

O Ampeu, Nono Kithigha lono I saipeghi; aqo lo ikiqi ilove keqo gholono Nono I küxü athoputho tsüe.

LESHELE 40:2

Pa no aküighüpu kuthoku lono eno anixoxo lono I sünhephe luno I pukhu pesü atuqu shou ghope qhitsü, eno I nepa mtotoi shitsüe.

LESHELE 69:33

Kughengu Ampeu no aveküsami tsa ini tsü cheni eno Paw timi akughumi jukünathave chemoe.

IPEKULU 24:8

Moses no aji ikhipe timiqo shou lepuku no pi, “Julo, hi ye Ampeu no atsa hipaqo kiqi lono nongu sasü puloshoqhi shikeu ji ke.”

ISAIAH 24:22

Akughumi toi panongu sawo aqokutho lo aqoshi qhive nani; panoqo pesü tilehi khatha püano ado kushuo thiuno ghime nani.

ISAIAH 42:22

Ikemu timiqo ye xüle puwuve kemiqo ke; Panongu ye akighipeqo lo khathasüpe ani, eno akughuki lo küsüpe qhivae; panongu ye xülepe khunomu xaphelu movae; panongu ye khetsüshi lakhi shivae eno khunomu panongu “athoputhotsü mlavae”

ISAIAH 42:7

anhethi kighichemi nhethi khaqhitsü nani, aküzü kughuki lo akughu shi akemi saipeghi nani; aküzü lo iqa akemi khaqhiphe nani.

ISAIAH 49:9

I no akughumi vilo pinani, ‘Ipeghilo,’ aküzü lo akeqo vilo pinani, ‘Ipeghive lo.’ Panongu no ambeqo alaghila lo achu kümza nani; eno qhemghaike-a kümtsü no pano chu kümza-a shinani;

ISAIAH 51:14

Aqhokighemi ye kighitheno khaqhi pheve nani; pa ye thive no aqo lo ilovemo nani, pa ye khilemu achuqupu mikheve monani.

ISAIAH 58:12

Mulho lono now kütsapinyive keu phughiqo ye shiqhe kithe nani; eno wovekeu tiqheli boqha ye itaghi shiqhe kitheve nani; nongu ye aliwo shikithe kemi, alaghila shikithe kemi kepi ku nani.

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

JEREMIYA 38:6

Ikehu panongu no akükau nu Malkhiah tughuko, akhemi bokütha lo akeu lo akighi pesü Jeremiah kighiti süve. Atughuko tipau lo azü kühano aniba likhi, ikehu Jeremiah ye aniba lo ilove.

DANIEL 2:29

nono alüpa lo ihozü akelo, O akükau, hipa shelo o lau kiu shiniye ani keno akükümsü tipaqo ighi, eno khuu no tuqhou küsü püakeu pephe piye cheni keno Pa no kiu shiniye ani keno o pelo ithivepe ake.

MATTHEW 26:28

kughengu hi ye timi kutomo xine qhitsü nike peleve keu Iw puloshoqhi ji ke.

Mark 14:24

Pa no panoqo vilo pi, “Hi ye kutomo ghenguno peleve niye puloshoqhi shikeu I ji ke.

Luke 16:24

Pa no ighamku, ‘Apu Abraham, I kimiyekütü tsülo, ni ye ami no piti keu ghime puqhemla no anike Lazarus puwu no pa uloti no azü lo chosü püzü I mili dikumko tsü pelo.’

Luke 22:20

Titoi panongu no chuve kethiu pa no ajukhu ikhilu no pi, “Ajukhu hipau nongu ghenguno peleve tsü akeu ye I ji lono puloshoqhi kithe shi akeu ke.

Luke 4:18

“Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

1 Kor. 11:25

Tipaphi lono aghulhu thiu Pa no ajukhu ikhilu no pi, “Ajukhu hipau ye I ji pesü puloshoqhi kithe shikeue. Nongu no hi shoke kümtsü lo I kümsüchilelu ghi hi shilo.”

ZAKINIU 5:31

Ikemu no, Moses, ye hile I phivilo puthugho lo, o pelo panongu shika penike I no azakütsü, akhuaye, eno pimheye kümtsü o vilo pini, tishianguno I no tsü akeu yeghi lo panongu pelo tipaqo pelu peni.

IBRIMI 10:2

Akümllami xine ghuthu khavino shikimtheve tsüke aye, panongu ye axine shipüa keu kümsüpu move no aghakishi kümtsü qhiveni cheke kumo?

IBRIMI 10:29

Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

Piyeküsü 20:3

aqo lo vesüve, eno tipau khaveno mekhave, tishianguno ampe qhethonhe kutolo pa pelo shiye jeliqo pishiqhi pemo niye ke. Ti kupuve kethiuno ado kitila pa kuqhophe masa nani.