ZEKHARIA 8:3 - Sumi Naga CL (Re-edited) Bible (BSI)

³ Ikehu Ampeu no piani: Ni ye Zion lo ideighivae eno Jerusalem lo ngouve nani, Jerusalem ye pükhükulupu mishighüna, eno aqokitikhi MPEUw naghuto, akimthe naghuto ipi ku nani.

BAIBEL (BSI)

³ Niye Jerusalem, ikimthe phughilo ideighi nani eno tile anani. Tiye pichebekulu phughi ipi ithipe nani eno Aqokitikhi MPEU toghiye akimthe toghi ipi ku nani.

ZEKHARIA 8:3 Iomraidhean Croise

LESHELE 2:6

“I kimthe toghi Zion lo I no I ghenguno Akükau süsüvae.”

LESHELE 48:1

Ampeu ye kije eno ningu Lhouw mishighüna lo shishe no sheqhe kepue! Pa kimthe naghuto,

IPEKULU 29:45

I no Israelmi gholo anani eno panoqo Lhou shi nani.

ISAIAH 1:21

Pükhükulupu, kuchou xakütha no chhitoi keu phughi ye kishino kütüqhalimi ilhouve akelae! Ghuthu lakhi loye amikuchomi no tile ache ikemu itehi ye ghikiqhimi no auvae.

ISAIAH 1:26

Azüu toi I no now xaküthami tsüchileni, eno abothu lo toi now mijekütsümi tsüni. Tithiu no nongu pesü amikucho, pükhükulupu phughi ipi kutsüni.”

ISAIAH 11:9

Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 32:16

Tishino kuchou xakütha no asayeqha lo auve nani, eno achipiu mikucho no aghüma luza lo auve nani.

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

ISAIAH 65:25

Atine ngo ambe no kümtsa chu nani; abongshuu no amishi toi aghijini chu nani; eno ayeghimkhu no apighi chuqupu shi nani. Iw akimthe toghi lo panongu ye ghüza kile momu kütsakile monani,” ipi Ampeu no piani.

ISAIAH 66:20

Panongu no aghakhu kümtsü lono nongu thiküzümi akümllagho Ampeu tsükeu shi ghi sasü ideighi nani. Panongu no tipaqo sasü I kimthe toghi Jerusalem lo ighi nani. Eno Israelmi no athi kümllagho bohu kimthe lono Ampeu kilo pesü ighike toi, timi hipaqo ye khami no khurshi shouno, khami no khurkulu shouno, khami no tinhemgha puche keu shouno, khami no khurgha shouno, khami no sayeshi shouno ishi xapusü ighi nani, ipi Ampeu no piani.

ISAIAH 8:18

Julo, ni eno atianuli khunoqo Zion Toghi lo achekeu aqokitikhi MPEU no I tsü keno, ningu ye Israel ghenguno Paw michipu eno xüakeu thopi ke.

JEREMIYA 14:9

No ye kushiye timi lakhi no avehu izüveke toi, xamlani keu ghütomi toi ani kea? Ikeghi, O Ampeu, No ye ni gholo ani, nino O je ku anike ni qhivetsü kevilo.”

JEREMIYA 26:18

Moresheth lo Micah no Judah kükau Hezekiah ghuloki lono Judah lo timi kümtsü vilo tungkuptsa ishi pi: ‘aqokitikhi MPEU no ishi piani, “‘Zion ye alu toi hokide nani; Jerusalem kütsalepe amoqhe puku nani, achineki toghi ye aghasa shive nani.’

JEREMIYA 31:23

Aqokitikhi MPEU, Israel Lhou no ishi piani: “I no panongu kinigha athoputho tsükelo, panongu no itaghi ghuthu lakhi atsa hipaqo Judah yeghi eno mishighünaqo lo peitha nani: “‘O achipiu mikucho ghüna, O akimthe toghi, Ampeu no o kümghatsü peniu!’

JEREMIYA 33:16

Tipa tsala lo Judah ye xaluve nani, eno Jerusalem ye sükusho lono xülu nani. Aje hipau pe ishi ku nani: ‘Ampeu ye ni chipiu mikuchoe.’

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”

DANIEL 9:16

“O Ampeu, O mikucho kümla kiqi lono Jerusalem, Ow mishighüna, O kimthe toghi lono O mlokighide eno O loghu tsüghüve tsülo, ni xine eno ni puasüqo kipimi ghenguno Jerusalem eno Ow timiqo ye ningu sühope akemiqo kümtsü zülo küthakügha shivae.

JOYIL 3:17

“Tileno nongu no Ni ye Ampeu no Lhou, I kimthe toghi Zion lo achekeu pi ithi nani. Jerusalem ye akimthe shinani, eno inaghami ye khilemu itaghi tipau le kithemo nani.

JOYIL 3:21

Aji peleve keu mkhü Ni ye lumphi ke I no amkhü lunani, kughengu Ampeu ye Zion lo anie.”

MICAH 4:1

Ashekha tsala lo hi ighi nani Ampeu ki akeu naghuto ye, kümtsü gholo akiqheu shive nani, eno atoghiqo nguno akiqheu shi ikhiqhe nani; ashiayeqo no tile chokive ighi nani,

ZEFANIA 3:13

Israel lo ghülu keqo ye achipikumo xakütha shimo nani eno akimki tsa pimo nani, momu pano kichi lo pishikiqhi mili ithulumo nani. Panongu no chuno ihozü nani eno khunomu pano kichimo nani.”

ZEKHARIA 1:16

Tighenguno, Ampeu no pi, Ni ye küpükini pesü Jerusalem lo ideighivae; I ki ye tileno shiqhe pukuni, eno akimghi süta pesü Jerusalem kuchopu mighi nani, aqokitikhi Mpeu no asheshu.

ZEKHARIA 12:6

“Tipa tsalani I no ami kuchughei hipe asü dolo sükeshi Judah laghami pesü aghijini pholo akulu küqüsü nani. Eno panongu no hokümxa lo ashiaye ajeu ngo piyiu akeqo kümtsü kütsave no Jerusalem ye itaghi tipa-a lo küghünauve nani.”

ZEKHARIA 14:10

Geba lono Jerusalem apeu Rimmon kutolo ayeghi kuchopu külaqave nani. Ikemu Jerusalem ye Benjamin khagho lono azüu khagho-a, Acheku Khagho kutolo, eno Hananel qoghe lono akükau tsaithi qocheke-a kutolo, chuqumghai pa-a lo anani.

ZEKHARIA 8:16

Nongu no thime hipaqo shilo: Lakhino lakhi lau kuchou tsa pilo; now khagho lo xakütha kiu no achipi keno tsülo eno külakishi ghenguno mlalo;

ZEKHARIA 8:19

“Aqokitikhi Mpeu no piani: Judah lo küami ghenguno aqhi abidiu, apunguu, akütsüniu eno achighiu lo kümvü keu ye alokivi, amlokiqi eno alophalei keu ghulhuqo shi nani. Tighenguno kuchou eno külakishi kimiyelo.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

Kolosiami 2:9

Kughengu Khristo lolo Alhou lhoaye kuchopu kupukülai ani,

Piyeküsü 21:10

Aghungu no I peitha luve no kungumi huno naghuto kuloghi chuqumghaike lakhi lo I xapusü wu, eno akimthe phughi Jerusalem kungugha lo Alhou launo iqi chekeu I piye,

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.