ZEKHARIA 8:19 - Sumi Naga CL (Re-edited) Bible (BSI)

¹⁹ “Aqokitikhi Mpeu no piani: Judah lo küami ghenguno aqhi abidiu, apunguu, akütsüniu eno achighiu lo kümvü keu ye alokivi, amlokiqi eno alophalei keu ghulhuqo shi nani. Tighenguno kuchou eno külakishi kimiyelo.

BAIBEL (BSI)

¹⁹ “Aqhi abidiu, apunguu, akutsuniu eno achighiu lo kumvu chekeu huye Juda lo akemiqo ghenguno alokivi eno alokiqipu tsala shive nani, eno alakishi kupukimiye masake.”

ZEKHARIA 8:19 Iomraidhean Croise

KUKAMI AKINIU 25:1

Zedekiah yepe mpe atokuu aqhi achighiu eno atsala achighiu lono Nebuchadnezzar no paw ghüshimi kümtsü sasü ighi no Jerusalem lethuve no khasü luve. Panongu no ti homxa aqoghe shipukuve.

KUKAMI AKINIU 25:25

Ikemu aqhi akütsüniu loye kükami lagha lono ighi kemi, Elishama nu Nethaniah nu Ishmael no pa gholo timi chighi sasü Mizpah lo ighi no Gedaliah ghiqhive eno pa gholo Jewmi ngo Chaldeami akeqo ghi pithive.

ESTHER 8:17

Aphughi kümtsü lo khile akükau yezah ighi keno, tile Jewmi dolo amlokiqi eno alokivi, aghulhu eno tiqhetini shi. Eno aghakhu lo timi kutomo no panongu ghi Jewmi kepi shuphe, kughengu Jewmi kümsa no panongu shou ikughive ke.

ESTHER 9:22

ti ye Jewmi no aghümi launo akulhoqhilu keu tsala, panongu mloghime pesü alokivi shilu keu, eno amloksa lono akulhokiqhi ithulu keu tsala shi ghi panongu pelo aghulhu eno alokivi shilu, achuqupu pesü kumlhomi lau eno lakhino lakhi lau tsükilelu peniye ke.

LESHELE 30:11

Nono I mloghime pesü alokivi kighilhe shive tsüe; Nono Iw yeqhiyephi ikhiluve tsü, eno alokivi pesü I puuke,

LESHELE 34:15

Ampeu nhethi ye amikuchomi shou jupuku cheni eno Pa kini no panoqo ghügha chilu tsü cheni.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 51:11

Ampeu no xachilelu kemi ye ideighive nani eno Zion lo ale phesü ighi nani; Panongu ye pülhapuju alokivi shiche nani; panongu ye alokiqi eno alokivi ithuluve nani, eno amloküsa ngo amlo ghime ye pano launo wuve nani.

JEREMIYA 36:6

tighenguno nono wuni, eno kümvü ake tsalani Ampeu ki lono timi kümtsü no chikulupu shi Ampeu tsa I no mije tsükeu liküküzü kaku lono phisüni. No ye Judah lo mishighünaqo lono ighi kemi no chikulupu shi phisüni.

JEREMIYA 39:2

Zedekiah yepe mpe chighiaqhaqhiu, aqhi abidiu atsala atokuu shiake lono aliwo hepho iloghive.

JEREMIYA 52:4

Zedekiah yepe mpe atokuu, aqhi achighiu, atsala achighiu lono Nebuchadnezzar no paw ghüshimi kümtsü sasü ighi no Jerusalem leighi no khasü luve. Panongu no aqoghe shipukuve.

EZEKEL 18:8

akighishe lono pünamo momu ala kiumu lumo, achipikumo lono pa u süchile luve, timi dolo kuchou xakütha shitsü,

EZEKEL 24:1

Atsala achighiu, aqhi achighiu ampe atokuu lo Ampeu tsa I lau ighi:

ZEKHARIA 7:3

eno aqokitikhi Mpeu chineki lo achinemi ngo tungkupmi vilo pipe, “I no ampe kutomo shi ighive ketoi ni ye aqhi apunguu lo mloqa eno kümvü akepu kemo kea?”

ZEKHARIA 7:5

“Aghakhu lo timi eno achinemi vilo pilo, ‘Kughou nongu no ampe lhotsüni kutolo aqhi apunguu eno akütsüniu lo kümvü eno mloqa keno, nongu ye I ghenguno kümvü keshea?

ZEKHARIA 8:16

Nongu no thime hipaqo shilo: Lakhino lakhi lau kuchou tsa pilo; now khagho lo xakütha kiu no achipi keno tsülo eno külakishi ghenguno mlalo;

ZEKHARIA 8:18

Aqokitikhi Mpeu tsa I lau ishi ighi,

ZEKHARIA 8:3

Ikehu Ampeu no piani: Ni ye Zion lo ideighivae eno Jerusalem lo ngouve nani, Jerusalem ye pükhükulupu mishighüna, eno aqokitikhi MPEUw naghuto, akimthe naghuto ipi ku nani.

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.