ZEKHARIA 7:14 - Sumi Naga CL (Re-edited) Bible (BSI)

¹⁴ “I no miyitsü lono panongu pesü pano no mthakeu shiyeqo dolo kutholeve ke. Ikehu panongu no qhive keu yeghi ye küghüküghaleive, tishikeu lono khunomu tile nesü move, eno aghüche kivi yeghi ye küghüküghaleive.”

BAIBEL (BSI)

¹⁴ Pasapagha toi ino panoqo jole pesu inaghami yeghilo auvepe. Ikehu aghakhu kivi hipauye kughukughalei keu-a shive eno khunomu tilehi kughunamove.”

ZEKHARIA 7:14 Iomraidhean Croise

YEKIKITHI AKINIU 36:21

Ampeu no tungkupu Jeremiah vecheo pi püakeu shikupu ghi ampe lhotsüni kupu moke kutolo, aghakhu no Sabbath kulhokiqhi ithulue; pighive keu do kupuju yenguyive.

LESHELE 58:9

Panongu no mtha aphi lono alupi toi nhüve cheni, Panongu no xü aphi lono Pa loghu no fupe wuve nani.

ISAIAH 17:13

Shiyeqo no azüghi kumto ghügha toi igha ani, ikemu Pa no sakiyi kelo panoqo no kushuo lo kuhave nani, amülhü no amuu fupe chekeshi eno pasapagha zülo ayeghimkhu toi Pa no hapupo nani.

ISAIAH 21:1

Azüghi phivilo asayeqha akeu ghenguno pimhelu keu tsape. Miyitsü no Negeb qha jole ighi keshi, asayeqha lo kümsa kimshipu yeghi lono aghümi cheni.

ISAIAH 60:15

Nongu ye peve eno jumithive kemi shi ache, eno khunomu nongu katha moke, ikemu I no nongu shou akükanguagha pukutsü nani, eno tiqheli-tiqheli kupuju alopivitsü nani.

ISAIAH 66:15

Julo, Ampeu ye ami lono ighi nani, eno Paw khurkulu ye amülhü fuchighi ketoi ighi nani, Pa loghu puku nani, eno ami mili lono Pa no sakiyi nani.

JEREMIYA 12:10

Ambekhemi kutomo no I tsailu kütsavae; panongu no I lu qolevae; I no amloqi chekeu lu panongu no yenguyi qhive tsüae.

JEREMIYA 23:19

Julo, AMPEUw pasapagha! Aloghu ye miyitsü pasapagha toi cheni; tino kixikilami kütsü shou no mpale nani.

JEREMIYA 30:23

Julo, AMPEUw pasapagha! Aloghu ye miyitsü pasapagha toi cheni; tino kixikilami kütsü shou no mpale nani.

JEREMIYA 36:19

Hiyampemi no Baruch vilo pi, “Wulo eno Jeremiah nokujo ye itshüve lo, timi khuu pelomu nokujo khile ani keno ithipe kevilo.”

JEREMIYA 44:6

Tighenguno I loghu eno mlo kighide no Judah lo mishighünaqo shou eno Jerusalem laghila lo pukue, ikehu ishi kutolo ixapinyi eno pighivae.

JEREMIYA 5:15

Julo, I no putou no shiye lakhi sasü o lenike ighini, O Israel kibo, ipi Ampeu no asheshu. Hi ye kutuukulu shiye; mulholo shiye, nongu ye shiye hipau tsa mtha momu pano no kiu pi keno nongu ye vethamla nani.

JEREMIYA 52:30

ampe muku aküthüu lono Nebuzaradan no Judah lo timi 745 sawuve tsü; kümtsü küqha kelo timi 4,600 sawuve tsüe.

EZEKEL 12:19

Ayeghi hipau lo timiqo vilo pilo, Ampeu no Israel yeghi lo Jerusalem lo küxümi vilo ishi piani: Panongu no kütakihi panow sho chunani, eno aghüthisü azü yenani. Hipa ghola lono li yeghi lo akeu thime kümtsü xaleve tsü nani, ti ye hipau lo küxümiqo no heqhi buqhi keu ghenguno ke.

EZEKEL 22:15

I no shiyeqo gholo nongu kutholeve nani eno aghakhuqo lo nongu hale puwuve nani, eno I no nongu mithekumo kishekhave tsü nani.

EZEKEL 5:10

Tighenguno apunoqo no pano nuli shi chu nani, eno anuliqo no pano papuqo shi chu nani. I no aghime nongu lau süghi nani, eno nongu khukhumu xülu keu ye I no amülhü la lo hale puwuve nani.

DANIEL 8:9

Tipaqo dolo akibo aghulo lakhi ipeghi, tipau ye apeu küdau, kipela eno ajuküvü yeghi küdau shishe kije shi thuipeghive.

HOSIYA 9:17

I Lhou no pano milive nani kughengu panongu no Pa tsa initsü move ake; panongu ye shiyeqo gholo kupokichemi shive nani.

JOYIL 2:3

Ami no panoqo züuno piti eno ami mili no pano thiuno iqü. Panoqo zülo ayeghi ye Eden ghutu toi ikemu pano thiu ye küghüküghaleike sayeqha toi kiunomu tipaqo zülo povemlae.

ACHINE 26:22

I no nongu lau tüghashiqo puwu no tipaqo no nongu tianuli, atsüaqu kütsave nani, eno nongu ye timi aghulo likhive nani, nongu laghiqo ye yenguyive nani.

ACHINE 26:33

I no nongu shou azütakikihi süghi no shiyeqo gholo nongu kuthole puwuve nani. No ghakhu eno aphughiqo ye ixapinyi küghüve nani.

AMUS 1:14

Tighenguno I no Rabbah liwo shou ami süvetsü nani, eno tino liw sükusho-aqo pitileve tsü nani, aghüshi tsala lo toi ighamku nani, pasapagha lo miyitsü toi nani;

NAHUM 1:3

Ampeu ye asheshino amloide cheni eno aküka kuloghi, Ampeu ye khilemu pimive keu phepuwuve chemo. Pa laghi ye miyitsü eno pasapagha lo ani, eno khüngküsü no Pa pukhu lo ayeghimkhu ke.

HABAKUK 3:14

Tuqhouno kumlhomi pishiqhini ye alovi ake toi, khuu no I haleveni ye miyitsü toi ighi keno, Nono pa piji pesü paw ghüshimiqo kütsü lo chhesüve tsüe.

ZEFANIA 3:6

“I no shiyeqo ghitha pevae; pano ghukhe-aqo ye kütsavae; pano laghila ye kümsa shive no khunomu tipaqo lo püla movae; pano phughiqo ye pighive no milakhimu küghüna movae.

ZEKHARIA 2:6

Ithulo! Ithulo! Ahuu yeghi lono povelo, Ampeu no asheshu. Kughengu I no atsütsü lo ako bidi mülhü toi nongu apanagha haleve ke, Ampeu no asheshu.

ZEKHARIA 8:1

Aqokitikhi Mpeu tsa ighi eno pi,

ZEKHARIA 9:14

Tileno Ampeu no panongu lau ipeghi nani, Pa piji no tsütsüpha toi ighi nani; Ampeu Alhou no afuko küigha nani eno apeu miyitsü lono ighi nani.

ZAKINIU 28:33

Nongu no akaveshi tüxatini mlaphe keu kümtsü nongu no ithimo keu shiye no luvetsü nani, eno nongu qodaqhi kijipüsa nani,

ZAKINIU 28:49

Alhuqu no yeiqighi keshi, ayeghi shekhau no Ampeu no shiye lakhi nongu shou saghi nani, nongu ye pano shiye tsa vethamla nani.

ZAKINIU 28:64

“Ampeu no ayeghi halau no halau kutolo ashiaye jeli gholo nongu apanagha haleve nani, eno tilau nongu ye asüatu lhou, khikhi nongu na no puasüqo namu mtha keno, tipaqo mllauve nani.

ZAKINIU 4:27

Ampeu no ashiayeqo gholo nongu kutholeve nani, eno khuno shiye lau nongu hapuwuve akeno tipaqo gholo nongu ye aghuloshi likhive nani.