ZEKHARIA 6:12 - Sumi Naga CL (Re-edited) Bible (BSI)

¹² Eno pa vilo pilo, ‘Aqokitikhi Mpeu no ishi piani, “Khuu je no Aloka keno, julo: pa ye pa-a lono aloka qüpuwu nani, eno pa no Ampeu chineki shiqhe nani.

BAIBEL (BSI)

¹² Pa vilo Aqokitikhi MPEU no pikeu pesu ishi pilo, ‘Timi khuu Aloka ipi kucheni keno paye pano khile ani keno tilehi no kinikulu shi nani eno pano AMPEU chineki shikithe puku nani.

ZEKHARIA 6:12 Iomraidhean Croise

SAMUEL AKINIU 7:13

Pa no I je lono aki shiqhe nani, eno I no alhokupuju pa kükalakhü iqhikumto tsü nani.

EZRA 3:10

Kughou akümlami no Ampeu chineki boqha qhaluve keno, achinemi no panongu phimini pepuve no afuko pesü azüu ipeghi, eno Levimi Asaph nuliqo no küghapayi pesü Israel kükau David mijekütsü kiqi lono Ampeu sheqheni ke ighive.

EZRA 3:8

Panongu no Jerusalem lo Alhou kilo ighike mpe akiniu, aqhi akiniu lo Shealtiel nu Zerubbabel ngo Jozadak nu Jeshua pama no pano laghami, achinemi, Levimi eno khunoqo akughu lono Jerusalem lo ideighi keno panoqo sasü achineki huthu. Panongu no Levimi, ampe muku nguno kunguu shive keqo Ampeu ki kümla lo jukütsü penike süküsü shi.

ISAIAH 11:1

Jesse süzüngü lono akhuni ipeghi nani, eno pa kuhu loka lono axathi pithi nani.

ISAIAH 4:2

Tipa tsala lo Ampeu pishe-amzü ye jukivipu eno ajuküvüpu shi nani, eno ayeghi lo axathi ipeghi keu no Israelmi ghükulumi kijivile eno agigihupu shilu nani.

ISAIAH 53:2

Kughengu pa ye Alhou zülo asübo khuni lakhi toi thuwu, eno qhaike yeghi lo akuhu qüsüpe aketoi keu ke; Pa ye kogheküghü momu akükanguagha kiumu kühake, kiu lonomu Pa jukepu kühae; momu jukivipu kiumu kühake, pa mine akepu kiumu kühae.

JEREMIYA 23:5

“Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

JEREMIYA 33:15

Tipa tsala eno aghuloki lo David ghenguno amikucho Loka lakhi I no ishe ipeghi penani, eno pa no ayeghi lo achipiu eno amikucho xakütha shinani.

EZEKEL 37:25

I no I qeu Jacob tsükeu yeghi, khile nongu puasüqo no xüche keno nongu no tile küghüna nani. Panongu eno pano tianuli ngo atilimi no tilehi alholo küghüna acheuve nani, eno I qeu David no alholo panow kükapuu shive nani.

EZEKEL 41:1

Tithiu pa no achineki lo aküpüla la lo I sailo eno ahukikhaqo mighiju. Ako lakhikhi lo ahukikha ye akijelau auxakuchho tsügho aghi.

AMUS 9:11

“Tipani David pushonha khikhi ikiqive keno I no ikhiqhe nani, tipau kighipeqo pukho kithe eno ixapinyive keu shiqhe kithepe khaghi lo toi atho shive tsüni,

MICAH 5:5

Eno Pa no panow külakishiu shive nani. Assyriami no ni yeghi lo ighi no niw kükakiqo lo nesü kelo, nino pa shou ambekhemi tsüni eno kükapumi tache puwuni;

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

ZEKHARIA 3:8

Hi inilo, O achinetou Joshua, no eno o küsami o zülo iqa akeqo ye amchipu timiqo ke: julo, I no I qeu Aloka hu süghi nani.

ZEKHARIA 8:9

Aqokitikhi Mpeu no piani: “Aqokitikhi Mpeu ki boqha ghoke tsala lo tungkupmi kichi lono atsa hipaqo pikeu chilu ighi kemi nongu kümtsü no achineki shiqhelu kepushi nongu u mtotoi luvelo.

MATTHEW 16:18

I no o vilo piani, no ye Peter, eno atuqu hipau shou no I no I kukuhou shipukuni, eno Kithigha khagho ye tipau shou tomla nani.

MATTHEW 26:61

eno pi, “Timi hipau no pi, ‘Niye Alhou chineki xave no atsala küthü lono shiluve nani.’”

Mark 14:58

“Pa no ishi pikeu nino chilue, ‘Au no mlakeu chineki hipau I no kütsave tsü nani, eno kütau au no shimo keu I no atsala küthü dolono shiqheve nani.’”

Mark 15:29

Khunoqo ti kathawu keno panongu no pa thaigha ghi akütsü küngü tsüno pi, “Aha! No achineki kütsave no atsala küthü lono shiqhe kitheni küau,

Mark 15:39

Ghüshimi aqhe zatsüu no Jisü zülo ngono Jisü no hipa gholau no süthauve keu ithulu kelo ishi pi, “Mtsüqheino timi hipau ye Alhou Nue!”

Luke 1:78

Ni Lhouw kimiyekini ghenguno inaqhe khetsünhe no atsütsü lono ni shou yepüvü ighi ketoi,

John 1:45

Philip no Nathanael sholu no pa vilo pi, “Timi khuu vehu Moses no Ayezah kaku lo yepüani eno tungkupmi no yepüani keno, ningu no phuluvae, pa ye Nazarethmi, Joseph nu Jisü.”

John 19:5

Ikehu Jisü no asahu kütsükuqho qhopu eno hughaike phi pepusü khalau ipeghi. Pilate no panoqo vilo pi, “Timi hipau julo!”

Apostolmi 13:38

Tighenguno athiküzümiqo, timi hipau vecheo axine qhikütsü nongu lau sheshu anie pi ithilo,

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

1 Kor. 3:9

Kughengu ningu ye Alhou kümlapu lo mlaküqha chekemi; nongu no Alhou luza eno Alhou ki.

IBRIMI 10:12

Ikemu kughou Khristo no axine ghenguno alhokuthu ghenguno pephe tsüve keno, pa no Alhou u ajeu iqave,

IBRIMI 7:24

ikemu Jisü ye alholo acheni kehu paw achine kümla ye ishokibe acheni.

IBRIMI 7:4

Timi hipau, asü Abraham no aghü lepughi keu lono chighi saje pesü tsükeu, ye kishi kije keno julo.

IBRIMI 8:3

Achinetomi lakhikhi no akümllagho ngo aghakishi pesü mlla penike süsü püani; ikehu ni chinetou ghi kiuala pesü mlla kepu shive.