ZEKHARIA 5:3 - Sumi Naga CL (Re-edited) Bible (BSI)

³ Pa no I vilo pi, “Hi ye aghakhu kümtsü shou ghukusho ikughi akeu ke. Kughengu liküküzü kaku tüxau akeu kiqi lono püka chekemi kümtsü kileqhive nani, eno itaghi tüxau akeu kiqi lono akimki shoqhi shi chekemi kümtsü kileqhive nani.

BAIBEL (BSI)

³ Tileno pano ivilo pi, “Tipaulo musuinikeu yepuku puani eno tiye aghakhuqha kumtsu shou wupeniyeke. Likuzu kaku tuxau yepua keuno aghakhu lono kupkami kumtsu haleve nikeu pipuani; eno tuxa kudau yepua keuno tushoqhi akelo mikichekemi kumtsu ikhipewuve nike pipuani.

ZEKHARIA 5:3 Iomraidhean Croise

IPEKULU 20:15

“No ye püka moni.

AHOLE 29:24

Küpkami küsami shikeu ye pa likhi pa ghümi, timi no pa ghusho keu chilu apülaghi pa ye kiumu pichemoe.

AHOLE 3:33

Kixikilami kibo shou Ampeu ngusü ikughi cheni, ikemu Pa no amikuchomi kibo kümghatsü cheni.

AHOLE 30:9

tikumo aye ni ye kutomo auve no O milive ghi, “Ampeu ye Khuu kea?” ipilu nosa, momu ni ye kumlhomi shive no püka püzü I Lhou je shikuchhubelu nosae.

ISAIAH 24:6

Ikehu ayeghi ye ghushovae eno tile akeqo ye pano kipimi lono ime ani; panongu ye akülü no ghaqhi püzü timi aghulo likhivae.

ISAIAH 43:28

Tighenguno I no akimthe-a lo sakiphemi shipütha nani, Jacob shou kütsakungo pinyikeu süghi nani, eno Israel shou küthakügha süghi nani.

ISAIAH 48:1

O Jacob laghami, hi inilo, nongu ye Israel je vecheo ku kemi eno Judah züghi lono ighi kemi ke, nongu no Ampeu je lono tushoqhi eno Israel Lhou je piphe cheni, ikemu kuchou eno achipi lono tishi chemoe.

JEREMIYA 23:10

Kughengu ayeghi ye asalhami no chhitoivae; ghukusho ghenguno ayeghi no mlo ani eno asayeqha lo atsüni kümtsha no thizümüivae. Panongu laghi ye alhoksa eno pano kumto ye achipi kumoe.

JEREMIYA 26:6

I no akibo hipau pesü Shiloh toi shitsüni, eno mishighüna hipau pe ayeghi lo shiye kümtsü ghenguno ghukusho shivetsü nani.’”

JEREMIYA 5:2

Panongu no, “Ampeu xü anike,” ipi anamu, akimki lono tushoqhi cheni.

JEREMIYA 7:9

Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

EZEKEL 2:9

Kughou I no jupuwo keno au lakhi I küdau chhopuwo, eno julo, liküküzü kaku lakhi tipau lo aghi.

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

HOSIYA 4:2

tushokiqhi, akimki, ghikiqhi, aküpka, eno asalha likhi ani; panoqo no akütsüghaqo kuqhove no ajikuqo no kibe ke.

ACHINE 19:11

“Pükaqhi, pishiqhi momu miki kevilo.

ACHINE 19:12

Nono pemla kepushi kümsü aghi aye I je lono ashoqhi shikevilo, ti ye shipütha keu I shou süghi anie: Ni ye Ampeu nongu Lhou ke.

AMUS 3:10

“Khunono anguka lono süxape sükusho-a lo püani keno,” “tipaqo ye kishi achipiu shini keno mthae,” Ampeu no pi.

ZEKHARIA 5:4

Aqokitikhi Mpeu no pi, I no hipau puwu nani, eno hi no küpkami kilo eno khuu no I je lono akimki shoqhi shicheni keno pa kilo ilo nani. Eno tipau no pa kilo ngove no asüpa ngo atuqo ghi külhüve nani.”

ZEKHARIA 8:17

nongu mlo lono lakhino lakhi shou küsakügha kuchughu kevi, eno kichile shoqhi kimiye kevilo, kughengu hi kümtsü I no mithike, ipi Ampeu no asheshue.”

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MALAKI 4:6

Eno pa no apunoqo mlo tsüghü sawo anuliqo tsü nani eno anuliqo mlo pesü apunoqo tsü nani, tikumo aye I no kütsakungo keu xaküthaza pesü ighi no ayeghi lo hepuku nani.”

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

Luke 21:35

Kughengu ti ye ayeghi lo küxümi kümtsü shou ighi nani.

Ephesiami 4:28

Hinguno hilau ye küpkami no aküpka qhivelo, tishi nike züqhu ichheime mu aphiau pesü amikucho lono mla chulo, tishikeu lono khuana avesa akeu lau küsajelu nani.

1 Tim. 1:9

Hi vethalu no ayezah ye timi süchomi ghenguno mla püamoe ikemu ayezah heküxami eno hekibidemi, Alhou kümthami eno axine shiche kemi, mithemo kemi eno achineye thaigha chekemi, apuaza heqhi kemi, timi heqhi-buqhi kemi,

James 5:12

Ikemu I thiküzümiqo, kümtsü nguno alauno nongu ye kungugha, ayeghi, momu kiu kiumu pesü tushoqhi kevilo. Nongu ye “iyei” ipi aye iyei pilo eno “moe” ipi aye “Moe” pilo, tishianguno nongu shou küghathabe monani.

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

JOSHUA 9:20

Ningu shoqhi ghenguno panongu pelo xüape masae, tishimo aye, ningu shou müghamo keu ikughi nosae.”

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.