ZEKHARIA 3:9 - Sumi Naga CL (Re-edited) Bible (BSI)

⁹ Kughengu julo, I no Joshua zülo atu qhipüa keu, atu lakhi anhethi tsüni akeu lo I no atsa yetha pukupe qhitsü nani, aqokitikhi Mpeu no asheshu, eno hipau ghakhu xine ye I no atsala lakhi lono ikhive tsü nani.

BAIBEL (BSI)

⁹ Ino Joshua zulo atuqu lakhi ako tsuni akeu qhitsu ani. Ino tipau shou yepukukeu tsa yethapuku nani eno ghulo lakhi lono hipau yeghi xine ino ikhi pewuvetsu nani.

ZEKHARIA 3:9 Iomraidhean Croise

KUKAMI ATUGHIU 1:20

I mpeu akükau, itehi Israelmi kümtsü no o pelo khuu no o kükalakhü lo iqa nani keno, pitsü penike o shou jupuku ani.

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

LESHELE 103:12

Kipelau no kulolau sasü putosüpe aketoi, Pa no ni launo ni xine titohi lo ikhipe wuve tsü cheni.

LESHELE 118:22

Aki kishimi no atu kileve keu huno kümtsü nguno atsükupuu shive.

IPEKULU 28:11

Achi kümlami no jedapu nguthi lo kixi puku ketoi, atu tiküma lo Israel nuliqo je kixi pukulo. Atu tiküma ye ameshoyi bocho lo sülo.

IPEKULU 28:21

Israel nuliqo je kiqi lono atu chighikini qhini. Tipaqo ye jedapu nguthi toi Israel shiaye chighikini ghenguno lakhikhi lo aje lakhikhi yepukuni.

IPEKULU 28:36

“Ameshoyi kütsüghü pesü akhu lakhi mlalo, eno jedapu nguthi lakhi lo kixi puku ketoi ameshoyi khu tile, ‘Ampeu lau akimtheshi tsüvae’ ipi yepuku lo.

ISAIAH 28:16

ikehu Ampeu Alhou no hitoi piani: “Julo, Zion lo aboqha shi ghi atuyitu sho püakeu huye I no ke, ti ye akughupu tsükucho, thebeike boqha: ‘Khukhumu pülü keu ye lhelheivemo nani.’

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

JEREMIYA 50:20

Tipa ghuloki lo Israel lo kiu xinemu phumla nani eno Judah lo kiu lhoksamu küha nani, kughengu I no khunoqo ghüpe qhive keno, tipaqo xine pevetsü nani.

ZEKHARIA 13:1

“Tipa tsala lo David laghami eno Jerusalem lo küami xine eno mithekumo qhukimthe tsünike ghenguno azüpuki lakhi ipeghi nani.

ZEKHARIA 3:4

Eno kungumi huno pa zülo puthugho akeqo vilo pi, “Niqhinilai keu phimini pa launo xave tsülo.” Eno Joshua vilo pa no pi, “Julo, I no o launo o xine ikhive tsüae, eno I no tsüghükhüi keu phimini o pipeni.”

ZEKHARIA 4:10

Kughengu khunono akikishi lo ajuichemo kepi aghüthisü akeno alovive nani, eno Zerubbabel u lo akimghitu ithulu nani. “Akulu tsüni hipaqo ye Ampeu nhethi ayeghiqha kümtsü shou jupuku achekeu ke.”

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

John 6:27

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

Apostolmi 4:11

Jisü hipau ye nongu aki kishimi no kileve keu tuqu, tino kümtsü nguno atsükupuu tuqu shive keu huke.

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

2 Kor. 1:22

eno ningu shou Pa michipu sütsü no ningu tsüniye akeu tsütha ghi Pa Ghungu ningu mlo lo sütsüe.

2 Kor. 3:3

Eno nongu ye Khristo launo ighi keu, ni vecheo pekiye süghi keu yesü ke, akiyezü no kumoe ikemu aküxüpu Lhou Ghungu no yekeu, atulupha lo kumoe ikemu timi mlo lo yepuku keu ke.

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

IBRIMI 7:27

Pa no ghuthu khavino kümtsü ghenguno pa ampi ikhiphe tsüve keke pa ye achinemi kütami toi atüghüshi pa xine ghenguno eno tithiu no timiqo ghenguno tsalakipe ghakishi shi akepu kühae.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

Piyeküsü 5:6

Kükalakhü ngo aküxüküa lhoxüqo dolo eno layemi gholo Ambeti lakhi, ghiqhive ke paphishi, puthugho aghikeu I no ithulu. Ambeti huye akibo tsüni eno anhethi tsüni xapua, tipaqo ye Alhou Ghungu tsüni ayeghiqha kümtsü lo puwu püakeqo ke.