ZEKHARIA 3:1 - Sumi Naga CL (Re-edited) Bible (BSI)

¹ Tithiu pa no achinetou Joshua no Ampeuw kungumi zülo puthugho aghi keu, eno Satan no pa u ajeu puthugho no pa nguku aghi keu I piye.

BAIBEL (BSI)

¹ Kungunhetsu lono AMPEU no Achinetou Joshua ipiyeke. Tilehi Joshua phivilo Satan puthughono pa nguku keu tsa sughiniye kutope ake.

ZEKHARIA 3:1 Iomraidhean Croise

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

BOTHUBO 48:16

kungumi khuu no alhoksa kümtsü lono I xachilelu keno, Pa no apu pama kümghatsü peniu; pama launo I je, I pu Abraham ngo Isaac je pewo peniu; eno ayeghi lo pama pelo aqokitikhi shi ikowolu peniu.”

YEKIKITHI ATUGHIU 21:1

Tithiu Satan no Israelmi ghobide ithughive eno David pelo Israelmi kihiju peniye xukutho.

YEKIKITHI AKINIU 29:11

I nuliqo, itehi ye kughucho kevilo, kughengu Ampeu no nongu pelo Pa zülo puthugho no Pa huthu penike, Pa qemi shi penike eno akümllagho Pa tsü penike nongu kishelue.”

EZRA 10:18

Tile achinemi nuli khami inaghalimi sasü akibo shive kemi phuphelu: Jozadak nu Jeshua lagha eno pa thiküzümi, Maaseiah, Eliezer, Jarib, eno Gedaliah.

EZRA 2:2

Panoqo ye Zerubbabel, Jeshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum eno Baanah, gholono ighie. Israel lo timi kikihi:

EZRA 5:2

Tileno Shealtiel nu Zerubbabel ngo Jozadak nu Jeshua pama no ithu no Jerusalem lo Alhou ki shiqhe kithe, eno Alhouw tungkupmi no pama gholo shino pama kuphu.

LESHELE 106:23

Tighenguno Pa no panoqo kütsaveni ipi— Paw kishekiphe qeu Moses no Pa zülo puthugho moke aye, Pa loghu no panoqo kütsave niye akeu süchile mlani cheke.

LESHELE 109:6

Pa lachile penike kixikilami lakhi süküsü shilo; nguku akeu pelo pa u ajeu puthugho pelo.

JEREMIYA 15:19

Ikehu Ampeu no ishi piani: “Nono ideighi aye, I no o pesü athoputho tsüni, eno nono I zülo puthugho nani. Nono ameküküha tsa kumono akughupu tsa pi aye, no ye I kichi shinani. Panongu no o lau tsüghü ighi nani, ikemu no ye panongu lau tsüghü wumo nani.

EZEKEL 44:11

Panongu ye I kimtheki lo hukuthumi shi nani, achineki lo khaghoqo jukuto eno hukuthu kümla shi nani. Panongu no akipti kümllagho ghiqhi nani eno timiqo ghenguno aghakishi tsü nani, panongu no timiqo huthuni ke panoqo zülo puthugho nani.

EZEKEL 44:15

“Ikemu Zadok laghami, Levimi achinemi, khunoqo Israelmi no I launo lavela lo wuve kelo I kimtheki lo aghini shiche keno, panongu no I huthuni ke I kupunu ighi nani. Eno panongu no atha eno aji pesü I mllani ke I zülo puthugho nani ipi Ampeu Alhou no asheshu.

HAGAYI 1:1

Akükau Darius yepe mpe akiniu, aqhi akütsüghou, atsala atüghüu lo Haggai tungkupu vecheo Ampeu tsa Judahw Angh, Shealtiel nu Zerubbabel, eno Jehozadak nu achinetou Joshua lau ighi:

HAGAYI 1:12

Tileno Shealtiel nu Zerubbabel ngo Jehozadak nu achinetou Joshua eno ghükulumi kümtsü no Ampeu panongu Lhou no puwu ketoi tungkupu Haggai tsa eno Ampeu panongu Lhou sütsa gholu. Eno timiqo no Ampeu sümsa.

HAGAYI 2:4

Tishimu mtolo, O Zerubbabel, Ampeu no asheshue. Mtotoi lo, O Jehozadak nu achinetou Joshua. Mtotoi lo, nongu ayeghi lo akemi, Ampeu no asheshue. Mlalo, kughengu Ni ye nongu gholo ani, aqokitikhi Mpeu no asheshu,

ZEKHARIA 1:13

Eno Ampeu no kimiyeqhiyi eno amlo vepiqi tsükeu tsa lono kungumi khuu I pütsa akeno khochileve.

ZEKHARIA 1:19

Eno I no kungumi khuu I pütsa akeno pa vilo pi, “Hipaqo ye kiu kea?” Pa no I vilo pi, “Hipaqo ye akibo, Judah, Israel eno Jerusalem qha apanaghave tsükeu ke.”

ZEKHARIA 1:9

Ikehu I no pi, ‘Hipaqo ye kiu kea, I mpeu?’ Kungumi khuu I pütsa akeno pa no I vilo pi, ‘Hipaqo ye kiu keno I no o piyeni.’

ZEKHARIA 2:3

Eno julo, kungumi I pütsa akeu huno azüu ighi, kungumi kütau ghi pa sasü kushoni ye azüu ighi

ZEKHARIA 3:8

Hi inilo, O achinetou Joshua, no eno o küsami o zülo iqa akeqo ye amchipu timiqo ke: julo, I no I qeu Aloka hu süghi nani.

ZEKHARIA 4:14

Ikehu pa no pi, “Hi ye nukisheve keu pama ayeghiqha kümtsü Mpeu gholo puthugho achekeu ke.”

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

Luke 21:36

Ikemu kiu shiniye ani keno tipaqo lono pokalu, eno Timi Nu zülo puthugholu kepu küka apenike nongu ye atüqhüdo kümtsü lo inikhu eno tsükhüi alo.”

Luke 22:31

“Simon, O Simon, inilo, Satan no ashothi toi ijoveni ye khuke,

ZAKINIU 10:8

Tipa ghuloki lono Ampeu no Levi laghami pelo Paw Puloshoqhi bohu pe penike, Pa huthu, eno Pa je sheqhe penike kishe kütüta shie. Ti ye ishi kutolo tishi chephie.

ZAKINIU 18:15

“Ampeu nongu Lhou no I toike tungkupu lakhi nongu athiküzümi lau puwu nani, nongu ye pa gholu masae.

1 Peter 5:8

Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

SAMUEL ATUGHIU 6:20

Tishino Beth-shemeshmi no pi, “Khuu no Ampeu, akimthe Lhou hipau zülo puthugho luni kea?”