ZEKHARIA 2:9 - Sumi Naga CL (Re-edited) Bible (BSI)

⁹ “Julo, I no panoqo shou I u peqhe nani eno khunono panongu qe ani keno tipaqo no pano xüle pewuve nani. Tileno aqokitikhi Mpeu no I puwu kepi nongu no ithi nani.

BAIBEL (BSI)

⁹ “AMPEU ampino nongu sasu aghushi nani eno ghuthu lakhilo nongu qemi shichekemi timiqono nongu xulepuwuve nani.” Kughono hipau shikupuni keno timi kumtsuno Aqokitikhi MPEU no ipuwu kepi ithi nani.

ZEKHARIA 2:9 Iomraidhean Croise

ISAIAH 10:32

Atsala hipau lo aghümi ye Nob lo ngono pano u sükumqope Zion limi toghi, Jerusalem toghi, kichi kümsa nani.

ISAIAH 11:15

Ampeu no Egypt züghi lo azücheku qhoi puthovetsü nani, eno Pa tuthu shukuthui keu pesü Pa u no Euphrates ghoki shou kihi puku kelo aghokiti tsüni shive nani, eno timiqo no apukhuqho xapusü katha luve nani.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 13:2

Agha itsümoke toghi lono amchipu peqhepe ighamku ghüshimi kulo; aqheküzami phughi khagho lo ilo penike au kihipe panoqo tsülo.

ISAIAH 14:2

Ashiayeqo no Israelmi sasü pano yeghi lo ighi nani, eno Ampeu yeghi lo Israel laghami no ashiayeqo aqüaxemi shi saluve nani. Inahuu khunono pano qhasü eno nedaqoda püa keno, itehi ye pano no tipaqo shou ayepe nani.

ISAIAH 19:16

Tipa ghuloki lo Egyptmi ye pano sükuchoqhi keu aqokitikhi MPEU zülo totimi toi akümsa lono khokhoshi nani.

ISAIAH 26:1

Tipa ghuloki lo Judah yeghi lono ale hipau phe nani: “Ningu ye aphughi kumto ani; aliwo eno sükusho-a toi Alhou no xakulupu pesü ni süshoke

ISAIAH 33:1

Khunomu o theqhive mphi keu, no kütsakungo kicheu, khunomu o thechuve mphi keu, no thekuchuu ghenguno ahae! Kughou nono kütsakungo taveni keno o küghape kütsave nani; eno kughou nono thechu taveni keno o pesü thechuve nani.

ISAIAH 33:21

Aghüshi zükilu eno ashuka kije no wumla keu ghoki toi Ampeu no Pa kumto lono ni sasü tile anani.

ISAIAH 33:23

Nongu kighi ye ichonhei ani; tino ashuka tsükucho mtotoi mlano fusawu kepu phi xakholu amoe. Tishino hakhokulu thimeqo pofushi kije no kulhokughomi ghi pano saje ithulu nani.

ISAIAH 4:5

Tishino Ampeu no Zion Naghuto shou eno aqoahomi shou puchou no khüngküsü, puthou no amchhi ngo ami mili phuphushi pipetsü nani; Ampeuw sükusho no tipau juküvü kümtsü khonhape anani.

ISAIAH 48:16

I kupunu ighilo eno hi inilo: abothu lonomu Ni ye tuqhou lono pi püamoe, atsa tipau no I lau ighike ghuloki lono Ni ye tile ake.” Itehi ye Ampeu Alhou no ni eno Pa Ghungu puwu ani.

ISAIAH 60:18

Ghiqhi heqhikeu sütsa ye nongu yeghi lo chilu kithemae; eno shiküpsa ngo kütsakungo keu ye no lughi lo chilu moae; nongu no now aliwoqo pesü Xakuluu ipi ku nani, eno now khaghoqo pesü Shekiqhe ipi nani.

ISAIAH 60:19

Khetsünhe ye puchou nongu küvü shimoae, momu putho lo aqhi ye nongu küvü shimoae, kughengu Ampeu no shekhaha nongu küvü shiniae, eno nongu Lhou no nongu juküvü shinani.

JEREMIYA 27:7

Pano ghakhu do aghuloki ighi moke kutolo shiye kümtsü no pa ngo pa nu eno pa tilimi kutolo huthu nani. Tithiu no shiye kutomo, eno kükami kijeqo no pa pesü pano qeu shive nani.

JEREMIYA 28:9

Tungkupu khuu no külakishi tsa pichhotsü keno tino kuchou shive aye, kuchou no Ampeu no pa puwu kepi ithive nani.”

JEREMIYA 8:19

Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

EZEKEL 39:10

tishi kehu panongu ye aluza lo asü ghewu momu aghasüqo thaqhimo nani, kughengu panongu no aghünanuqo pesü ami shinani. Khunono pano pükaqhi eno xule puwuve tsü keno itehi ye panongu no tipanow xule puwuve tsü nani ipi Ampeu Alhou no asheshu.

JOYIL 2:27

Ni ye Israelmi gholo anie pi nongu no ithi nani, Ni ye Ampeu nongu Lhou eno I nguno kütami ye kühae. Iw timi ye khilemu shikukujo kitheve monani.

HABAKUK 2:17

Nono Lebanon kütsale kehu tino o mhoqhive nani, nono kütsale keu tüghashiqo no o shikichiqhi nani, kughengu aji pelekeu eno ayeghi shiküpsa, aphughi eno tile küxümi kümtsü lau nono küsakügha shike.

HABAKUK 2:8

Nono aji pele eno ayeghi shipüsa, aphughi eno tile küxümi kümtsü lau küsakügha shi kehu, nono shiye kutomo pükaqhi kehu ghükulumi no o pükaqhi nani.

ZEFANIA 2:9

Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

ZEFANIA 3:15

Ampeu no o launo küghakütha pewuve tsüae; Pa no o ghümiqo haleve tsüae. Israel Kükau, Ampeu no o gholo anike no ye khilemu alhoksa msakithe moae.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

ZEKHARIA 2:8

Kughengu aqokitikhi Mpeu no pi, Pa juküvü no nongu xüle pewuve keu shiyeqo lau I puwu kethiu, khuu no nongu buni keno pa nhethi no juküsü shi püakeu buvae:

ZEKHARIA 4:9

“Zerubbabel u no aki hipau aboqha qhavae; pa u no itaghi hipau kishekha nani. Tileno aqokitikhi Mpeu no nongu lau I puwu kepi nongu no ithi nani.

ZEKHARIA 6:15

“Khunoqo putou acheni keno panongu no ighi no Ampeu chineki shiqhe nike kuphu nani. Aqokitikhi Mpeu no nongu lau I puwu kepi nongu no ithi nani. Eno nongu no amlo tsüqhiyi Ampeu no Lhou tsa gholu aye, hi ye shikupu nani.”

ZEKHARIA 9:15

Aqokitikhi Mpeu no panoqo süsho nani, panongu no kütsale eno akighi lono atu kihi chekemi theqhive nani, panongu no atsaiji sho nani eno shomzü akeshi igha nani, akiptia chekuqo pütsüni ye akhu chhitoi akeshi nani.

John 13:19

Hi shimphi lono I no itehi no nongu vilo pive ani, tishianguno kughou tishini keno, ‘Ni ye pa ke’ ipi nongu no pülü nani.

John 16:4

Ikemu I no nongu vilo hipaqo pive ani, tishianguno kughou ado ighini keno, I no nongu vilo pikeu kümsülu peniye ke.” “Ni ye abothu lono nongu vilo hipaqo pimove, kughengu I no nongu gholo ake.