ZEKHARIA 2:8 - Sumi Naga CL (Re-edited) Bible (BSI)

⁸ Kughengu aqokitikhi Mpeu no pi, Pa juküvü no nongu xüle pewuve keu shiyeqo lau I puwu kethiu, khuu no nongu buni keno pa nhethi no juküsü shi püakeu buvae:

BAIBEL (BSI)

⁸ Khukhumu nongu hekeuye ino kiukela akughupushi achekeu he anike.” Tighenguno Aqokitikhi MPEU no ashiayeh khipaqono pawu timiqo xulepuwuvekeno tipaqo lau asutsa hipau pewu penike ipuwuke:

ZEKHARIA 2:8 Iomraidhean Croise

BOTHUBO 20:6

Tileno Alhou no asamou no pa vilo pi, “Iyei, no ye o mlo lo akikhi akeu lono shivae pi I no ithi ani, eno I shou axine shipe moniye I no o küghütshüve ke. Tighenguno I no o pelo li bupe move.

KUKAMI AKINIU 24:2

Ampeu no Pa qemi tungkupmi vecheo pipüa ketoi Jehoiakim sasü aghüshi no Judah kütsakungove penike Ampeu no Chaldea, Syria, Moab eno Ammon ghüshimi puwu.

LESHELE 17:8

I pesü O nhethe lo anhekiyighi shi qhitsülo; O chishibo qholo I peküsü tsülo,

AHOLE 7:2

I zakütsü pape no aküxüpu qelulo; I kükütsütsa pesü o nhethi lo ijukeu thime toi qhilo;

ISAIAH 49:19

“Mtsüqheino no ye ixapinyi eno küghüvae eno o ghakhu ye kütsalevae. Ikemu itehi tile küghünani kemi ye ngozüla nani, eno nongu kütsakungo keqo ye putosüu wuve nani.

JEREMIYA 12:14

I kisüghümi lhoksami khunono I no Iw timi Israel tsüve keu mheghi luvetsü keno, pano ghenguno Ampeu no ishi piani: “Julo, I no ayeghi lono panongu nhüve nani, eno panongu gholono Judah kibo nhüve nani.

JEREMIYA 27:7

Pano ghakhu do aghuloki ighi moke kutolo shiye kümtsü no pa ngo pa nu eno pa tilimi kutolo huthu nani. Tithiu no shiye kutomo, eno kükami kijeqo no pa pesü pano qeu shive nani.

EZEKEL 25:12

“Ampeu Alhou no ishi piani: Edom no Judah laghami shou amkhülu kelono akithipu shi ghüzave ke ghenguno,

EZEKEL 25:15

“Ampeu Alhou no ishi piani: Philistiami no alolo timi mithi keu xapu aküxü tivilo ghümi kütsaveni ye amkhü luke ghenguno,

EZEKEL 26:2

“Timi nu, Tyre no Jerusalem vilo, ‘Aha, timiqow khagho ye kubovae; tipau ye I lau khaqhi püani. Itehi li ye kütsape ani keke niu no chhitoilu niae,’ ipike ghenguno,

EZEKEL 26:20

tileno I no o pesü khaghi no akuthoku lo ilove keqo gholo puwuve nani, eno ayeghi qhou khaghi no kütsave keqo gholo o pelo küghünape nani; tishikeu lono o ghakhu ye küghüna kithepe moveni; ikemu I no küxümi yeghi lo jukivi kutope qhitsü nani.

EZEKEL 35:5

Kughengu nono pülhapuju aghümi shi acheni eno Israelmi mhekiqi tsalani eno panow ashekhau ghime sholuke tsalani nono Israelmi pesü azütakikihi küka lau pephe tsüve kehu,

EZEKEL 36:11

I no timi ngo tüghashiqo o lau kughuko tsü nani, eno panongu no kughuko no athi pithi nani. I no nongu pelo khaghi lo toi küghüna lupe nani, eno püzüu nguno alau nongu lau akivi alau shinani. Tileno nongu no Ni ye Ampeu kepi ithi nani.

EZEKEL 38:11

eno ishi pi nani, ‘I no aliwo kühakeu yeghi lo wuno aphuqo lewuni. Timi khunoqo aliwo kühakeu lo küghüna cheni, eno akhadu momu khagho kiumu kühakeu lo iqüghai sükusho qholo acheni keno, tipaqo leni,’

EZEKEL 38:14

“Tighenguno, timi nu, tungkuptsa Gog vilo pilo, Ampeu Alhou no ishi piani: Tipa tsalani Iw timi Israelmi no sükusho qholono küghüna akelo, no ye ti ithimo nani keshea?

AMUS 1:11

Ampeu no ishi piani: “Edom xine küthü ghenguno, eno bidi ghenguno, Ni ye aghime süchilemo nani; kughengu pa no azütakikihi pesü pa thiküzüu haqhi eno küpükini piyemoe, ashekha küha amloide eno pa loghu pülhapuju xapu ke.

AMUS 1:13

Ampeu no ishi piani, “Ammonmi xine küthü ghenguno eno bidi ghenguno, Ni ye aghime süchilemo nani; kughengu panongu no Gilead lo mishipu akemi po ghileve tsü, tishino pano lughi pekho niye ke.

AMUS 1:9

Ampeu no ishi piani: “Tyre xine küthü ghenguno, eno bidi ghenguno, Ni ye aghime süchilemo nani, kughengu panoqo no ashiaye kümtsü sawo Edom lo jesuve, eno athiküzümi puloshoqhi kümsülu move ke.

MICAH 4:11

Itehi ye shiye kutomo no hekütsüpe o mjochileni ke piani, “Li shikitiqe lo, ni nhethi no Zion shou jupukuni.”

MICAH 5:6

panoqo no azütakikihi pesü Assyria yeghi eno Nimrod kulaghi kheluve nani; eno kughou Pa no ni yeghi lo ighi no ni lughi lo iloghiveni keno, Pa no Assyriami launo ni xaphe nani.

MICAH 7:10

Tileno I ghümi no ithulu nani, eno khuu no I vilo “Ampeu o Lhou ye khile ania?” ipi keno li ye akukujo no küzüluve nani; I nhethi no li shou jupuku nani; tishino li ye alaghila lo aniba toi nedaqoda nani.

HABAKUK 2:17

Nono Lebanon kütsale kehu tino o mhoqhive nani, nono kütsale keu tüghashiqo no o shikichiqhi nani, kughengu aji pelekeu eno ayeghi shiküpsa, aphughi eno tile küxümi kümtsü lau nono küsakügha shike.

HABAKUK 2:8

Nono aji pele eno ayeghi shipüsa, aphughi eno tile küxümi kümtsü lau küsakügha shi kehu, nono shiye kutomo pükaqhi kehu ghükulumi no o pükaqhi nani.

ZEFANIA 2:8

“Moabmi no thogha junu keu eno Ammonmi no cheqhi keu, panoqo no Iw timi junu eno pano lughi shou aqheküza tsa pikeu I no chiluvae.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

ZEKHARIA 2:9

“Julo, I no panoqo shou I u peqhe nani eno khunono panongu qe ani keno tipaqo no pano xüle pewuve nani. Tileno aqokitikhi Mpeu no I puwu kepi nongu no ithi nani.

ZEKHARIA 8:5

Eno mishighüna laghila lo apu-angaqo no chhitoi ili nani.

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

MATTHEW 25:45

Tileno panoqo vilo pa no pi nani, ‘Kuchou no I no nongu vilo piani, nongu no hipaqo gholo akitilau lau kiu shimove keno, nongu ye I lau shitsü movae.’

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

John 17:18

Nono ayeghiqha lo I puwu ketoi, ni ghi ayeghiqha lo panoqo puwuvae.

Apostolmi 9:4

Pa ye ayeghi lo ikiqive eno asütsa lakhino pa vilo pikeu chilue, “Saul, Saul, no ye kushiye I kijipüsa ani kea?”

ZAKINIU 32:10

“Pa no asayeqha lono Jacob phulu, asayeqha lo küghüküghalei keu lono phulue; Pa no pa boluve no pa tuchomjoe, pa pesü Pa mlo kuchuu shie.

2 Thes. 1:6

Alhou ye achipi; khunono nongu ghime ani keno Pa no aghime pesü lochile nani,

1 John 4:14

Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.