ZEKHARIA 2:4 - Sumi Naga CL (Re-edited) Bible (BSI)

⁴ eno pa vilo pi, “Powu no lhothemi hupau vilo pilo, ‘Jerusalem ye aliwo küha keu phuqo toi küghüna nani, kughengu timi ngo pichepighi no shishe ikowoni cheni.

BAIBEL (BSI)

⁴ Kungumi atughiuno lakhiu vilo ishi pi, “Posu wuno lhothemi lakhi mighikepu kighi pe akeu vilo ishi pilo: Jerusalem lo timi ngo pichepighi shishe kumzapu shini chenike tipau phughiye aliwo putuve nike loye luzulave nani.

ZEKHARIA 2:4 Iomraidhean Croise

ESTHER 9:19

Tighenguno Jewmi aphulomi, khunono aphu lo xü akeno, panongu ye Adar qhi atsala chighiabidiu loye alokivi eno aghulhu tsala shi ikhilu, eno lakhino lakhi lau achuqupu gho pesü tsükile keu tsala shilu.

ISAIAH 33:20

Niw tiqhetini phughi Zion julo! Nongu no Jerusalem ithulu nani, ti ye iqüghai eno pekiqemla keu phiki ke, tipau yishu ye khilemu sülamla momu akighi mu sütha mlae.

ISAIAH 44:26

I qemi no asheazü tsa pikeu I no iqhikumto tsü cheni, eno I tsapemi mijekütsü shikupu tsü cheni, I no Jerusalem vehu ishi pi, ‘Tile timiqo küghünauve nani,’ Judah lo mishighünaqo vehu ishi pi, ‘Tipaqo ye shiqheve nani, I no ixapinyi akeqo shiqhe nani’;

ISAIAH 49:20

Küqa kumlo dolono punu kemi no tianuliqo no nongu kini lo pisütsü nani: ‘Ni sala a-a hi ye ighono tülaloe; nino ngokepu-a kuto tsülo.’

ISAIAH 54:16

Julo I no ayikiyiqimi lhopheve ake, panoqo no ami shipüzü, avehupu ghenguno aghünanu iqiphe nani. I no kütsakungove chekeu hu ghi lhopheve ake.

JEREMIYA 1:6

Ikehu I no pi, “Ya, Ampeu Alhou! Julo, ni ye kishi pikepu keno mthae, kughengu ni ye lhothemi shiaphi.”

JEREMIYA 31:24

Judah eno mishighünaqo ngo alukichimi eno ambe loji sasü itsü chekemi no kümtsa tile xünani.

JEREMIYA 31:27

“Julo, Ampeu no sheshu, I no Israel ngo Judah kibo lo timi xüthi eno tüghashi xüthi pesü xusüni keu tsala cheni.

JEREMIYA 33:22

Atsütsü lo ayepuqo kihi khamla eno azüghi lo asaye mighi khamla ketoi, I no I qeu David ti kughuko küghüsü tsü nani, eno Levi chinemi I huthu chekemi ghi tishi tsünani.”

EZEKEL 38:11

eno ishi pi nani, ‘I no aliwo kühakeu yeghi lo wuno aphuqo lewuni. Timi khunoqo aliwo kühakeu lo küghüna cheni, eno akhadu momu khagho kiumu kühakeu lo iqüghai sükusho qholo acheni keno, tipaqo leni,’

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

DANIEL 1:4

lhothemi tukutiye küha kemi, aju-aqoghe kivimi, phuithai alokütsümi, akighithi küami, akighithi vethakulumi, akükau kighiki lo puthugho luni kemi saghipe no Chaldeami tsaiko eno atsa panoqo shika peniye shie.

MICAH 7:11

Akuptu shiqheni keu tsala! Tipa tsala lo alughi ye kushuo lo pekhove nani.

ZEKHARIA 1:16

Tighenguno, Ampeu no pi, Ni ye küpükini pesü Jerusalem lo ideighivae; I ki ye tileno shiqhe pukuni, eno akimghi süta pesü Jerusalem kuchopu mighi nani, aqokitikhi Mpeu no asheshu.

ZEKHARIA 1:17

Itaghi ighamku lo, aqokitikhi Mpeu no piani: Iw mishighünaqo ye itaghi küakini no qole nani, Ampeu no itaghi Zion lokughunotsü nani eno itaghi Jerusalem kisheluve nani.’”

ZEKHARIA 12:6

“Tipa tsalani I no ami kuchughei hipe asü dolo sükeshi Judah laghami pesü aghijini pholo akulu küqüsü nani. Eno panongu no hokümxa lo ashiaye ajeu ngo piyiu akeqo kümtsü kütsave no Jerusalem ye itaghi tipa-a lo küghünauve nani.”

ZEKHARIA 14:12

Khuno shiaye no Jerusalem sasü aghü shini keno tipaqo lau püsa hipau ighi nani: panongu no puthugho apülaghi pano phiashi ye tsüle nani, pano nhethi no anhebo lono tsüle eno pano mili no akichi lono tsüle nani.

1 Tim. 4:12

Timi khuu pelomu no ye lhothemi kepi o jukünatha pekevilo, ikemu atsapi lo, ghushoghili lo, kikimiye lo, aküpülü lo eno mtsümishei keu küxü lo, küpülümi lau kichekipiye shilo.